YESAYA 16:3 - Susula Malalaok Hehelu Palak Ma Hehelu Beuk

³ Ala lafa'da leoina Yehuda lae, “Mafa'da hata fo, ami muse taon. Da'di ami masulu-mahapam makasufuk nai le'do mahaak-ka, nai fai lele'don-na, ma nemen-na, fo ami leo nai o masulu-mahapam dale. Ami ia, hataholi manamalaik; mafuni ami, ma boso malelesi ami.

YESAYA 16:3 ပူးပေါင်းရင်းမြစ်များ

1RAJA-RAJA 18:4

Nai lelek Isebel taonisa Manetualain nabin-nala, Obaja ia tulu-fali na nabi natun esa nenik nafunis leme leak dale fo hataholi limahulu soona lai leak esa dalek – boema ana fes la'a linu.)

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 25:4

Nana, O da'di mamana nalaik ba'eneu hataholi tapandoes-sa, mamanak fo, nee-nee lino-linok ba'eneu hataholi nuu taa-hata taak-ka O nde been-na nasulu-nahapak neu ani sangu, nasulu-nahapak neu le'do mahaak-ka. Nanahu hataholi ba'u nasa-la sapu-la sama leo ani sangu nai fai oe faan-na

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YESAYA 56:8

Manetualain Fo Mademaina, fo no falik hataholi Israel-la, neme mamana ookak-ka mai, nafa'da nae leoia, “Neukose Au o hataholi fe'ek-kala mai, fo ala da'di esa lo sila fo, nanatao nakabubua basak-kala so.”

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

ZAKHARIA 7:9

“Teu-teu maneuk-ka, Au fe Au anang-ngala, paleta nde ia nae, ‘Emi muse maso'da tunga matetun-na, masue-malai ao, madale malole neu emi nonoo hataholim-ma.

MATEOS 25:35

Nanahu nai lelek Au amala'a, emi fe Au u'a, ma nai lelek Au maa ma'da, emi fe Au inu. Au hataholi mana mai, emi sipok Au nai emi umam.

IBRANI 13:2

Boso hiapenge sipok hataholi fo emi beita malela kana, leo emi umam neu. Nana no tatao leondia ka, de hapu hataholi ta name'da fa te, ana sipo hai ata nusa so'dak nai uman so.

HAKIM-HAKIM 9:15

Boema makatema dila-nggauk ndia nataa nae, ‘Metema, te'e-te'e emi nau tao au da'di emi manem soona, mai masulu-mahapa nai au sa'ong dale. Metema, emi ta nau fa soona, neme au ndanang fo manggauk ia, neukose ana kalua ha'i, fo ana hotu heni basa ai aras manai Libanon-nala.’ ”