YESAYA 17:6 - Susula Malalaok Hehelu Palak Ma Hehelu Beuk

⁶ Sama leo ai setun-na, boan-na nanaseu basak, de ela ka'da boak de'ubee lai ndana pe'dan-nala, leondiak boe, nai Israel, neukose hataholi maso'dak ka'da lumanak. Au, Amak fo Israel Manetualain-na, nde manakokolak-ka.”

YESAYA 17:6 ပူးပေါင်းရင်းမြစ်များ

1RAJA-RAJA 19:18

Tehu neukose Au soi-tefa ala hataholi Israel lifun hitu, fo nde hataholi fo ala lilineka lahele neu Au, ma ala beita sene-do'ok lita Baal-la doki-dulan fa.”

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 10:22

Leomae besak ia, hataholi Israel-la dede'un-na de'u solokaek manai tasi su'un-na, tehu neukose ka'da sila de'ubee tukatei-saledale. Manetualain huhukun-na deka so, de memak nandaa, ma no ndoos ma matetuk, leoina ndia nanatao namopo-namatek.

YESAYA 24:13

Manada'dik ndia nde, neukose ana da'di neu leoina esa-esak, nai basa daebafak-ka lala'en-na. Fo nde, sama leo nai faik fo ketu-seuk-ka, fo lelek, seu basa la'iesak ai setun-na boan-na, ma seu angol-la boa mate'en-nala neme huun-na mai.

YESAYA 27:12

Nai lelek ndia, neukose Manetualain tao nakabubua leoinan, esa basa soona esa, neme Lee Efrat-ta, losa Masir dae toon-na. Neukose Ana ta'da fe'es, sama leo hataholi-a ta'da fe'e gandum-ma isin-na, neme loun-na mai.

YEREMIA 4:27

Manetualain nafa'da, nae neukose daebafak-ka lala'en-na, ana da'di moo solokaek, tehu neukose, Ana ta tao namopo-namaten makandondook fa.)

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

OBAJA 1:5

Nakodaa do manabonga uma, ala mai nai fai le'odaen-na, ala ho'i ka'da hata fo lahiik-kana. Hataholi manaseu angol nai osi dale, ana bei seu ela boak de'ubee. Tehu neukose o musum-mala, ala sapu balisi o.

MIKHA 7:1

Au soe! Au sama leo hataholi kamala'ak fo neu sanga ai boak nai ai fo fai naboan-na seli so. Ta hapu ai boak nai ai-la so'on. Ala seu basa angol boak ma kaa boa malole-la so.

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

HAKIM-HAKIM 8:2

Tehu Gideon nataa nae, “Hata fo au taon-na, sosoa-ndandaan ta ba'u bee esa boen, metema nakasasamak-kana no hata fo emi taon so. Leomae emi taok-ka, ka'da faa anak mesan, tehu faa anak ndia, belin-na ba'ulena neme basa hata, fo au leo-ingug-nga solda'dun-nala lala'en-na taok-ka.