YESAYA 21:1 - Susula Malalaok Hehelu Palak Ma Hehelu Beuk

¹ Hala heheluk la'eneu Babel nde ia: Sama leo kutus-sa nakamiu tunga moo maloa, leondiak boe, soe mamain-na neme nusak fo maneni bibii-namata'uk-ka mai.

YESAYA 21:1 ပူးပေါင်းရင်းမြစ်များ

AYUB 37:9

Sangu-a ana kalua neme kona mai, ma ani makasufuina, neme kii mai.

YESAYA 13:1

Manetualain hala-hehelun la'eneu Babel-la nde ia, de Amos anan Yesaya nde sipon-nana.

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

YESAYA 14:1

Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 14:14

O mafa'da mae neukose o kae leo ko'as mademaina-la lai muu, fo o da'di sama leo Manetualain Fo Mademaina.

YESAYA 14:23

Neukose Au tao Babel da'di puuk, fo ko'donaok-kala mamana leleon-na. Neukose Au sasapu balisi Babel. Au, fo Manetualain nde manakokolak-ka.”

YESAYA 17:1

Manetualain nafa'da nae, “Damsyik ta nalupa kota so'on, te ka'da ai-batu madodouk-kala.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YESAYA 5:28

Kokou isin-nala matane, ma kokoun-na nanahela memak. Ndalan-na eifangan-na, tean-na sama leo batuaik-ka, ma kaleta-na ein-na ana loli sama leo sangu-a.

YEREMIA 51:1

Manetualain nafa'da nae, “Neukose Au haitua ani mangalauk fo mana fuu nasale leo Babel no laun-nala.

YEREMIA 51:42

Tasi oe lua leo Babel neu; lii-na fo'a sa'e la nusak ndia.

YEREMIA 51:51

Emi kokolak mae, ‘Ami nananakadadaek ma nakamamaek hu ka nde hataholi manamai-la lamatuk-la mamana neulauk manai Manetualain Uman.’

YESKIAL 1:4

Au anganalo leo lain neu, de au ita ani-sangu matuaina neme kii mai. Ndela-ta'tas latutu'tiao leme ko'as bubua matuaina esa dalek mai, ma lalai manai boboa-kaisun mangale'dok. Au ita hatak esa mangadilak, sama leo liti-a, nai ndelas manatuti-natok sila-la dalek.

YESKIAL 30:11

Nebukadnezar no basa solda'dun fo, ta lalelak susue-lalaik ndia fa, neukose ala mai, fo ala tao lakalulutuk dae ndia. Neukose ala sapu-la Masir nenik tafaina, soaneu ala ta'tilisa hataholi-la, fo lalefule'ak nai nusak ndia.

YESKIAL 31:12

Solda'du nusa dea fo, ta lalelak susue-lalaik ndia fa, neukose ala lo'ohenin, boema ala po'ilotak-kana lee-lee neme ndia. Ndanan fo la'dihenik-kala, neukose ala tu'da beepoko nai basa letek-kala poin-na, ma nai bafak manai nusak ndia. Basa leoina fo, ala hahae lai huun-na, neukose lalai la'oelan.

YESKIAL 38:9

Ndia ma solda'dun-nala, boema leoina fo manatungan-na, neukose ala mai fo sapu-lan, sama leo ani sangu, ma ala poti-la nusak-ka lala'en-na, sama leo ko'as-sa.”

DANIAL 11:40

Metema manek nusa kii ndia, koasan-na sanga deka basan soona, manek nusa kona sapu-nan. Boema manek nusa kii-a, neukose ana balas natee-natatik ndia no mamate-momopon. Neukose neni kaleta musu, ndala ma ofak makadotok. Neukose ana sapu sama leo faa oek-ka, de nangatuu-na nusak makadotok.

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.