YESAYA 15:2 - Susula Malalaok Hehelu Palak Ma Hehelu Beuk

² Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 15:2 ပူးပေါင်းရင်းမြစ်များ

2 SEMUEL 10:4

Boema, Hanun ho'un-na Dauk nadenu hataholi sila-la, de ana nggeu heni nggolomein-nala seli, ana kee keke'u bua papaken-nala losa kalebon-nala, de nadenus fo ala la'o.

1 TAWARIKH 19:4

Manek Hanun na ho'u na Dauk hataholi nadedenun sila-la, de ana nggeuheni nggolomein-nala, ana kee keke'u bua papaken nala losa tala'da nala, de nadenus ala fali.

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

YESAYA 14:31

Kii-makaleleu leona, ma nggasi moke tutulu-fafalik, hai kota-kota Filistin-nala lemin! Ela leo been-na, emi basa-basam bii-mamata'u! Ko'de ndenuk-ka, namasu neme kii mai, de ana fe ta'du nae, musu solda'dun-na, ala mai; nai sila dalek, ta hapu hataholi nakadedeak fa.

YESAYA 15:3

Hataholi manai enok-kala, ala pake si'di kalong, da'di leo ta'du-tana manasusak; hataholi-a, ana kii-makaleleu, ma ana kii nai masadokek-ka, ma nai uma punin-na.

YESAYA 16:12

Hataholi Moab-pala sota-mangu kae pupuku tunu-hotuk-ka, fo leo sila mamana makaluku-makatelen-na leu, soaneu hule-haladoi, tehu buna-boan ta.

YESAYA 16:7

Hu ndia de, nemen-na fo, leoina Moab-pa, esa kii-makaleleu esa. Nemen-na fo ala kii, metema lafandele-la nana'a mala'da fo, ala biasa la'an nai kota Kir-Hareset-ta. Nemen-na fo ketu namahehenan-nala, ma lahoo.

YESAYA 22:12

Nai lelek ndia, Manetualain Fo Mademaina, ma Manakoasa, nadenu emi kii ma makaleleu, nggeuheni emi langam-mala, ma pake si'di lafa lapik.

YESAYA 3:24

Besak ia, ala pake kaboomenik, tehu mahani te, neukose laboopulu. Neukose ala nggati kalikee abalutun-na, nenik tali. Neukose langadoo mana'ahiin-nala, nananggute dilak. Sila bua papake mana'ahiin-nala, neukose nananggatik nenik bua papake si'da-saik. Besak ia, sila mata makeek; tehu mahani te, nalutu mata-panan nanahu ala de'dek mata-panan-nala.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YEREMIA 47:2

Manetualain nafa'da nae, “Mete mitak, oe-a faa neme kii mai ma ana lua ponu-ponu sama leo lee-a faan-na de ana lokan-na basa nusak-ka no basa oe isin lala'en-na, kotan-nala no basa laun-nala. Neukose hataholi-a nggasi loke tutulu-fafalik ma basa laun-nala kii-lamatani.

YEREMIA 47:5

Hataholi Gaza-la la'o la'di dale he'dik matuaina; Laun Askelon lamanggonggoak-kana. Hataholi Filistin fo bei elak-kala ala tei susa-dale he'di losa fai hi'da?

YEREMIA 48:1

Manetualain Fo Manakoasa, Fo Israel Manetualain-na nafa'da nae leo ia la'eneu Moab, “Soe ba'eneu laun Nebo, kotan-na bala neu so! Latona-la Kiryataim, ma kota musun-na fo matea-mahelek-ka nanatao nakalulutuk, de nalosa laun-nala da'di manamaek.

YEREMIA 48:18

Hai laun Dibon, kona meme emi mamanam fo mahada'da-holomataka; fo mamatuk neu dae-a ma neu afu a. Nanahu manataonalutu Moab fo emi nusam-ma ana losa so, ma neukose ana tao nakalulutuk laiesak emi papala mademamala.

