YESAYA 20:3 - Susula Malalaok Hehelu Palak Ma Hehelu Beuk

³ Lelek kota Asdod-ta, nananakahapik, Manetualain nafa'da nae, “Au atang Yesaya, nakahola-la, ma ana ta pake ta'bueis teuk telu dalen-na so. Ia nde da'di ta'du-tana neu hata fo, neukose ana da'di neu Masir ma Sudan.

YESAYA 20:3 ပူးပေါင်းရင်းမြစ်များ

YESAYA 19:4

Neukose Au fe Masir leo mane ha'da hataholi tak esa liman neu, fo ana paletas no ta pake ha'da hataholik fa. Au, Manetualain Fo Manakoasa nde manakokolak-ka.”

YESAYA 37:9

Manek Asyur-ra, ana sipo basa halak lae Tirhaka neme Sudan mai, nauli-nalanga solda'du Masir-rala de ala mai fo, ala sapu-la sila. Hu ndia de, manek Asyur-ra, haitua fe Hizkia fo manek Yehuda susulak.

YESAYA 43:3

Nana Au nde Amak, fo o Manetualaim-ma, Israel Manetualain malalao-malalafun, fo o manasoi-manatefam. Au soi-ala o, nenik Masir Sudan ma Seba, da'di leo o ngganggatim-ma.

YESAYA 8:18

Au ma Manetualain fe au anak-kala nde ia. Manetualain Fo Manakoasa, paleta nai Pupuku Sion-na, nadenu au da'di ta'du-tana soaneu hataholi Israel-la.

YEREMIA 13:1

Manetualain nadenu au u asa lafa keke'uk nanataok neme temak lenan mai fo au paken, tehu au ta bole bolon leo oe dale nee fa.

YESKIAL 30:4

Neukose Sudan hapu soe matuaina. Neukose natee-natatik-ka, ana da'di nai Masir. Hataholi mates-sala, neukose beseleka neuk-ka; Nakodaa-la, lamanako nai nusak-ka lala'en-na, ma ala tao lakalulutuk nusak-ka.

YESKIAL 30:6

Manetualain Fo Mademaina, nafa'da nae, “Neme Migdol, fo nai kii, losa Aswan, fo nai kona, ma basa hataholi manalook Masir-ra, neukose mates lai natee-natatik dale. Ma solda'du Masir fo, manakoa-ndaeaok sila-la, neukose lakalulutuk. Au Manetualain Fo Mademaina, nde manakokolak-ka.

YESKIAL 4:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma batu bata esa, fo pe'dan neu o matam-ma, fo dokik kota Yerusalem-ma dulan-na neu lain

YESKIAL 4:3

Boema ho'i-ma ulebesi esa, fo mapadedeik-kana neu o ma kota ndia tala'da, fo ana da'di papala besi. Basa soona, masale leo kota ndia fo nono'kabai, o nde makahapi-ma kota ndia. Neukose ndia da'di dulak ba'eneu leoina Israel-la.

ZEFANYA 2:12

Boeo neukose Manetualain naketu huhuku mamates soaneu Sudan laun-nala.

ZAKHARIA 3:8

Mamanene leon, hai Imam Matuaina Yosua, boeo emi, imam-imam fo manada'di Yosua nonoon-nala lemin, emi basa-basam-mala nde been-na, salaok neme emi maso'dam manamaim-mala, malole. Nai tepo-lelek ndia, neukose Au adenu Au atang fo loken lae, ‘Manabuku beuk’.

BILANGAN 14:34

Neukose emi lu'a-lepa emi sala-singom, teuk haahulu dalen-na; teuk esa soona, leken da'di faik esa neme faik haahulu fo emi paken, soaneu palisak besa-besa moo dae ndia. Metema Au la'ban emi soona, neukose emi mame'da mita, he'din-na leobeek!