YESAYA 17:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “Damsyik ta nalupa kota so'on, te ka'da ai-batu madodouk-kala.

YESAYA 17:1 ပူးပေါင်းရင်းမြစ်များ

KEJADIAN 14:15

Nai ndia, Abram ba'e hataholin-nala neu bubuak de'ubee, boema leu sapu-la musu-a la'e fai le'odaek, de ala sengis. Ana usis losa Hoba, fo nai kota Damsyik-ka boboan kii.

KEJADIAN 15:2

Tehu Abram nae, “Amak Fo Mademaina, Amak-ka ta fe au anak fa. Hataholi fo, neukose ana hapu au hata-hetong-ngala, ka'da Eliezer, fo au atang-nga neme Damsyik mai. Da'di, sosoak hata, Manetualain fe au ngga'di?”

1RAJA-RAJA 11:24

Mane Dauk ka sengi hai Hadadezer ia so, ma ana taonisa Hadadezer nono nala leme Siria mai. Nai lelek ndia, Rezon nalai neme Hadadezer mai de naloo nakabubua hataholi-la boema ana da'di malangan-nakabua makahatuk. No nonon-nala leu leo Damsyik leu boema ala leo leme kota ndia. Nai naa, nonon-nala so'un da'di manek nai Siria.

2RAJA-RAJA 16:9

Mane Tiglat-Pileser-ra, ana sipok Ahas dokodoen-na, de neu sapu-na Damsyik, de natona-nan. Laun-na, nanafook da'di leo hataholi nanafook leo Kir neu, ma ana taonisa manen-na, fo nde Mane Rezin-na.

1 TAWARIKH 18:5

Hataholi Siria la leme Damsyik mai, ala haitua solda'du soaneu tulu-fali Manek Hadadezer a, tehu Dauk sengis, de ana taonisa hataholi lifun duahulu dua.

2TAWARIKH 28:23

Ana tao soe aoinan-na ma laun-na, nanahu ana fe tutunu-hohotuk neu hataholi Siria-la lamatua daebafan-nala, fo manatao kalan-nana. Ana dodoo nae, “Siria lamatua daebafan-nala tulu-fali mane-manek Siria-la so, da'di metema au fes tutunu-hohotuk soona, neukose ala tulu-fali-la au boe.”

2TAWARIKH 28:5

Hu kande Manek Ahas-sa nasala-nasingo, de Manetualain po'ilotak manek Siria sengin, de ana foo neni hataholi Yehuda makadotok nanseli da'di leo hataholi nanafook leo Damsyik neu boe. Manetualain boeo po'ilotak Manek Pekah fo Remalya neme Israel anan-na segin, de nai faik esa dalen-na ana taonisa Yehuda solda'du palanin lifun natun esa duahulu. Sila bei-ba'i kain Manetualain po'ilotak basa sila-la da'di, nanahu Yehuda laun-nala ta taoafik neu Manetualain so'on.

YESAYA 10:9

Au loso-a kota Kalno, ma kota Karkemis, kota Hamat ma kota Arpad-ta. Au loso-a kota Samaria, ma kota Damsyik-ka boe.

YESAYA 13:1

Manetualain hala-hehelun la'eneu Babel-la nde ia, de Amos anan Yesaya nde sipon-nana.

YESAYA 15:1

Manetualain hala hehelun ia, la'eneu Moab. Kota Ar ma kota Kir-ra, nanatao namate-namopok, nai le'odaek esa dalen-na, de nusa Moab-pa, da'di nee-nee lino-linok.

YESAYA 19:1

Hala heheluk la'eneu Masir nde ia. Manetualain sa'e ko'as manalai-laik-ka, de neu leo Masir neu. Masir sosongo-tatangon-nala dele lai matan-na, ma hataholi Masir-rala dalen-nala ba'ihana.

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 37:26

Ade o beita mamanene hai, lae basa sila-la, Au tutu'u basan neme makahulun eli mai so do? De besak ia, Au tao atetun. Au nde fe o koasa, soaneu tao makalulutuk kota-kota fo lanuu kota musu, de ala da'di ai-batu manatapasasalak.

YESAYA 7:16

Nana faik ndia beita losa fa, te o bii-mamata'u neu mane-manek fo manapaleta nusa ka duak-kala, neukose nanala'o elak da'di nusa louk.

YESAYA 7:8

nanahu Siria balakain-na, ta lena neme Damsyik fo Aram nusan-na polon-na, ma Damsyik balakain-na, ta lena neme Manek Rezin-na mai fa. Te se'kona nai teuk neehulu lima dalen-na, neukose Israel heaba'en, nalosa ana ta hapu nakatatakak da'di leo leoina so'on.

YESAYA 8:4

Nana ni'iana ndia beita kokolak nalelak ‘Ama’ ma Ina fa, te basa Damsyik su'i-beten lala'ena, ma basa bua kakalok Samaria-la, neukose nanaso'uk leo mane Asyur-ra neu.”

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

MIKHA 1:6

Hu ndia de, Manetualain nafa'da nae, “Neukose, Au tao Samaria da'di ai-batu madodouk nai mook-ka, ma mamanak fo hataholi-a sele ai angol. Neukose Au tu'u kota ndia dae bubua manandefan-na leo bafak dale neu, ma Au ofe heni kota ndia uma laten-na.

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

ZAKHARIA 9:1

Manetualain hala hehelun-na nde ia. Naketu basa soaneu huku nusa Hadrakh ma kota Damsyik-ka. Manetualain nuun ta ka'da Israel leon-nala fa, tehu Siria nusan-na, polon-na boe.

HATAHOLI 9:2

de noke susula koasa fo neu leo hataholi Yahudi la uma mamason manai Damsyik-ka mauli-malanga nala neu. Fo sue ka nde metema natongo no hataholi mana mamahele neu Yesus nai naa soona, ana ho'u nas fo nos leo Yerusalem leu.

ULANGAN 13:16

Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.