YESAYA 16:6 - Susula Malalaok Hehelu Palak Ma Hehelu Beuk

⁶ Leoina Yehuda nafa'da nae, “Ami mamanene basa, leoina Moab-pa, koao-ndaeaon so. Ami bubuluk lae sila lamatutua-lamadedema aoinan-nala ma koao-ndaeaok. Sila hala-kokolan-na ka'da bafa louk, fo isin ta.”

YESAYA 16:6 ပူးပေါင်းရင်းမြစ်များ

AMSAL 21:24

Hataholi manakoao-ndaeaok, ma namatutua-namadedema aoinan-na, ana hii ka'da nakamuu-nakadau, ma malela ha'da taak.

YESAYA 15:1

Manetualain hala hehelun ia, la'eneu Moab. Kota Ar ma kota Kir-ra, nanatao namate-namopok, nai le'odaek esa dalen-na, de nusa Moab-pa, da'di nee-nee lino-linok.

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 25:10

Neukose Manetualain nasulu-nahapa Pupuku Sion-na, tehu Moab, neukose nanaheheta-aa'ik, sama leo ha'deaik-ka nai mamana kadafuk-ka.

YESAYA 25:11

Neukose laun-na look liman-na, sama leo hataholi fo, ana sanga suik. Tehu neukose, Manetualain nakadadaek sila fo, manakoao-ndaeaok-kala, nalosa mopo be'i-balakain.

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YESAYA 28:18

Emi hehelu-balataam mo mamates-sa, ma emi mala halak mo hataholi manamatek-kala daebafan-na, neukose ta da'di fa, nalosa, metema soe-a ana mai soona, emi lutu-lutu, nanahu nanaheheta-aa'ik.

YESAYA 44:25

Au nde tao-ala manasiula-tongonok-kala, hala nafa'dan-na, ta da'di fa, ma Au tao akamiminak manasiula-tongonok-kala Au se'i hataholi manatee-tenok-kala, hala-kokolan, Au tao sila manatee-tenon-na, da'di nggoak.

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’

YEREMIA 48:26

Manetualain nafa'da nae, “Tao-ma Moab da'di manamafuk, nanahu ana koao-ndaeao nai Au matang. Neukose ana lololi-oe nai mutan dale ma hataholi-la hika-humen.

YEREMIA 48:42

Neukose Moab nakalulutuk ma ta nalupa leoinak esa boen, hu ka nde ala koao-ndaeao lo Au.

YEREMIA 50:36

Susa-soe neu Babel nabi-la! Sila manamasapepekok ma nggoak. Susa-soe neu Babel soloda'du fo mahelek-kala! Ala bii lanseli!

AMOS 2:1

Manetualain nafa'da nae, “Laun Moab-pala lasala-lasingo tataas esa so, hu ndia de, tao leo bee-o, neukose Au hukus. Lakadadaek Mane Edom fo manamatek basak ndia, nenik ala kali laten-na, boema ala ho'i-la duin-na, de ala hotun da'di afu.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”