YESAYA 2:12 - Susula Malalaok Hehelu Palak Ma Hehelu Beuk

¹² Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 2:12 ပူးပေါင်းရင်းမြစ်များ

2 SEMUEL 22:28

O soi-tefa-ma hataholi dale maloe-makadaek-ka; tehu O taom-ma, hataholi manakoao-ndaeaok-ka nakatele.

AYUB 24:1

Tao le'e de, Manetualain ta naketu fai naketu-nala'dik-ka fa, fo ela hataholi manamalelak-kana, ala hapu ndoos ma matetuk-ka fa?

MAZMUR 131:1

Dauk nakamee dodonge-dadaman. Manetualain, au ta amatutua-amadedema au aoinang-nga, ma ta koao-ndaeao fa. Au ta usi dede'a matuaina-la fa, do hata fo, tean-na seli ba'eneu au.

MAZMUR 18:28

O soi-tefa-mala hataholi fo dale taidaek-ka, tehu ne'e makatele, hataholi fo manamakaloe-makadaeaok-ka.

MAZMUR 37:13

Tehu Manetualain hika hataholi mangalauk-ka, nana Ana bubuluk hataholi ndia, fai mate'en-na, ana deka so.

MAZMUR 94:2

Fo'a leon, ou Manakee-manafula daebafak-ka lala'ena, huku hataholi manakoao-ndaeaok-ka, nandaa no sila tatao-nono'in.

AMSAL 16:5

Manetualain ta hii basa hataholi manakoao-ndaeaok lala'en-na fa; Ana ta po'ilotak-kasa, lala huhukuk-ka deak fa.

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 10:33

Manetualain Fo Manakoasa, neukose tao nabuus, sama leo ta'ti heni ai ndanak-ka neme huun-na mai. Fo manadedeo leo lain neu, ma mademaina-la, neukose nanalo'ok ma nanatao nabuuk.

YESAYA 13:11

Manetualain nafa'da nae, “Neukose, Au huku daebafak-ka nanahu tatao-nono'i mangalaun-na, ma hataholi tatao-nono'i mangauk-kala nanahu sala-singon-nala. Neukose, Au akadadaek basa hataholi manakoao-ndaeaok-kala, ma neukose Au huku hataholi fo namatutua-namadedema aoinan-na, ma hataholi fo ha'da hataholi taak-ka.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 13:9

Neukose, Manetualain fain-na losa, fo nai faik ndia, Manetualain nasa-melun lua ponu-ponu. Neukose, daebafak-ka da'di moo na'u tak, ma basa hataholi masala-masingok-kala, neukose mopo-mate.

YESAYA 14:15

Te se'kona, o nananakonak leo mamanak fo mademainan-nanseli, neme hataholi manamatek-kala daebafan-na mai.

YESAYA 23:9

Manetualain Fo Manakoasa, Ndia nde ho'i nakeketuk ndia. Ana ho'i nakeketuk, soaneu tao nate'e laun-na koao-ndaeao neu, ala hapu basa buna-boak lala'en-na, ma nakadadaek hataholi fo nanafe ha'da-holomata nai daebafak-ka.

YESAYA 24:21

Nai lelek ndia, neukose Manetualain huku basa manakoasa lalai maloa, ma mane-manek manai daebafak-kala.

YESAYA 24:4

Daebafak-ka, ana da'di tuuk, ma ana male, basa daebafak-ka lala'en-na ta napena fa. Lalai ma daebafak-ka, sama-sama ta lapena fa.

YESAYA 40:23

Ana taon-na basa manakoasa-la, mopo be'i-balakain, ma hataholi matua-madema-la, mopo koasan-nala.

YESAYA 42:15

Neukose Au tao-a letek ma pupukuk-kala, na'u ta moli fas, Au tao-a basa bubu'u-palusan ala male. Au tao asafali lee-a bafan-nala da'di moo solokaek, Au tao-a basa dano-la, ma'das.

YESAYA 5:15

Basa hataholi-la, neukose nananakamamaek, ma hataholi manakoao-ndaeaok-ka, nananakadadaek.

YESAYA 61:2

Ana nadenu au, fo au tui-benga ae Manetualain fai soi-tefan-na, ana deka so; soaneu kokoe-nanasi basa manadale he'dik-kala, ma balas sila musun-nala;

YEREMIA 12:9

Sila sama leo manupui fo manupui langafula sapu nas leme basa bu'u-bolok lala'en-na mai. Malo basa bana fuik lala'en-na soaneu tao mabasa la'i esak-kasa.

YEREMIA 13:9

“Neukose au laka-akasete hataholi Yehuda-la ma Yerusalem laun-nala eno-dalan tao leondiak. Neukose au tao akalulutuk sila manakoao-ndaeaon nanseli ndia.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 46:10

Tehu au, Yeremia afa'da ae, ia soona Manetualain Fo Mademaina ma Manakoasa fain ia; neu faik nde te, ana tao babalak neu basa musunom-mala lala'en-na. Neukose tafan-na na'as losa lakabete, ma ninu daan-nala losa ana doak. Faik ia Manetualain Fo Manakoasa do'do tutunu-hohotun-nala nai ki, nai lee Efrat ndia su'un-na.

YEREMIA 50:31

Babel, o mamadema dalem-ma nanseli! Hu ndia de Au, Manetualain Fo Madema ina, Manetualain Fo Manakoasa, la'ban O. Losa faik fo Au huku o.

YESKIAL 13:5

Ala ta lanea mamanak fo, nai bee sila papala nanadaman-nala lakalulutuk, ma ala ta tao lahii papala nanadamak sila-la boen. Da'di, Israel ta bisa napadeik nahele fa, metema natee-natatik-ka, ana da'di nai Au fo, Manetualain fai mamaing-nga.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

AMOS 5:18

Tete'ek-ka, soe ba'eneu emi fo mahiik Manetualain fain-na! Faik ndia, sosoan-na beek ba'eneu emi? Faik ndia ka'da nalupa fai makahatuk, te ta fai mangale'dok ba'eneu emi fa.

MIKHA 2:3

Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

ZEFANYA 1:16

Nai fai manalu ndia dalen-na, pupuuk-ka liin-na nananamanenek, ma manamatee-matatik-kala eki bekao, fo lata'ti loo kota-kota makota musuk-kala, ma uma puni madema-la.

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MALEAKHI 4:5

Tehu fai matuaina ma neni bibii-namata'uk fo Au aketuk ndia, beita losa fa, te neukose Au adenu Nabi Elia mai neu emi.

MATEOS 23:12

Hataholi fo namatutua-namadedema ao na, neukose nananakaloloe-nakadadaek, ma hataholi fo nakaloe-nakadae ao na, neukose nananamatutua-namadedemak.”

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

1 KORINTUS 5:5

emi muse fe hataholi ndia leo Nitu neu, fo ela hataholi ndia ao paa na nakalulutuk, fo no enok ndia, dula dale na hapu so'dak, nai lelek fo Lamatua ka fali ma'in.

1 TESALONIKA 5:2

Nana emi bubuluk basan no mangale'dok, Lamatua ka fai mamain ndia, sama na leo nakodaa ana mai nai fai le'odae na.

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”