YESAYA 13:8 - Susula Malalaok Hehelu Palak Ma Hehelu Beuk

⁸ Neukose bibii-namata'uk-ka ho'un-nalas, ma ua-kakalun-nala lakapii fo lita he'dis, sama leo inak-kala sanga bongi. Neukose, esa mete esa no bibii-namata'uk, ma mata-panan-nala pilas, hu kande mamaek-ka.

YESAYA 13:8 ပူးပေါင်းရင်းမြစ်များ

2RAJA-RAJA 19:26

Basa hataholi manaleo manai naa-la, mopo bei-bala kain-nala; ala nggenge, ma bii-lamata'u. Sila sama leo na'u manai mook-ka do na'u-a, fo ana moli nai uma punin-na, de namatuu, metema ani timu mato'bik-ka fuu la'en.

MAZMUR 48:7

Nai naa, ala dele beengge'be no bibii-namata'uk, ma lame'da he'dis sama leo inak fo ana sanga bongi,

YESAYA 26:17

Sama leo inak fo ana sanga bongi, de naule-napo'de ma nahoo he'dis, leondiak boe, ami nai O matam, Manetualain.

YEREMIA 13:21

Fo neukose emi mafa'da beek-ka metema hataholi-hataholi fo emi taos sama leo emi tolanom-mala ala tao lakala emi, ma ala koa emi? Tao leo beo neukose emi mame'da he'dis sama leo inak-ka fo ana sanga bongi.

YEREMIA 30:6

So'ba dudu'a-dodoon ma mete matalololen! Fafakama touk bisa bongi ni'iana beuana do? Metema leondiak soona, tao le'e de Au ita touk-kala esa-esak mata-panan-nala putuk beke esak ma ala ne'e tein-nala nenik liman-nala sama leo inak-ka fo sanga bongi-a?

YEREMIA 4:31

Au amanene hala hoo-nggu'uk-ka sama leo inak fo, ana sanga bongi; sama leo anafe'oanak-ka, bongi ana makasososan-na, Yerusalem kii de hahaen-na nakase'e leondiak. Liman nggape-nggape, ma nahoo nae, “Soe ba'eneu au – musu-a, sanga taonisa au!”

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YEREMIA 48:41

Kota-kota ma kota musu neukose nanaho'i nak, ma soloda'dun-na ala bii sama leo inak fo ana sanga bongi.

YEREMIA 49:22

Sama leo manupui kaka'ka la'u nenik li'da lalapan-na, neukose musu mai sapu Bozra sama leondiak. Nai faik ndia soloda'du Edom-mala bii sama leo ina manabongik.”

YEREMIA 49:24

Laun Damsyik-kala da'di male, ma lalai leni bibii-momopon. Ala lame'da he'dis ma ala doi doso sama leo ina manabongik-ka.

YEREMIA 50:43

Lamanene halak ndia, boema manek Babel-la ta napalani fa. Dudu'a-aafi bibik-ka nai dalen dale so, ma namahe'di sama leo inak fo sanga bongik-kala.

YEREMIA 51:30

Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

YESKIAL 20:47

Madenu nula sila-la, fo lamanene hata fo Au, Manetualain Fo Mademaina, nafa'das nae, ‘Mamanene leona! Neukose Au tao apila ha'i-a, fo ana hotuheni basa ai manai o dalek kala, nai ai tuuk do ai mamatak boe. Ta hapu taonisa ha'i manapila lo'a-lo'ak ndia fa. Neukose ha'i ndia, ana pila nasalolo'de neme kona leo kii neu, fo basa hataholi-la lame'da ha'i ndia haan-na

HOSEA 13:13

Israel hapu fai loak soaneu naso'da, tehu namanggoa de, ana ta pake matalolole fai loak ndia fa. Ndia sama leo ni'iana beuana, fo bei ela ka'da hatematak esa seluk soona, neukose bongin, tehu ana ta nau kalua neme inan tein dale mai fa.

YOEL 2:6

Lelek ala tutulumatak, basa hataholi-la dele bengge'be, basa mata-panak befula ma bema'u.

NAHUM 2:10

Niniwe lutu-lutu so, ana da'di mamana nees ma na'u-aiana, ta moli nai ndia so'on. Hu kande, bibii-namata'uk-ka de laun-na dalen-nala makasufu. Lungulangak-ka nakamate ma dele ngge'be-ngge'be. Basa hataholi-la mata panan-nala befula.

YOHANIS 16:21

Metema inak esa, ana hihii nae bongi soona ana to'a-sota, hu ka nde fai toto'a-sosotan ana losa so. Tehu metema ana bongi na ana na soona, neukose inak ndia nafandeleheni toto'a-sosotan ndia, fo namahoko-setelee, nanahu ni'iana beuana esa nanabongik leo daebafa ka mai so.

1 TESALONIKA 5:3

Nai faik fo hataholi a nafa'da nae, basa hata lala'na neenee-lino linok ma malole mesa-mesan soona, nai faik ndia nde, susa-soe a, ana mai no kaiboik fo tuni-ndeni nalas, sama leoinak esa nameda he'di bobongik, nai lelek fo ana sanga bongi a.