YESAYA 17:10 - Susula Malalaok Hehelu Palak Ma Hehelu Beuk

¹⁰ Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

YESAYA 17:10 ပူးပေါင်းရင်းမြစ်များ

1 TAWARIKH 16:35

Mafa'da mae, “Ou Manetualain, fo ami Manasoi-manatefa ma, soi-tefa mala ami neme leoinak-kala koasan-na mai ma tao makabubua falik ami fo ela ami hapu moke makasi ma koa-kio O na'de malalao-malalafum ma!”

MAZMUR 106:13

Tehu no lai-laik, ala lafandele heni Manetualain tatao-nono'in, de ala tao no, ta loke nanoli-nafa'dan fa.

MAZMUR 106:21

Ala lafandele heni Manetualain fo, sila manasoi-manatefan-na, fo manatao basa dede'a matuaina-la leme Masir.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 31:2

Ou Manetualain, au asulu-ahapa neu O, boso po'ilotak, hataholi tao ba'ihana au daleng-nga. Hu kande O ndoo-matetum-ma, de soi-tefa-mala au

MAZMUR 65:5

Maua-manalek ba'eneu hataholi fo, O helek-ka, ma O maloon, fo ana leo nai O Umam. Ela leo been-na, ami makabete menik basa hata malole manai O Umam-ma, fo O mamana leleo malalao-malalafum-ma.

MAZMUR 79:9

Tulu-fali ami, ou Manetualain, fo ami manasoi-manatefam-ma, fe do'o do ampon neu ami sala-singom, ma soi-po'i ami hu kande O na'dem fo, nanafe ha'da-holomatak ndia.

MAZMUR 85:4

O ta mamanasas so'on; O hela falik, O nasa-melum matuainam-ma.

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 17:9

Nai faik ndia, kota-kota Israel fo, nanananeak no mahelek, neukose ala da'di batu manandefak fo nee-nee lino-linok, sama leo kota-kota fo hataholi Hewi ma hataholi Amori-la la'oelan, nai lelek lalai leme hataholi Israel-la mai.

YESAYA 18:5

Beita losa fai aiboak-ka fa, lelek bunan-na kono so, ma angol-la boan-na beita namalatu nai huun-na fa, neukose musu tao nakalulutuk Sudan, mu'dak la'iesak-kana sama leo dope ke'diheni angol ndanak-kala, leme angol-la huun-na mai.

YESAYA 25:4

Nana, O da'di mamana nalaik ba'eneu hataholi tapandoes-sa, mamanak fo, nee-nee lino-linok ba'eneu hataholi nuu taa-hata taak-ka O nde been-na nasulu-nahapak neu ani sangu, nasulu-nahapak neu le'do mahaak-ka. Nanahu hataholi ba'u nasa-la sapu-la sama leo ani sangu nai fai oe faan-na

YESAYA 26:4

Mamahele neu Manetualain tataas esa leon, nana Manetualain nasulu-nahapa ita tataas esa.

YESAYA 30:29

Tehu emi, fo Manetualain anan-nala, neukose mamahoko-setelee ma makamee, sama leo feta agama, nai fai le'odaen-na. Neukose emi mamahoko, sama leo hataholi fo ana la'ok, de manafuu kinuk-kala, tunga dea, fo leu leo Manetualain Uman, fo manamasala'e Israel-la.

YESAYA 33:2

Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

YEREMIA 12:13

Au anang-ngala sele-nggali gandum, tehu ala ketu-kolu dila-nggauk. Ala puselaipana no ue osak, tehu buna-boan ta. Au amanasa anseli os de nalosa ala ta ketu-kolu fa.”

YEREMIA 17:13

Manetualain, O nde been-na Israel namahehenan-na, fo O anam-mala; fo basa manala'o ela O, neukose ala da'di manamaek. Neukose sila mopok-kasa neme daebafak ia mai de leu leo hataholi manamatek-kala daebafan-na neu. Nana, O nde been-na oe mata maso'dak, fo sila la'o elak-ka, Ou Manetualain.

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YESKIAL 22:12

Hapu nggelok boe, hataholi se'ba-baen, fo ana taonisa hataholi, ana da'di kelumatuk fo ana musi hataholi daan, ma ana lumu-ese nonoo hataholin-na. Sila basa-basas lafansele heni Au so. Au, Manetualain Fo Mademaina, nde manakokolak-ka.

YESKIAL 23:35

Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

YOEL 1:17

Mate bini-ngges nai dae tokotik-ka. Ta hapu pe'da gandum fa, boema soka-la louk, de ala da'di sosonga madoudouk.

IMAMAT 26:16

neukose, Au huku emi. Neukose, Au fe soe-a la'e emi, he'di-laus ma sumaik manalea-hai taak-ka, nalosa poke emi matam-ma, ma emi maso'da doi-doso. Neukose, emi foi-fala, tehu emi ta mi'a buna-boan fa, nana emi musum-mala mai, fo ala ho'i leni la'iesak, emi sele-nggalik-kala, buna-boan.

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

AMOS 5:11

Emi tuni-ndeni hataholi nuu-taa hata-taak-ka, ma emi loso-ma sila gandum-ma. Hu ndia de, neukose emi ta leo nai emi uma manaahiim fo emi taom-ma ka dalek fa. Neukose emi ta minu angol fo emi sele nai emi osim-mala dalek fa.

HABAKUK 3:18

tehu neukose, au amahoko tataas esa nana au manasoi-manatefang nde O fo Manetualain.

ZEFANYA 1:13

Neukose, nakodaa-la kalo leni hata-heton-nala, ma ala tao lakalulutuk uman-nala. Neukose lafofo'a seluk uma, tehu ala ta leo fan. Neukose ala tao osi angol, tehu ta linu angol-la oen-na fa.”

ULANGAN 28:30

Metema, emi ta tunga emi Manetualaim-ma fa soona, manada'dik-kala nde ia, neukose ala tuni-ndeni-la emi: Neukose emi meu a'du-matane ina anafe'ok, tehu hataholi fe'ek nde sao ina anafe'ok fo, emi meu a'du-matanek ndia. Neukose, emi mafofo'a uma, tehu hataholi fe'ek nde leo uma ndia. Neukose, emi sele osi angol, tehu hataholi fe'ek nde na'a boan-nala.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 32:18

Ala lafandeleheni sila Manasoi-tefan fo, palani tatibatu, lafandeleheni sila Manetualain fo, manafe maso'dak-ka.

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

ULANGAN 8:19

Boso mafandele heni, emi Manetualaim-ma, ma boso fali deak leo lamatua daebafak fe'ek-kala meu, boema emi sene-do'ok ma mahele neun. Faik ia, au fe emi nasanene'dak, ae metema emi mafandele henin, fo emi taon soona, tao leo bee-o, Manetualain tao namate-namopo emi.