YESAYA 2:9 - Susula Malalaok Hehelu Palak Ma Hehelu Beuk

⁹ Neukose basa hataholi-la nananakamumulu-nakamamaek ma nananakadadaek. Boso fes do'o do ampon, ou Manetualain!

YESAYA 2:9 ပူးပေါင်းရင်းမြစ်များ

NEHEMIA 4:5

Boso fe do'o do ampon neu tatao-nono'i mangalaun-nala, ma boso mafandeleheni sala-singon-nala, nana lakamumulu-lakamamaek basa ami, fo besak ia ami mafofo'a O umam-ma ia.”

MAZMUR 49:2

Mamanene leon, hai basa leoina-la lemin, pasak di'idoom-mala, hai laun daebafak-kala lemin,

MAZMUR 59:5

Boeo, ta hu kande au salang-nga fa, lasi'a fo laheheleaon.

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

YESAYA 5:15

Basa hataholi-la, neukose nananakamamaek, ma hataholi manakoao-ndaeaok-ka, nananakadadaek.

YESAYA 5:16

Tehu Manetualain Fo Manakoasa natu'du matua-mademan nenik Ana tao hata fo ndoos. Neukose natu'du malalao-malalafun, nenik naketu-nala'di leoinan-na.

YESAYA 57:9

Emi pake mina, ma kaboomenik-kala, boema emi meu sene-do'ok neu lamatua daebafak Molokh-ka. Emi haitua hataholi nadedenuk-kala leu leo nusa dook-kala leu, nakalenak leu leo hataholi manamatek-kala daebafan-na leu.

YEREMIA 18:23

Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

MARKUS 3:29

Tehu makanaema nakamumulu-nakamamaek Manetualain Dula Dale na soona, ana ta hapu do'o do ampon fa! Nanahu nakamumulu-nakamamaek ndia nde bee na, sala-singok fo manaketu basa tak.”

ROMA 3:23

Basa hataholi la lasala-lasingo, de lalai la'oela Manetualain fo manafes maso'dak ndia so.

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

KOLOSE 2:23

Memak meten soona, nakanenetek ma nanolik, boema dede'a manatee tenok ndia, ala paleta fo daenga hataholi a sene-do'ok neu ata nusa so'da kala, ma nakaloloe-nakadae ao ina na, boema ana fepa li'u ao ina nala; tehu basa sila la sosoa-ndandaan ta, soaneu nauli hataholi a hihii-nanau ao paa na.

YOSUA 24:19

Boema Yosua nafa'da nae, “Tehu fafa'kama, neukose emi ta mapalani makaluku-makatele mahele neu Manetualain fa, nana Ndia Manetualain malalao-malalafuk, Fo Ka'da Kisak. Ana ta nau hataholi nakasusu'dik no fan. Metema, emi la'oelan, fo makaluku-makatele neu lamatua daebafak fe'ek soona, neukose Ana ta fe do'o do ampon neu emi sala-singom fa. Nasafalin-na, neukose Ana la'ban ma Ana huku emi. Neukose, Ana tao namopo-namate emi, leomae makahulun-na, Ana malole no emi.”