YESAYA 14:2 - Susula Malalaok Hehelu Palak Ma Hehelu Beuk

² Neukose leoina makadotok ala tulu-fali leoina Israel-la, fo ala fali leo nusak fo Manetualain fen neu sila, de neukose leoina ndia, ana da'di ata neu Israel. Neukose Israel foo hataholi fo ala foo hai Israel-so, ma ana paleta hataholi fo ala tuni-ndeni hain so.

YESAYA 14:2 ပူးပေါင်းရင်းမြစ်များ

MAZMUR 68:18

No kaleta matea-mahelek lifu-lifuk-kala, Manetualain mai nai sila tala'da nai matua-mademan-na dalek.

YESAYA 18:7

Neukose fain-na losa, tunu-hotuk-kala nanananduku-nalosak neu Manetualain Fo Manakoasa, neme nusak ndia, fo lee-la tunga tala'da, neme leoinan fo mabe'i-balakaik ma makadelek, neme hataholin fo mademaina-la, ma lou mangana'uk, ma basa daebafak-ka lala'en-na bii-lamata'us. Neukose ala mai leo Pupukuk Sion-na, leo mamanak fo Manetualain Fo Manakoasan nanasene-do'ok.

YESAYA 31:8

Neukose Asyur nanatao namate-namopok nai natee-natatik dale, tehu ta nenik hataholi daebafak-ka be'i-balakain fa. Neukose hataholi Asyur-rala, lalai leme natee-natatik dale mai, ma sila hataholi muli-solun-nala, neukose nanataok da'di ata.

YESAYA 45:14

Manetualain nafa'da Israel nae, “O soa Masir dae-oen buna-boan, ma Sudan nanalan-na. O soa hataholi Syeba fo, mata makeek-kala; ala la'ok lai o deam-ma, no nanalangek. Neukose ala sene-do'ok ma ala manaku lae, ‘te'e-te'e Manetualain nai o tala'da; ta hapu lamatua daebafak fe'ek fa, ka'da Ndia mesak-kana!

YESAYA 49:22

Manetualain Fo Mademaina, nafa'da anan-nala nae, “Neukose Au fe leoinak-kala, ta'du-tana, fo neukose, ala fe falik o anam-mala; neukose ala ko'ok o anatoum-mala, ma o anainam-mala, nananasaak, nai aluk lain.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

YESAYA 49:25

Manetualain nataa nae, “Neukose, ndia nde da'di. Basa palani tatibatu-la, hataholi nanafoon-nala, neukose nanaloso falik. Hataholi fo, ana tao no ta pake ha'da hataholik-ka, bua-lo'a kakalon-nala, neukose hataholi loso-na seluk-kana. Nana Au nde, la'ban o musum-ma; neukose, Au soi-tefa o anam-mala.

YESAYA 54:3

Neukose o boetai mamaloa leo kona, ma leo kii muu, neukose o laum-ma, langatuu-la, leoinak-kala daen-na, ma ala leo kota-kota fo besak ia, nee-nee lino-linok-kala.

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YESAYA 60:4

Mitak hata fo, ana da'di nai o boboa-kaisum; laun-na lakabubua, fo ala fali leo o mai. O anatoum-mala, ala mai leme dook-ka mai, o anainam-mala, nanako'ok-kala.

YESAYA 61:5

Hai, au leoinang-ngala lemin, neukose hataholi nusa dea-la, lalalau-laoono emi; neukose ala foo emi bana-manum ma laue-lale'di, emi tinam-ma, ma emi osi angol-la.

YESAYA 66:12

Nana Manetualain nafa'da nae, “Neukose Au fe emi tetu-temak sama leo lee manafaak-ka; neukose leoinak-kala, leni su'i-beten leo o mai sama leo manalua ponu-ponuk-ka. Emi sama leo ni'iana fo, inan nasu'un ma ana ko'on boema ana kokosen nai ifan lain.

YEREMIA 30:16

Tehu besak ia basa manako'do emi-a, neukose nanako'dok, ma basa o musumom-mala neukose nanafoo nenik lo mamana tu'u-tapak-ka neu. Neukose Au tuni-ndeni manatuni-ndenik-ka, neukose Au amanako manamamanako emi-a.

