YESAYA 20:4 - Susula Malalaok Hehelu Palak Ma Hehelu Beuk

⁴ Neukose Manek Asyur-ra, ana foo nusa ka duak sila-la hataholin-nala, ma neukose ana lele'a-lolosos no makaholak. Lasik ma mulik, neukose basa-basas ala la'ok no ta pake ba'du, ma ta pake ta'bueis, de pelin-nala lai deak, da'di leo nakamumulu-nakamamaek esa soaneu Masir.

YESAYA 20:4 ပူးပေါင်းရင်းမြစ်များ

2 SEMUEL 10:4

Boema, Hanun ho'un-na Dauk nadenu hataholi sila-la, de ana nggeu heni nggolomein-nala seli, ana kee keke'u bua papaken-nala losa kalebon-nala, de nadenus fo ala la'o.

1 TAWARIKH 19:4

Manek Hanun na ho'u na Dauk hataholi nadedenun sila-la, de ana nggeuheni nggolomein-nala, ana kee keke'u bua papaken nala losa tala'da nala, de nadenus ala fali.

YESAYA 19:4

Neukose Au fe Masir leo mane ha'da hataholi tak esa liman neu, fo ana paletas no ta pake ha'da hataholik fa. Au, Manetualain Fo Manakoasa nde manakokolak-ka.”

YESAYA 3:17

Tehu neukose Au hukus; neukose langan-nala henuk no kosulouk, ma langan-nala nananggeu dilak.”

YESAYA 31:2

Manetualain manatee-tenok, ma Ana bubuluk hata fo, Ana taon. Ana fe soe-a ana mai, ma Ana tao natetu nasanene'da mahelen-na, soaneu Ana huku hataholi mangalauk, ma hataholi manatulu-falis-sala.

YESAYA 31:3

Hataholi Masir-rala, ka'da hataholi daebafak mesan, te Manetualain ta nde sila fa. Sila ndalan-nala nde been-na, mahahaek biasa, fo tapandoes, te ta dula dalek fo nanuu koasa fa. Metema, Manetualain tao hata esa soona, leoina manatulu-fali ndia, neukose nakatunu, ma ana tulu-fali leoina ndia, ana tu'da. Soona neukose duas mate-mopo.

YESAYA 47:2

Kekenok ha'desopuk menik batu; buka heni o tema popoti langam-ma, so'u laik o poum-ma, losa lita o bitiboam-ma, ma lena lee-la.

YESAYA 47:3

Neukose hataholi nita o makaholam-ma, nananakadadaek, ma nananakamumulu-nakamamaek. Neukose, Au balas dale he'dik neu o, ma Au ta fe hataholi esa boen, naladeak fa.”

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

YEREMIA 13:26

Neukose Au nde sisiba'e papake-ngganggaok manai emi aom-ma, fo ela emi makahola-la ma emi mae.

YEREMIA 46:19

Mahehele aom laun Masir-rala lemin, soaneu nanafook ma nananook fo la'o! Neukose Memfis da'di ai-batu madodouk, mamanak fo nene-lino-linok nanahu nana leo taak.

YEREMIA 46:26

neukose Au fen neu Nebukadnezar fo manek Babel-la no basa soloda'dun-nala fo mana nau tao nisas-sala. Tehu neu makabuin-na te, neukose Masir nanaleo nasafalik sama leo makahulun-na. Au Manetualain nde manakokolak-ka.”

YESKIAL 30:18

Nai faik fo, Au tao ate'e Masir paletan-na, ma Au ho'i-a koasan-na soona, neukose makahatuk-ka poti-na kota Tahpanhes-sa, ma inan-nala, neukose nanafoo nenik

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

MIKHA 1:11

Emi laun Safir-ra, la'o no makaholak, ma bibii-mamaek leo mamana tu'u-tapak neu! Hataholi Zaanan-nala, ta lapalani kalua leme sila kotan-na mai fa. Laun Bet-Haezel-la, honggu'un natu'du emi nae nai naa, ta hapu nasulu-nahapak so'on.

NAHUM 3:10

Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.

ZEFANYA 2:12

Boeo neukose Manetualain naketu huhuku mamates soaneu Sudan laun-nala.

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.