YESAYA 14:1 - Susula Malalaok Hehelu Palak Ma Hehelu Beuk

¹ Neukose Manetualain sue-lai anan Israel, de Ana hele seluk-kasa da'di Ndia nuun. Neukose Ana fe falik-kasa leo sila nusa mesan-na neu. Hataholi nusa dea-la, neukose ala mai fo lakabubua loos.

YESAYA 14:1 ပူးပေါင်းရင်းမြစ်များ

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

MAZMUR 102:13

Tehu O, ou Manetualain, Manek losa dodoon-na, nananafandendele nahelek, neme bobongik leo bobongik neu.

MAZMUR 102:14

Neukose O fo'a, fo O sue-lai Sion, fain-na losa so, soaneu tao dale susue-lalaik neun.

MAZMUR 143:12

Hu kande O susue-lalaim, de tao mamopo-mamate au musung-ngala, tao mamopo-mate basa manatuni-ndeni au-a, nana O atam au ia.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

YESAYA 19:18

Nai lelek ndia, kota lima lai Masir, ala pake dede'a Ibrani. Hataholi manai naa-la, ala soo-supa lenik Manetualain Fo Manakoasan-na'den-na. Kota esa neme kota ka limak sila-la, neukose nanafoik na'de “Kota Le'do”.

YESAYA 21:1

Hala heheluk la'eneu Babel nde ia: Sama leo kutus-sa nakamiu tunga moo maloa, leondiak boe, soe mamain-na neme nusak fo maneni bibii-namata'uk-ka mai.

YESAYA 27:6

Nai tepo-lelek manamaik-ka, leoina Israel-la, neukose sama leo ai maoka-ka, ma nakapepela boema ana taon-na daebafak-ka, henun nenik boan-nala.

YESAYA 41:8

Tehu o, Israel, Au atang, fo Au ana heheleng-nga, o tititi-nonosik neme Au tia-laing Abraham mai.

YESAYA 41:9

Au ho'i basa o, neme daebafak-ka bu'u-bu'un-nala mai so, Au aloo o, neme mamanak fo, doon-na seli. Au afa'da ae, ‘O nde Au atang-nga; Au ta tipa Au ana heheleng-nga fa.’

YESAYA 44:1

Manetualain nafa'da nae, “Mamanene leona, hai Au atang Yakob, hai Israel, fo Au hataholi heheleng-nga!

YESAYA 45:14

Manetualain nafa'da Israel nae, “O soa Masir dae-oen buna-boan, ma Sudan nanalan-na. O soa hataholi Syeba fo, mata makeek-kala; ala la'ok lai o deam-ma, no nanalangek. Neukose ala sene-do'ok ma ala manaku lae, ‘te'e-te'e Manetualain nai o tala'da; ta hapu lamatua daebafak fe'ek fa, ka'da Ndia mesak-kana!

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

YESAYA 49:13

Hai lalai, makamee leona, hao daebafak, mamahoko-setelee leona, hai letek-kala, eki no mamahoko-seteleek leona! Nana Manetualain mai kokoe-nanasi anan-nala, Ana sue-lai anan fo nanatuni-ndenik-ka.

YESAYA 49:15

Manetualain nataa nae, “Hapu nai bee, inak esa, nafandele heni anan-na, ma ana ta sue-lai, ana bongin-na fa? Leomae, nafandele henin boe, neukose, Au ta afandele heni o fa!

YESAYA 49:25

Manetualain nataa nae, “Neukose, ndia nde da'di. Basa palani tatibatu-la, hataholi nanafoon-nala, neukose nanaloso falik. Hataholi fo, ana tao no ta pake ha'da hataholik-ka, bua-lo'a kakalon-nala, neukose hataholi loso-na seluk-kana. Nana Au nde, la'ban o musum-ma; neukose, Au soi-tefa o anam-mala.

YESAYA 49:7

Israel Manetualain malalao-malalafun, Manasoi-manatefan, nafa'da neu hataholi fo, nananakadadaek nanseli, ma leoinak-kala, ta lahiik-kana fa, boema ana da'di ata, neu manakoasa-la, nae, “Neukose mane-manek-kala, lita Au tatao-nono'ing; neukose, ala fo'a, fo ala fe ha'da-holomata neu Au. Neukose basa manakoasa-la lita boe, boema, ala sene-do'ok.” Dede'ak ndia ana da'di, nanahu Manetualain hele basa atan-na so; Israel Manetualain malalao-malalafun-na, lilineka neu hehelu balataan.

