YESAYA 15:3 - Susula Malalaok Hehelu Palak Ma Hehelu Beuk

³ Hataholi manai enok-kala, ala pake si'di kalong, da'di leo ta'du-tana manasusak; hataholi-a, ana kii-makaleleu, ma ana kii nai masadokek-ka, ma nai uma punin-na.

YESAYA 15:3 ပူးပေါင်းရင်းမြစ်များ

2 SEMUEL 3:31

Basa boema, Dauk paleta Yoab no solda'dun-nala, fo ela ala siba'e sila bua papaken-nala, ma ala pake tema susa, boema ala kii-makaleleu Abner. Ma nai lelek ala ndolo kopak-ka fo leu latoi, Mane Dauk-ka mesak-kana la'ok nai kopak-ka dean-na.

2RAJA-RAJA 6:30

Manek-ka namanene dede'ak ndia boema, ana sii sii-lulu'i bua-lo'a papaken-na, nanahu dalen-na he'dis-sa. Basa hataholi fo lapadeik deka loo papala nanadamak ndia, lita ba'du dalen-na nde been-na, tema kalong.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 22:1

Hala heheluk la'eneu Bafak Ninitak-ka nde ia: Hai, laun Yerusalem-mala lemin, tao le'e de, emi basa-basam-mala kae leo uma punin-na meu?

YESAYA 22:4

Boso taoafik neu au; nemen-na fo au kii-makaleleu, au leoinang manamate basak-kala so. Boso so'ba kokoe-nanasi au.

YESAYA 3:24

Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YEREMIA 48:37

Basa-basas ngeu heni langa doon-nala ma nggolo mein-nala so, tao lakahina liman-nala ma ala kekeo si'di kalong da'di ta'du tana dale he'dis.

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MATEOS 11:21

“Soe ba'eneu kota Korasi no hataholi nala! Ma soe ba'eneu kota Betsaida no hataholi nala boe. Leo uni ka, manda'di beuk fo nanataok neme emi tala'da ndia, nanatao basak neme Tirus no Sidon soona, tao leo bee o hataholi manai naa la, ala tuka tei-sale dale basa doo ka leme sala-singo nala mai so, ma ala pake bua papake fafaluk, boema ala tao afu neu langa nala lain.

ULANGAN 22:8

Metema, emi mafofo'a uma soona, pa'a okofefeok uma ndia so'dan-na. Fo metema hataholi tu'da neme uma ndia punin lain mai, fo maten soona, emi ta lu'a-lepa salak ndia fa.

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!

SEMUEL SUSULAK-KA ESAN-NA 5:12

Mate ela hataholi bee soona, he'di peta-paek la'en, nalosa kota ndia laun-na nggasi neu sila lamatua daebafan-nala, fo loke tutulu-fafalik.