YESAYA 2:7 - Susula Malalaok Hehelu Palak Ma Hehelu Beuk

⁷ Nusan-na henuk no lilofulak ma lilopilas, ma ta hapu leke-nala hata-heton-nala fa. Ndalan-nala makadotok nanseli ma ta hapu leke-nala kaletan-nala dede'un-na fa.

YESAYA 2:7 ပူးပေါင်းရင်းမြစ်များ

1RAJA-RAJA 4:26

Salomo nanuu solda'du manasa'e ndala lifun sanahulu dua ma ndala manahela kaletan-nala, lalae lifun haahulu.

AYUB 3:15

Au sungu, sama leo manek-ka anamanen-na, fo ana tao nahenu uman-na, nenik lilofula lilopilas.

MAZMUR 20:7

Besak ia, au bubuluk, ae Manetualain fe sesengik neu manek fo, Ana helek-ka. Manetualain nataan neme nusa so'dan fo malalao-malalafun-na mai; no Manetualain koasan-na, de ana hapu sesengik matuaina.

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

MIKHA 5:10

Kota-kota makota musu manai emi nusam-ma, neukose Au tao akalulutuk-kasa, ma Au tao andefa heni basa emi kota musum-mala.

NINITAK 18:3

Nana basa leoina la linu basa angol nasa-melu manasosoa-piao na so. Mane-mane daebafa kala hohonge lon, ma manadangan manai daebafa ka lamasu'i neme sosoa-piaon fo ta nakatatakak nala fan ndia.”