YESAYA 16:12 - Susula Malalaok Hehelu Palak Ma Hehelu Beuk

¹² Hataholi Moab-pala sota-mangu kae pupuku tunu-hotuk-ka, fo leo sila mamana makaluku-makatelen-na leu, soaneu hule-haladoi, tehu buna-boan ta.

YESAYA 16:12 ပူးပေါင်းရင်းမြစ်များ

1RAJA-RAJA 11:7

Nai letek lain fo nai Yerusalem boboan dulu, ana tao mamana sosongo-tatangok soa neu Kamos, fo hataholi Moab ala lamatua daebafan-na, ma soaneu Molokh, fo hataholi Amon nala lamatua daebafan-na – lamatua daebafak-kaduak sila-la nanamaluak.

1RAJA-RAJA 18:29

Ala tao leondiak nakandondoo henin losa le'donoso, sama leo hataholi nitu sa'e ka. Tehu ta hapu manamataak, ma ta hapu manataoafik fa.

2RAJA-RAJA 19:12

Nai lelek, au bei-ba'i kaing-ngala tao lakalulutuk kota Gozan, Haran ma Rezef-pa, boema ala taolisa hataholi Eden fo manaleo lai Telasar-ra, sila lamatua daebafan-nala ta hapu esa boen, soi-tefa-na sila fa.

2RAJA-RAJA 3:27

Hu ndia de, ana ho'u-na anamanen fo, neukose ana nggatin da'di manek-ka, de ana tunu-hotun nai kota papala nanadaman lain, fo da'di neu tutunu-hohotuk soaneu Moab lamatua daebafan-na. Boema hataholi Israel-la bii leona, nalosa ala hela falik sila solda'dun-nala, leme kota ndia mai, de ala fali le'us leo sila nusan-na leu.

AMSAL 1:28

Nai lelek ndia, neukose emi maloo au, tehu neukose, au ta ataa fa. Neukose emi sanga au nai basa mamanak lala'ena, tehu emi ta matongo moo au fa.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 16:13

Hala heheluk ndia nde makahulun-na, Manetualain fen la'eneu Moab.

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

YESAYA 37:38

Nai faik esa, fo nai lelek ana bei sene-do'ok nai Lamatua Daebafak Nisrokh-ka uma sosongon dale, te anamanen Adramelekh ma Sarezer, tatilisan nenik tafaina. Basa ndia boema, lalai leo Ararat leu. Anamanen fe'en esa, na'de Esarhadon, nggatin da'di manek.

YESAYA 47:13

O sota-mangu, nanahu nanoli-nafa'da makadotok-kala. Madenu manasiula-tongonok-kala, ala mai soi-tefa-la o; sila fo, manapalisak matalolole, lalai-a lala'en-na, ma manamanolin-nduuk-kala, ma nai tunga-tunga bula beuk lafa'da memak hata fo neukose ana da'di neu o.

YEREMIA 10:5

Dodoki-dudulak sosongo-tatangok sila-la sama leo hataholi nai osi aido dale. Sila ta hapu kokolak fa, ta hapu nggani ein-nala fa, ma muse so'us. Boso bii-mamata'u neus, nana ala ta tao mangalauk neu emi fa; Ta lakatatakak tao malole boen fa.”

YEREMIA 48:13

Neukose Moab dalen-na ba'ihana ba'eneu Kamos, fo sila lamatua daebafan-na, sama leo hataholi Israel-la dalen-nala ba'ihana ba'eneu Betel fo sila lamahenak ndia.

YEREMIA 48:35

Neukose Au tao-a hataholi Moab-pala late'e, ala ta tunu-hotu neu sila mamanak sosongok-tatangok fa, ma sila late'e fe tutunu-hohotuk neu sila lamatua daebafan-nala. Au, Manetualain de manakokolak-ka.

YEREMIA 48:46

Susa-soe ba'eneu Moab! Hataholi mana sene-do'ok neu lamatuak daebafak Kamos mate-mopo so ma fua leni ana-nala da'di nanafok.

YEREMIA 48:7

Moab! O mamahena ka'da o be'i-balakaim masu'i-beten. Tehu besak ia neukose o nanatao nakalak. Kamos, o lamatua daebafam-ma, basa inam-mala ma basa mauli-malangam-mala neukose nanafoo nenik leo mamana ookak-ka neu.

BILANGAN 21:28

Faik esa boema, solda'du Sihon-nala, ala mai leme kota ia mai, de ala tutulumatak sama leo ha'i-a. Fo ala tao lakalulutuk kota Ar-ra, nai Moab, de ala koasa-la pupukuk-kala, nai su'di lee Arnon-na nanalun-na.

BILANGAN 22:39

Boema, Bileam no Balak leu leo kota Huzot-ta leu.

BILANGAN 22:41

Balahaa boema, Balak no Bileam, nde nda'e leo pupuku Bamot Baal-la lain leu. Bileam hapu nita leoina Israel-la seli, neme mamanak ndia mai.

BILANGAN 23:14

Boema, Balak no Bileam leo mook Zofim-ma neu, fo nai Letek Pisga poin-na. Nai ndia boeo, napadedeik na mei tunu-hotuk hitu, fo nai mei tunu-hotuk sila-la, esa-esak lain, ana tunu-hotu sapi mane esa, ma bi'ilopo mane esa.

BILANGAN 23:28

Boema no Bileam leo Letek Peor-ra poin-na neu, fo nasale leo moo solokaek-ka neu.

BILANGAN 24:17

Au itan, tehu ta nai besak ia fa; au akanaen, tehu neme dook-ka mai. Manek esa, ana da'di neme Israel mai, neukose ana mai, sama leo nduuk mandela-masa'ak-ka. Neukose ana tao nakalulutuk la'iesak mauli-malangan Moab-pala neukose ana tao nakalulutuk leoina Set-ta.