YESAYA 20:2 - Susula Malalaok Hehelu Palak Ma Hehelu Beuk

² Teuk telu maneuk-ka, Manetualain nadenu Yesaya, fo Amos anan-na, o'duheni ta'bueis ma si'di lafa lapik fo ana pakek-kala. Ana tunga, de ana la'ok no makaholak ma ana ta pake ta'bueis fa.

YESAYA 20:2 ပူးပေါင်းရင်းမြစ်များ

2 SEMUEL 15:30

Basa ndia boema, Dauk o'du heni ta'buein-na, de sama-sama no basa hataholi manatungan-nana, ala nda'e leo Pupuku Setun-na lain leu, boema ala kii ma ala poti ketu langan-nala, fo da'di neu ta'du-tana manasusak.

2 SEMUEL 6:20

Nai lelek, Dauk fali ne'un leo uma manek-ka neu, fo nate'a teidalen-nala boema, Mikhal kalua mai leo Dauk mai, de nafa'da nae, “Faik ia, mane Israel-la te'e-te'e, tao-na aoinan-na nananita-nalelak! Nakahola-la so, sama leo hataholi nggoa-panganaa fo ta nanuu mamaek nai uma manek-ka, hataholi mana'a ngga'din-nala ata inaanan-nala matan fa!”

2RAJA-RAJA 1:8

Boema lataa lae, “Ba'du manalun-na, no kalikee-na, nanataok neme bana louk-ka mai.” Manek-ka nae, “O, Elia nde ndia!”

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

KELUARAN 3:5

Boema, Manetualain nae, “Boso deka-deka. O'du heni o ta'bueim-ma, nana o mapadeik nai dae lain ndia nde been-na, malalao-malalafuk.

YESAYA 1:1

Susulak ia isin-na, hala heheluk la'eneu Yehuda ma Yerusalem, fo Manetualain nafa'dan neu Yesaya, fo Amos anan-na, nai lelek Uzia, Yotam, Ahas ma Hizkia, ala paleta lai Yehuda.

YESAYA 13:1

Manetualain hala-hehelun la'eneu Babel-la nde ia, de Amos anan Yesaya nde sipon-nana.

YESAYA 37:2

Basa boema, nadenu Elyakim, fo uma manek-ka malangan-na, Seba, fo nusaina hataholi manasulak susulan-na, ma basa imam fo, lanuu nangatutuuk nai manapaleta dalek, fo leu latongo lo Nabi Yesaya, fo Amos anan-na. Sila boeo pake si'di lafa lapik.

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

YESKIAL 24:17

Boso nalosa o kii masakeke'du fo, hataholi namanene. Pake o fefeo langam-ma, ma pake o ta'bu eim-ma, boso poti ketu o mata-panam, ma boso mu'a loti fafaluk-ka.”

YESKIAL 24:23

Neukose emi la'ok no ta pake fefeo langak, do pake ta'bueis, do makaleleu, do kii fa. Neukose emi makalulutuk, hu kande emi sala-singom-mala; neukose emi esa haladoi neu esa.

YESKIAL 4:1

Manetualain nafa'da nae, “Hai, hataholi daebafak fo, manasapu-manalalok-konei, ho'i-ma batu bata esa, fo pe'dan neu o matam-ma, fo dokik kota Yerusalem-ma dulan-na neu lain

MIKHA 1:11

Emi laun Safir-ra, la'o no makaholak, ma bibii-mamaek leo mamana tu'u-tapak neu! Hataholi Zaanan-nala, ta lapalani kalua leme sila kotan-na mai fa. Laun Bet-Haezel-la, honggu'un natu'du emi nae nai naa, ta hapu nasulu-nahapak so'on.

MIKHA 1:8

Hu ndia de Au, Mikha, daleng-nga he'dis-sa, ma haladoi. Neukose au la'ok no makaholak ma ta pake ta'bueis fa, soaneu atu'du ae, au daleng-nga he'dis-sa nanseli. Neukose au nggo sama leo busa fui-a, ma dola sama leo manupui onta.

ZAKHARIA 13:4

Nai faik ndia, neukose basa nabi-la lame'da mamaek, soaneu lapadeik sama leo nabi. Neukose ala ta pake papake nabin-nala, fo ala ke'di-ndiu ma dalen-na lamatua neu ninitan-nala fa.

MATEOS 16:24

Basa boema Yesus nafa'da ana mana tunga nala nae, “Hataholi fo ana nau tunga Au soona, muse nafandele heni basa ndia paluun lala'ena fo ana lu'a ai nggange na, ma ana tunga nahele Au.

MATEOS 3:4

Yohanis ia, bua papake na ala taon neme onta bulu na mai, kalikee na ala taon neme bana lou ka mai, boema nana'a-nininun nde lama ka no fani oe a.

YOHANIS 21:7

Boema Yesus ana manatunga susue na nafa'da Petrus nae, “Lamatua ka nde ndia!” Simon Petrus namanene dede'ak ndia boema, ana o'du ba'du na neu, nana ndia te (ana ta pake ba'du) fa tutika ana palaboku leo oe dale neu.

HATAHOLI 19:16

Boema hataholi nitu sa'ek ndia nakaboku no nasak nanseli, boema nakala'ba nalas de ana sisii-lulu'i na ao nala hina-hinak mesan, ma ana o'duheni bua-lo'a papake nala, de nalosa lalai la'oela uma ndia no ao nala hina-hinak mesan ma lakahola la.

HATAHOLI 21:11

Ana mai donge ami boema ana ho'i na Paulus kalikee na, de ana pa'an neu ei liman boema nae, “Manetualain Dula Dale na nafa'da nae, neukose hataholi Yahudi la pa'a kalikee ia lamatua na leoiak nai Yerusalem, fo ala fen leo hataholi ta Yahudi la neu.”

YOSUA 5:15

Manetualain Manakoasa, malanga solda'du matuainan ndia, nataa nae, “O'du heni o ta'bueim-ma; te o mapadeik nai mamanak ndia nde ben-na, dae malalao-malalafuk.” Boema, Yosua o'du heni ta'buein-na.

NINITAK 11:3

Neukose Au adenu Au sakasiing dua fo ala pake bua-lo'a fafaluk. Neukose ala po'a-benga Manetualain hala na faik lifun esa natun dua nehulu.”

SEMUEL SUSULAK-KA ESAN-NA 19:24

Ana losa naa boema, ana o'du heni bua papaken-na, de ana foti-longe ma ana eki nai Semuel matan-na, boema ana bala neu dae lain no makaholak, nai lele'dok ma le'odae katemak esa dalen-na. (Dede'a bini-a, dada'di makasososan-na nde ndia, fo nae, “Ade Saul da'di nabi boe do?”)