YESAYA 2:11 - Susula Malalaok Hehelu Palak Ma Hehelu Beuk

¹¹ Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 2:11 ပူးပေါင်းရင်းမြစ်များ

2 SEMUEL 22:28

O soi-tefa-ma hataholi dale maloe-makadaek-ka; tehu O taom-ma, hataholi manakoao-ndaeaok-ka nakatele.

MAZMUR 18:27

Ba'eneu hataholi malalao-malalafuk-ka, O matu'du O aoina malalao-malalafum-ma, tehu O musu moo hataholi mangalauk-ka.

MAZMUR 18:28

O soi-tefa-mala hataholi fo dale taidaek-ka, tehu ne'e makatele, hataholi fo manamakaloe-makadaeaok-ka.

MAZMUR 20:8

Hapu hataholi fo nasalai dean-na neu kaleta musun-nala, ma hapu nggelok lasalai dean-na neu ndalan-na. Tehu ita tasalai ita dean-na neu Amak fo ita Manetualain-na koasan-na.

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 94:2

Fo'a leon, ou Manakee-manafula daebafak-ka lala'ena, huku hataholi manakoao-ndaeaok-ka, nandaa no sila tatao-nono'in.

AMSAL 16:5

Manetualain ta hii basa hataholi manakoao-ndaeaok lala'en-na fa; Ana ta po'ilotak-kasa, lala huhukuk-ka deak fa.

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 12:4

Neukose fain-na losa, emi mafa'da mae, “Moke makasi neu Manetualain, ma sene-do'ok neun. Tui-benga Manetualain matua-mademan ma tatao-nono'in neu leoina-la.

YESAYA 13:11

Manetualain nafa'da nae, “Neukose, Au huku daebafak-ka nanahu tatao-nono'i mangalaun-na, ma hataholi tatao-nono'i mangauk-kala nanahu sala-singon-nala. Neukose, Au akadadaek basa hataholi manakoao-ndaeaok-kala, ma neukose Au huku hataholi fo namatutua-namadedema aoinan-na, ma hataholi fo ha'da hataholi taak-ka.

YESAYA 14:15

Te se'kona, o nananakonak leo mamanak fo mademainan-nanseli, neme hataholi manamatek-kala daebafan-na mai.

YESAYA 2:17

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose nanane'e nakatelek. Ka'da Manetualain mesak-kana, nde nananamatutua-namadedemak-ka.

YESAYA 23:9

Manetualain Fo Manakoasa, Ndia nde ho'i nakeketuk ndia. Ana ho'i nakeketuk, soaneu tao nate'e laun-na koao-ndaeao neu, ala hapu basa buna-boak lala'en-na, ma nakadadaek hataholi fo nanafe ha'da-holomata nai daebafak-ka.

YESAYA 24:21

Nai lelek ndia, neukose Manetualain huku basa manakoasa lalai maloa, ma mane-manek manai daebafak-kala.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 28:5

Manetualain Fo Manakoasa, neukose Ana da'di bunga mana'ahiik, ba'eneu Anan fo, bei elak-kala.

YESAYA 29:18

Nai lelek ndia, neukose hataholi pakek-ka hapu namanene susulak nanalees esa, isi-liin, ma hataholi pokek fo, naka'sa so'dan-na nai makahatuk dale-a, neukose ana hapu nita.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 30:23

Metema, emi sele-nggali bini-ngges soona, neukose Manetualain fe u'dan, fo ela bini-ngges sila-la, ala moli, fo ala fe buna-boak fo, ana sasi kao-kao. Neukose Ana sadia fe emi bana-manum, moo mana'uk maloaina.

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

YESAYA 4:1

Nai lelek ndia, neukose inak hitu, ala ho'u touk esa, fo lafa'da lae, “Fe ami loak, fo ami manaku mae ami saotoum o, fo ela ami boso lu'a-lepa mamaek, nanahu ami beita ka'bing fa. Ami tunga-sanga aom, ami nana'a-nininum, ma ami papake-ngganggaom.”

YESAYA 40:23

Ana taon-na basa manakoasa-la, mopo be'i-balakain, ma hataholi matua-madema-la, mopo koasan-nala.

YESAYA 52:6

Hu ndia de, neukose emi manaku, mae Au Manetualain, ma nai lelek ndia, neukose emi bubuluk, mae Au nde manakokolak o emi-a.”

YEREMIA 12:9

Sila sama leo manupui fo manupui langafula sapu nas leme basa bu'u-bolok lala'en-na mai. Malo basa bana fuik lala'en-na soaneu tao mabasa la'i esak-kasa.