YEREMIA 48:31

Hu ndia de Au kii-apane'e neu o ma basa hataholi manai Kir-Heres o kotam-ma

YEREMIA 48:35

Neukose Au tao-a hataholi Moab-pala late'e, ala ta tunu-hotu neu sila mamanak sosongok-tatangok fa, ma sila late'e fe tutunu-hohotuk neu sila lamatua daebafan-nala. Au, Manetualain de manakokolak-ka.

YEREMIA 49:3

Hei hataholi Hesybon, kii leo nanahu nusa Ai-a nakalulutuk so! Hei anafe'o anak nusa Raba, kii leo! Pake si'di kalong da'di ta'du tana dale he'dik, malai kii-konak henuk no mapangamak. Neukose o lamatua Milkom-ma nanafoo nenik leo mamana ookak-ka sama-sama no basa manaho'u-paleta ma basa imam-mala!

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

YESKIAL 27:31

Hu kande o de, ala nggeu dilak langan-nala, ma ala pake si'di kalong, manafaluk. Ala kii noi-noi ma ala makaleleu o ua-nalem.

YESKIAL 30:2

“Hai hataholi daebafak fo, manasapu-manalalok-konei, mafa'da leoina Masir-ra, hata fo Au Manetualain Mademaina nafa'da neus. Maloo bou-bou, ma kii-makaleleu mae leo ia: Awii! Manetualain fain-na deka so! Neukose Ana naketu-nala'di no lai-laik. Faik ndia, makahatuk nasakoko'a, Lelek leoina-la, ala sipo sila huhukun-na.

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

IMAMAT 13:40

Metema touk esa, langan-na polik nai dea, do nai uluk soona, polik ndia ta taon-na hataholi ndia, ana da'di manggenggeok fa.

IMAMAT 21:5

Imam esa, ta bole nggute polik langan-na boboan seli fa, ma ta bole nggute nggolomein-na, do ta bole tao nahina aon-na nenik hata matane, fo nafa'da nae ndia bei falu.

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

BILANGAN 21:28

Faik esa boema, solda'du Sihon-nala, ala mai leme kota ia mai, de ala tutulumatak sama leo ha'i-a. Fo ala tao lakalulutuk kota Ar-ra, nai Moab, de ala koasa-la pupukuk-kala, nai su'di lee Arnon-na nanalun-na.

BILANGAN 21:30

Tehu besak ia, mopo-mate sila tititi-nonosin, nai su'di enok maneme Hesybon leo Dibon neu-a, nanalun-na, neme Nasyim leo Nofa neu, fo deka no Medeba.”

BILANGAN 32:3

“Kota Atarot, Dibon, Yaezer, Nimra, Hesybon, Eleale, Sebam, Nebo ma Beon, fo no Manetualain tutulu-fafalin, de Israel nangatuu nan so, daen-na lolen-na seli soaneu nakaboboi bana-manu. De hu kande, ami bana-manum makadotok nanseli,

BILANGAN 32:38

Nebo, Baal-Meon, ma Sebam. Ala nggati heni lapadedeik falik kota sila-la, na'den-nala.

ULANGAN 14:1

“Emi nde been-na, Manetualain anan. Da'di, nai lelek emi hataholim esa mate, fo emi falu soona, boso tao makahina emi aoinam-ma, do emi nggeuheni emi langadoom manai emi dedeim-ma nisi lain-na, sama leo leoina fe'ek-kala tataon-na.

ULANGAN 34:1

Boema, Musa la'oela masadokek Moab-pa, de ana kae leo Lete Nebo-a lain neu, boema ana kae nakandoo leo poin mana'de Pisga lain neu, fo nai Yerikho boboan dulu. Nai mamanak ndia, Manetualain natu'dun, nusak ndia lala'en-na, fo nde: dae Gilead-ta, leo kii neu, fo nakandoo leo kota Dan-na neu;