YEREMIA 49:2

Tehu losa fain-na Au tao-a laun Raba, Amon kota inan ndia lamanene hala natee-natatik. Kota ndia da'di nakalulutuk ma nggolok-nggolok manai na-la nanahotu henik. Boema neukose Israel-la ho'i falik dae-na fo neme hataholi manaho'i na makahuluk-kala.

YESKIAL 39:10

Da'di ta paluu leu hila ai ha'i, do leu lo'o ai nai nula dale so'on, nana ala la'oela tafa-sisilo sila-la, dai ala pakes da'di ai ha'i. Neukose lamanako, ma ala kalo hataholi fo lamanako, ma ala kalo leni sila hata-heton-nala. Au, Manetualain Fo Mademaina, nde manakokolak-ka.”

DANIAL 7:18

Tehu Manetualain Fo Mademaina, anan-nala neukose sipo hak soaneu paleta ma paletan-nala neukose lakatatakak losa dodoon-na.”

YOEL 3:8

Neukose Au ase'o heni emi anatou-anainam leo Yehuda laun-nala neu, fo neukose lase'o seluk-kasa leo Syeba, nusak fo nai dook-ka nanseli. Au, fo Manetualain, nde manakokolak-ka.

IMAMAT 25:44

Metema, emi paluu ata soona, emi bole asa neme leoina manaleo nai emi titia-tataim-mala.

OBAJA 1:17

“Tehu neukose, hapu nggelok laso'da nai lete Sion-na, fo letek ndia ana da'di mamana hehelik soaneu Au. Soona neukose, Yakob tititi-nonosin hapu falik sila dae pusakan-na.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

ZAKHARIA 2:9

“Neukose Manetualain mesak-kana nde la'ban emi, ma neukose emi usi heni emi atam-mala, sila nde lamanako seluk emi. Metema, dede'ak ndia ana da'di soona, neukose emi bubuluk, mae Manetualain Fo Manakoasa, nadenu basa au so.”

LUKAS 12:45

Tehu metema malalau-maoono ndia dodoo nai dalen dale nae, ‘Au tua nga bei doo ka besa ka ana fali ma'in,’ boema ana fepa-li'u basa malalau-maoono nala, ma na'a-ninu losa mafuk,

ROMA 15:27

No dale namahokok ala ho'i nakeketuk soaneu ala tao dede'ak ndia. Memak tunga ndo na, sila landaa tulu-fali tolanoo nuu ta-hata tak mannai Yerusalem sila la; nana neme hataholi Yahudi, hataholi ta Yahudi sila la sipo basa Manetualain baba'e-papalan so. Da'di hataholi ta Yahudi sila la boeo, landaa tulu-fali hataholi Yahudi la ninik baba'e-papala hata-heto.

2 KORINTUS 10:5

ma tao makalulutuk kota musu koao-ndaeaok fo lafofo'a soaneu la'ban malelak la'eneu Manetualai na. Ami tahan hataholi la dudu'a-aafin, ma ami tao malas lakatele leu Kristus.

GALATIA 5:13

Tolanoo kala nananalo basak, soaneu da'di hataholi ao loak so. Tehu emi boso pake emi ao loam ndia, fo tao makandoo su'di bee ka, fo emi mahiik tao-no'in. Dede'a nasafali na, emi muse masue-malai ao, ma esa nalalau-naoono esa.

EFESUS 4:8

Nai Susula Malalaok dale nanasulak nae, “Lelek fo Ana kae leo mamana madema ina neu a, no hataholi nanatahan ba'u ka; boema Ana fe hataholi daebafa ka baba'e-babati hehelik.”

NINITAK 3:9

Taoafik leona! Hataholi fo ana da'di manasene-do'ok nakabubua no Nitu a lima ein ndia, fo nde masapepeko-masandandalik fo ala manaku aoina na Yahudi, te se'ko na ta. Neukose Au tao alas mai sene-do'ok nai emi matam fo ela sila boeo bubuluk lae, Au sue-lai emi.