YESAYA 19:1 - Susula Malalaok Hehelu Palak Ma Hehelu Beuk

¹ Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESAYA 19:1 ပူးပေါင်းရင်းမြစ်များ

MAZMUR 104:3

ma O mafofo'a O Umam-ma, nai oe manai lalai-a lain. O tao ko'as-sa da'di O kaletam, O sa'e anin-na li'dan-na.

MAZMUR 104:34

Ela leo bee-na, au nakameeng-nga, nandaa no dalen-na, nana Ndia nde tao nanahoko au daleng-nga.

MAZMUR 18:9

Ha'imasuk-ka, namasu poka-poka neme pana bolon-na mai, ha'i-a pila nasalolo'de neme bafan na mai, ha'ikaak manapilak-kala kalua neme aon-na mai.

MAZMUR 68:4

Tehu hataholi manatao malole-a, namahoko-setelee, ala eeki no namahokok nai Manetualain matan.

KELUARAN 12:12

Nai le'odaek ndia, neukose Au la'ok okofeo basa dae Masir-ra lala'en-na, fo Au taoisa anatou uluk-kala, nau hataholi do bana-manu boe. Neukose, Au huku basa lamatua daebafak manai Masir-ra, nanahu Au nde Manetualain.

YESAYA 13:1

Manetualain hala-hehelun la'eneu Babel-la nde ia, de Amos anan Yesaya nde sipon-nana.

YESAYA 13:7

Neukose basa hataholi-la lame'da mate liman-nala, ma mopo palanin-nala.

YESAYA 19:16

Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 21:9

Mitak, ala mai so! Solda'du manasa'e ndala-la, ala mai dua-dua. Basa boema, manamanea ndia, ana fe halak-ka mai nae, “Babel tu'da so! Ala sene-do'ok dodoki-dudulak-kala, lakalulutuk de besenggela-besenggali lai dae lain.”

YEREMIA 25:19

Hataholi fe'ek-kala fo muse ala linu Manetualain nggala angol ndi na'den-nala nanasulak nde ia: manek Masir no basa mana na'a ngga'din-nala ma basa mauli-malangan-nala; basa hataholi Masir-rala la'ena ma hatatoli fe'ek manai Masir-rala; basa manek manai nusak Us; basa kota Filistin-nala manen manai Askelon, Gaza, ma Ekron; basa hatatoli fo bei mana maso'dak manai Asdod; basa hataholi Edom, Moab ma Amon; basa manek manai Tirus ma Sidon; basa manek manai nggolo-ta'duk Tasi Tala'dak-ka su'un; basa kota-kota Dedan-nala, Tema, ma Bus-sa; basa hataholi mananggute keke'u langadoon-nala; basa manek Arab-pala; basa leo anak manasese'do-babalik-kala manen-nala fo nanaleok manai letelepak; basa manek manai Zimri, Elam, ma Madai; basa manek manai ki la, manai dook ma manadekak, hataholi esa-esak. Basa leoina manai daebafak-ka poin-na lala'en-na muse linu angol ndia. Ma hataholi mate'ek fo muse ninu angol ndia nde manek Babel-la.

YEREMIA 4:13

Mitak musu-a, ana to'da mai, sama leo ko'as-sa. Kaleta musun-nala, sama leo ani-sangu matuaina, ndalan-nala nggafan-na lena heni manupui kaka'ka. Wah, ita soe! Ita mopo-mate!

YEREMIA 44:8

Tao le'e de emi tao dede'ak fo ana taon-na Au amanasa? Emi mai de leo nai Masir, fo nusa dea ba'eneu emi ndia, boema emi songo-tango ma fe tutunu-hohotuk neu nusak ndia lamatua daebafan-nala. Ade emi nau tao makalutuk emi aopam-ma fo ela emi nananakaumulu-nakamamaek neme basa leoina manai daebafak ia lala'ena-na, ma emi na'dem-ma nanapakek da'di leo supa-sook do?

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YEREMIA 51:44

Neukose Au huku Bel lamatua daebafak Babel, neukose Au tao-an fe falik hata fo ana loso nak-kala. Leoinak-kala ta sene-do'ok neu ndia so'on. Papala-nanadamak Babel-la tu'u heni so.

YESKIAL 30:13

Manetualain Fo Mademaina, nafa'da nae, “Neukose, Au tao akalulutuk sosongo-tatangok, ma lamatua daebafak fo, manai Memfis-sala. Neukose ta hapu seluk manek, nai Masir fa. Neukose, Au tao-a basa laun-nala lala'en-na, ala bii-lamata'u.

YOEL 3:19

Neukose Masir da'di moo solokaek, fo na'u-aiana ta moli fan, ma hataholi ta leo Edom fa, de ana da'di nusa nees. Nana sila latee-lata'ti loo hataholi Yehuda-la so, ma ala taolisa nusa sala tak-ka laun-nala.

NAHUM 1:1

Manetualain hala hehelun-na nde ia la'eneu Niniwe. Nafa'da hala heheluk ndia tunga ninitak, de Ana fen neu Nahum, fo nabi esa neme Elkos mai.

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

ZAKHARIA 10:11

Metema, ala lena tasi to'a-taak-ka soona, Au, Manetualain neukose fepa lii-la; soona ma'da Lee Nil-la buin-na. Leoina Asyur, fo manakoao-ndaeaok ndia, neukose nananakadadaek, ma Masir, fo palani ta'tibatu ndia, neukose namopo koasan-na.

ZAKHARIA 14:18

Ma metema, hataholi Masir-ra ta nau tao Feta Lalaa Akidook-ka fa soona, neukose ala hapu he'di-laus fo Manetualain Manakoasa fen neu basa leoina, fo ala ta nau leu sene-do'ok fa.

BILANGAN 33:4

fo ndia te, lakalulupu latoi-latono sila anaulun fo, Manetualain taonisak-kala. No manada'dik ndia, fo Manetualain fe buti, nae Ndia be'i-balakain lena heni Masir lamatua daebafak-nala.

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

YOSUA 2:11

Ami mamanene tutuik ndia tu'tik-ka ami bii manseli. Ami hataholim-mala, mopo palanin-nala, nanahu emi. ManetualainManakoasa, fo emi Manetualaim-ma, tete'ek-ka, Manetualain Fo Manakoasa nai lalai ma daebafak-ka.

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

YOSUA 2:9

de nafa'das nae, “Au bubuluk, Manetualain fe basa emi nusak ia so. Basa hataholi manai ia-la, ala bii emi.

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!