YESAYA 2:8 - Susula Malalaok Hehelu Palak Ma Hehelu Beuk

⁸ Nai mamanak lala'en-na, hapu sosongo-tatangok, ma ala doki-dulak aon dodoki-dudulak, fo ala sene-do'ok neun.

YESAYA 2:8 ပူးပေါင်းရင်းမြစ်များ

2RAJA-RAJA 17:10

Nai basa pupukuk-kala lain, ma nai basa ai matuaina-la huun-na, ala kota batu lutu-la, ma ala tao lamatua daebafa Inak Asyera, dodoki-dudulan.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

2TAWARIKH 27:2

Yotam nandaa no Manetualain dalen-na, sama leo aman Uzia. Ka'da ana ta hotu boomenik nai Manetualain uman sama leo hata fo aman tao-ka.

YESAYA 17:8

Neukose ala ta lamahena sila ue-osan buna-boan so'on, fo nde mei tunu-hotuk fo mamana tutunu boomenik-ka, ma lamatua daebafa Inak Asyera dodoki-dudulan.

YESAYA 26:13

Tuan fe'ek-kala, koasa hai ami so, tehu ami manaku ka'da O mesam-ma, ou ami Manetualain!

YESAYA 37:19

Ala hotuheni, ma ala tao lakalulutuk lamatua daebafan-nala boe, nana lamatua daebafak sila-la, ta lanuu koasa makandondook fa. Sila ka'da ai-batu nanadoki-dulak, fo hataholi daebafak-ka nde taon-nana.

YESAYA 40:19

Ndia ta sama leo, tuka-la tao dodoki-dudulak-ka fa, dodoki-dudulak fo, nananakadidita lilopilas, ma buin-na lilofulak.

YESAYA 41:29

Tete'ek-ka, lamatua daebafak-kala, sosoa-ndandaan ta, sila ka'da dodoki-dudulak, fo tapandoes, ma ala ta bisa tao-lala hata esa boen.”

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 2:28

Emi taom-ma, emi sosongo-tatangom-mala lai bee? Metema hapu toto'a-tataak soona, madenus fo ala soi-tefa-la emi, metema ala bisa soi-tefa! Hai Yehuda, o lamatua daebafam-mala de'u o kotam-mala!

HOSEA 12:11

Au kokolak basa o nabi la so, ma Au fes ninitak ba'uk-ka. Tunga nabi sila-la, nde Au afa'da Au dale tutu'ung-nga neu emi, fo Au anang-ngala,

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 8:6

Sapi lilopilas fo Samaria sene-do'ok ndia nde been-na, Israel tukan-nala nde tao-nana! Manetualain ta nde ndia fa, de muse tao nakalulutu kana!

MIKHA 5:12

Neukose Au tao akalulutuk emi dodoki-dudulam-mala, ma emi lutu batu sosongo-tatangom-mala; neukose emi ta sene-do'ok neu buas fo emi tao aom ndia so'on.

HATAHOLI 17:16

Paulus nahani Silas no Timotius mamai na nai Atena, tehu dale na he'di sa, nana nita nai kota ndia dalek, henuk no sosongo-tatango ka.

ULANGAN 4:28

Nai ndia, neukose emi sene-do'ok neu hataholi daebafak-ka taon-na lamatua daebafak-kala, lamatua daebafak fo nanataok neme ai-batu mai, fo ana ta hapu nita do namanene, ana ta hapu na'a ma ana ta hapu de'i fa.

NINITAK 9:20

Tehu ela hataholi fo susa soe katelu kala ta taolisa fas ala, ala ta nau hahae tao batu sosongo-tatangok. Ala ta hahae sene-do'ok neu dula dale mangalau kala ma songo-tango lilopilas, lilofulak, liti, batu ma ai, fo ta hapu lita do lamanene, do la'ok boen.