YESAYA 54:3

Neukose o boetai mamaloa leo kona, ma leo kii muu, neukose o laum-ma, langatuu-la, leoinak-kala daen-na, ma ala leo kota-kota fo besak ia, nee-nee lino-linok-kala.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YESAYA 56:3

Hataholi nusa dea, fo ala da'di esa lo Manetualainanan-nala, ta bole lafa'da lae, “Manetualain ta fe au loak, fo sene-do'ok neun, sama-sama o anan-nala fa.” Hataholi fo, mamae loun-na nanakee henik soona, ana ta bole dudu'a-dodoo nae, “Au ta hapu da'di Manetualain anan fa, nana au ta bisa hapu tititi-nonosik fa.”

YESAYA 60:10

Manetualain nafa'da Yerusalem nae, “Hataholi nusa dea-la, neukose lafofo'a falik o papala nanadamam-ma, ma mane-manek-kala, neukose lalalau-laoono o. Makahulun-na, Au huku o, nai Au nasa-melung dale, tehu besak ia, Au nau sue-lai o

YESAYA 60:14

Ni'iana manatuni-ndeni o-a, ala mai sene-do'ok, ma manamakadadaek hai o-a, neukose lakatele, neukose loke o lae, ‘Manetualain Kotan-na’, ‘Sion, fo Israel Manetualain Malalao-malalafun-na, Kotan-na’.

YESAYA 66:20

Neme nusak sila-la mai, neukose ala loo falik emi tolano-tolanoom fo, leoina esa, da'di leo bua palsen soaneu Au. Neukose ala lo hataholi sila-la, leo Au pupukung fo malalao-malalafung-nga neu nai Yerusalem no ala sa'e ndala, keledei ma onta, ma no kaleta boema nggalobak, sama leo hataholi Israel-la biasa leni tunu-hotu gandum nai mamana balisi dale, leo Manetualain Uman neu.

YEREMIA 16:15

te hu nenik Au, Manetualain fo maso'dak, fo neni falik hataholi Israel-la kalua neme nusak esa nai dulu, ma neme basa nusak fe'ek-kala fo nai be e au tao tapasasala sila. Neukose au uni falik sila fali ma'is lo sila dae oen-nala mai, fo Au fe nusak leo sila bei ba'i-kain-nala.”

YEREMIA 29:14

Tete'ek-ka, neukose emi matongo mo Au. Neukose Au tao akabubua emi neme basa leoina-la tala'da mai, ma neme basa nusak fo mamanak emi manatao tapasasalak, ma mamanatu'u-tapak. Neukose Au o falik emi lo emi nusa-namom ia mai, ma Au tao ahii emi heheo-hihilum-mala. Au, Manetualain nde manakokolak-ka.’

YEREMIA 30:8

Manetualain Fo Manakoasa nafa'da seluk neu Anan-nala nae, “Metema faik ndia losa soona, lange fo nanataok nu emi lasuhaim-ma neukose Au tao ala'din, ma emi hehenge-papa'am-mala neukose Au se'i-po'in. Neukose emi ta da'di ata neu hataholi manamai-a so'on.

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

YEREMIA 50:33

Manetualain Fo Manakoasa nafa'da nae, “Hataholi Israel ma Yehuda-la nananakanenetek. Basa mana okak sila-la lanea laheheles ma ala ta nau po'i emi fa.

YEREMIA 51:51

Emi kokolak mae, ‘Ami nananakadadaek ma nakamamaek hu ka nde hataholi manamai-la lamatuk-la mamana neulauk manai Manetualain Uman.’

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YESKIAL 47:22

de dae ndia, ana da'di emi pusakam, losa dodoon-na. Hataholi nusa dea fo, ala leo lahele lai emi tala'da heom, boema ala bongi anan-nala lai mamanak ndia, de sila boeo, muse hapu baba'ek neme dae ndia mai. Muse taos da'di leo, leoina Israel matetuk, fo sila boeo tunga tu-u batu, soaneu ala hapu dae, nai lelek dae ndia, nanababa'ek neu leo-leo Israel-la.

ZAKHARIA 1:17

Ata nusa so'dak ndia, nadenu au anduku-alosak hala heheluk-ka nde ia boe, nae, “Manetualain Fo Manakoasa, naheluk nae, neukose Ndia kotan-nala lalole-lanapu falik, ma nae Ana tulu-fali Yerusalem la'iesa seluk, ma Ana manakun da'di leo Ndia pusaka mesan.”

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

LUKAS 1:54

Ana tulu-fali Israel Ata na, tunga hehelu-balatak, fo Ana taon no ita bei-ba'ikai nala.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”