YESAYA 2:19 - Susula Malalaok Hehelu Palak Ma Hehelu Beuk

^19-21 Nai hatematak fo Manetualain fo'a, fo nanggenggengok daebafak-ka soona, neukose hataholi-la masok leo lea-luak manai pupuku mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasan fo mandela-masa'an-na mai. Metema faik ndia losa soona, ala tao-la sosongo-tatango lilofulak ma lilopilas fo ala sene-do'ok-ka, neukose nanala'oelak leondiak mesak-kana, soaneu fo lafo-la lo bauk-kala soan.

YESAYA 2:19 ပူးပေါင်းရင်းမြစ်များ

2 SEMUEL 22:46

Mopo sila palanin-na so; ala kalua leme kota musun dale mai no dele bengge'be.

AYUB 9:6

Manetualain tao dae manggengok-ka, losa daebafak-ka naleulilok, ma dii manato'ba daebafak-ka laleuk.

MAZMUR 7:6

nemen-na fo musu usi au, fo ana ho'un-na au, boema ana taonisa au, fo ana la'oela au popolang-nga nai dae lain.

YESAYA 13:13

Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

YESAYA 2:10

Neukose ala masok leo lea-luak manai pupukuk mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasa mandela-masa'an-na mai.

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YESAYA 24:18

Hataholi fo, nalai neme tasibu-a mai, neukose ana tu'da leo meo besik dale neu, ma hataholi fo nala meo besik-ka deak, neukose hihi'ik-ka nalan. Neukose u'daina, ana po'a neme lalai mai, ma daebafak-ka buin-na nanggengo.

YESAYA 24:19

Daebafak-ka natandala, nakalulutuk ma nanggengo,

YESAYA 30:32

Lelek ala bei lame'da lita fefepan-nala, te Manetualain anan-nala lamahoko-setelee lenik sasanu gendang ma kecapi Neukose Manetualain mesak-kana, nde natee-natati la'ban hataholi Asyur-rala.

YESAYA 33:10

Manetualain nafa'da leoina ndia nae, “Besak ia, neukose Au fo'a, fo Au atu'du Au koasang-nga.

YEREMIA 16:16

Manetualain nafa'da nae, “Au sanga alo manadolu-dala ba'uk-ka soaneu ala ho'u-la hataholi-hataholi ia la. Basa soona neukose Au aloo-a manasopu-danga ba'uk-ka soaneu ala sapu-la sila nai basa letek-kala ma pupukuk-kala ma nai basa lea-luak-kala nai batu piak-kala.

YEREMIA 4:29

Solda'du manasa'e ndala-la, ma manakouk-kala nakoten-nala, nananamanenek, de taon-na, hataholi-a esa-esak nalai, de bafan ka'u-ka'u. Ala masok leo nula-la dalek leu, ma ala kae pupuku batu-la. Basa kota-la, ala da'di nee-nee lino-linok, hataholi ta nau leo nai ndia so'on.

YEREMIA 48:28

Emi fo Moab laun-nala lemin, la'oela emi kotam-mala fo leo nai kakalak dalek sama leo manupui kalua ana tao ndunu-na nai felak madema su'un-na.

YESKIAL 33:27

No Au, Manetualain fo maso'dak-ka, Manetualain Fo Mademaina na'den-na, hataholi manaleo manai kota ndia manandefan-na, neukose nanataonisak. Sila manaleo manai mook-kala, neukose bana fuik-kala la'ahenis. Sila fo manake'ke lai letek-kala, ma lai leak-kala, neukose he'di-laus lepa nenis.

HOSEA 10:8

Uma sosongo-tatangok manai pupuku-pupukuk nai Betel fo hataholi Israel-la mamana sene-do'ok neu sosongo-tatangok-ka, neukose nanatao nakalulutuk. Dila-nggauk ma na'u-la, neukose ala moli nai sila mei tunu-hotun. Boema neukose, laloo lapane'e neu letek-kala lae, “Mapaluni-mala ami leona!” ma laloo neu pupukuk-kala lae, “Tuni-mala ami leona!”

MIKHA 7:17

Neukose ala laek nai dae lain, sama leo menge-a. No bibii-namatauk ma dedelek, neukose ala kalua leme sila mamana nakatatakan-na mai, fo ala mai leo O mai, ou Manetualain, fo ami Manetualaim-ma.

NAHUM 3:11

Hai Niniwe, neukose o boeo sapala'o, nanahu mamafuk-ka. Neukose o boeo sanga enok, fo daenga o mala o musum-mala deak.

HAGAI 2:6

Ta dook-ka so'on, te neukose Au anggenggengok lalai-a, ma daebafak-ka, daema'dak-ka ma tasi-a.

HAGAI 2:7

Neukose Au tao anggengek basa leoina-la, fo neukose leni hata-heton-nala leo ia mai, nalosa Au Umang-nga, neukose henuk no sila su'i-beten-nala.

LUKAS 23:30

Nai lelek ndia nde neukose hataholi a nafa'da lete kala nae, ‘Mapaluni ma ami leona!’ Ma neu pupuku kala lae, ‘Mapaluni mala ami leona!’

2 TESALONIKA 1:9

Neukose Manetualain huku hataholi sila la, fo ala doidoso losa dodoo na. Neukose hataholi sila la, nanatapa henik leo deak leu fo, ala doo ka leme Lamatua ka no koasa matua-mademan mai.

IBRANI 11:38

Daebafak ia nde bee na mamanak fo ta nandaa ba'eneu sila fa. Ala laleu-lalaak nai mo maloa, ma nai pupu kala lain, boema ala leo nai lea lua kala dalek boe, ma bolo dae la dalek.

IBRANI 12:26

Nai lelek ndia, hala na tao nanggengek daebafa ka. Tehu besak ia Ana helu nae, “La'iesa seluk soona, neukose Au tao anggenge kana, ta ka'da daebafa ka mesa kana fa, tehu lalai a boe.”

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.

NINITAK 16:18

Boema ndela sa tuti-nato ma ta'ta sa nata'ta, ma dae nanggengo matuaina. Beita la'iesa fo dae manggengo matak leondia ka ana da'di, mulai neme hataholi daebafa ka nananakadada'di kana. Dae manggengok ia nde bee na dae manggengok matuaina nanseli!

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.

NINITAK 9:6

Nai bula kalimak sila la dalek, hataholi sila la sanga enok fo mate, tehu ala ta bisa mate fa. Ala hii mate, tehu mamate sa doo ka neme sila mai.

SEMUEL SUSULAK-KA ESAN-NA 13:6

Basa boema, ala sapu-la hataholi Israel-la, nalosa lakahapi-la hataholi Israel-la. Hataholi Israel bubuak esa ke'ke nai leak-kala dalek, ma bolo-bolok manai letek-kala, do nai batu piak-kala lelan-nala, do nai oedolu-la dalek ma bolo dae-la dalek,

SEMUEL SUSULAK-KA ESAN-NA 14:11

Lelek duas latu'du aoinan-na neu hataholi Filistin-nala nai uma naneak ndia boema, hataholi Filistin sila-la lae, “Mitak hataholi Ibrani dua, kalua leme bolok fo sila mamana nafunin-na dalek mai!”