YEREMIA 9:24

Se nau namatutua-namadema aon-na la'eneu hata esa, soona muse dalen-na namatua nae ana nalelak ma bubuluk Au; nae ana bubuluk Au manasue-laik losa dodoon-na ma Au tao atetu huhukuk-ka ma ndoos ma matetuk-ka nai daebafak. Basa sila-la tao namahoko Au daleng-nga. Au, Manetualain, fo manakokolak-ka.”

YESKIAL 38:14

Hu ndia de Manetualain Fo Mademaina, nadenu au mai, soaneu anduku-alosak hala heheluk ia neu Gog nae, “Nai lelek Au anang Israel, naso'da no nee-nee lino-linok ma tetu-temak-ka, o mai sapu malas.

YESKIAL 38:19

Ma no nasa manalua ponu-ponuk-ka, neukose Au fe nasanene'da mahelek, ae nai faik ia, neukose hapu dae manggengo matuaina, nai nusa Israel-la.

YESKIAL 39:11

Manetualain nafa'da nae, “Metema basa sila-la, ala da'di soona, neukose Au fe Gog dae loo-latek nai Israel, fo nai Bafak Lelenak-ka, nai Tasi Mates-sa boboan dulu. Nai mamanak ndia nde, Gog no basa solda'dun-nala lala'en-na, neukose nananatoi-natonok, fo loke bafak ndia soona lae, ‘Gog Solda'dun-nala Doken-na’.

YESKIAL 39:22

Mulai neme hatematak ndia mai, neukose hataholi Israel-la, ala bubuluk, lae Au nde, sila Aman Manetualain-na.

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

HOSEA 2:16

Boema, neukose noke Au soona nae, ndia saotoun-na, te ta nde Baal so'on.

HOSEA 2:18

Nai faik ndia, neukose Au tao hehelu-balataak o basa bana mata-matak lala'en-na, fo ela ala boso sapu-la Au anang-ngala. Neukose, Au tao ate'e natee-natatik lala'en-na, ma Au pe'da heok tee-tafa natee-natatik-kala, leme Au anang-ngala nusan ndia mai, fo Au tao-alas, laso'da no tetu-temak ma nee-nee lino-linok.

HOSEA 2:21

Nai lelek ndia, metema Au anang Israel hule haladoi soona, neukose Au amanenes. Au fe u'dan-na kona neme lalai mai, nalosa daebafak-ka fe buna-boa gandum, angol ma mina setun.

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

OBAJA 1:8

Nai faik fo Au huku Edom soona, Au tao amopo-amate hataholi manatee-tenon-nala. Ma neukose, mopo basa sila malelan lala'en-na, fo ta hapu sesee bobolon nai bee fa.

MIKHA 2:3

Hu ndia de, Manetualain nafa'da nae, “Au tutu'u susa-soe neu emi, nalosa emi ta hapu maladeak fa. Nai fai soe ndia, neukose emi ta hapu la'ok no koao-ndaeaok so'on.

MIKHA 4:6

Manetualain nafa'da nae, “Neukose fain-na losa, Au tao akabubua Au huku hataholi-la, fo nde sila manadoi-dosok nai mamana tu'u-tapak.

MIKHA 5:10

Kota-kota makota musu manai emi nusam-ma, neukose Au tao akalulutuk-kasa, ma Au tao andefa heni basa emi kota musum-mala.

ZEFANYA 3:11

Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

ZEFANYA 3:16

Neukose fain-na losa, hataholi-la lafa'da lae, “Hai Yerusalem, boso bii, ma dalem-ma boso makasufu.

ZAKHARIA 9:16

Metema, faik ndia losa soona, neukose Manetualain soi-tefa anan-nala, sama leo manafoo-a, ana soi-tefa bi'ilopon-na neme soe dale mai. Neukose langale'do nai Manetualain daen-na, sama leo bulamolik poemata mangadilak-ka.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

LUKAS 18:14

Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”

2 KORINTUS 10:17

Nai Susula Malalaok dale nanasulak nae, “Hataholi fo ana nau namatutua-namadedema hata esa, ela leo bee na namatutua-namadedema hata fo Lamatua ka tao basan so.”

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

2 TESALONIKA 1:10

Basa sila la, neukose ala da'di nai faik fo Ana mai, fo basa hataholi kamahehele kala lamatutua-lamadedeman ma ala fe ha'da-holomata neun. Emi boeo, neukose nai Manetualain hataholi kamahehelen sila la dalek, nana emi mamahele halak fo, ami tui-bengan neu emi a.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”