YESAYA 2:5 - Susula Malalaok Hehelu Palak Ma Hehelu Beuk

⁵ Hai, Yakob tititi-nonosin-nala lemin, mai fo ata la'ok nai Manetualain mangale'don dalek!

YESAYA 2:5 ပူးပေါင်းရင်းမြစ်များ

MAZMUR 36:10

O nde oemata maso'dak ba'eneu basa mahahaek-kala, nai O mangale'dom-ma dalek, ami mita mangale'dok-ka.

MAZMUR 89:15

Ndoos ma matetuk, ma hoholo-lalanek nde bee-na, da'di netes neu O nusam-ma. Susue-lalaik ma manalilinekak-ka, nananitak nai O tatao-nono'im lala'ena dalek.

MAZMUR 89:16

Maua-manalek, ba'eneu leoina-la fo, ana lakaluku-lakatele no namahoko-seteleek, ma naso'da nai O mamaim-ma, mandela-masa'an dale, Manetualain.

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

EFESUS 5:8

Makahulu na, emi nai makahatu ka dalek. Tehu besak ia, emi da'di Lamatua ka, hataholi kamahehelen so, da'di emi nai mangale'do ka dalek so. Hu ndia de, emi muse maso'da nai mangale'do ka dalek.

1 YOHANIS 1:5

Halak ia nde ami mamanenen neme Manetualain Ana na mai. Boema ami manduku-malosa kana neu emi. Halak ndia nafa'da nae, Manetualain ndia, mangale'do ka huu na. Ta hapu makahatuk faa anak nai dalek boen.

1 YOHANIS 1:7

Tehu metema ita taso'da nai mangale'do ka dalek, sama leo Manetualain nai mangale'do ka dalek, soona ita taso'da nai nakabua-nakaesa ka dalek, boema ita esa mole-dame no esa, soona Manetualain Anan fo Yesus daa na, ana safe nalalao ita teme ita sala-singo nala mai.