YESAYA 13:22 - Susula Malalaok Hehelu Palak Ma Hehelu Beuk

²² Busa fuik-kala, neukose ala nggoo lai uma manek Babel-la. Fai nakalulutun-na, sanga losa so, de ta nakadedeak fain-na so'on.”

YESAYA 13:22 ပူးပေါင်းရင်းမြစ်များ

MAZMUR 44:19

Ami dalem-ma ta nalelesi O fa; ami ta mafandele heni O paletam esa boen.

YESAYA 14:23

Neukose Au tao Babel da'di puuk, fo ko'donaok-kala mamana leleon-na. Neukose Au sasapu balisi Babel. Au, fo Manetualain nde manakokolak-ka.”

YESAYA 25:2

Au tao akalulutuk kota ndia so; kota makota musuk ndia, ana da'di ai-batu nananaunuk, uma manek fo, hataholi nusa dea-la lafofo'ak-ka, mopok-kana so, ma ta nananafofo'a falik so'on, losa dodoon-na.

YESAYA 32:14

Nakalenak uma manek-ka, neukose nanala'o elak, ma nusak-ka polon fo, makalupu-makaseek ndia, ana da'di nee-nee lino-linok. Pupukuk ma uma puni madema naneak-kala, lakatetepak lo dae bafan-na, losa dodoon-na.

YESAYA 34:13

Uma sosongon-nala ma kota-kotan fo lanuu kota musu, neukose makatema dila nggauk, ma na'u-la, moli lai dalek, ma busa fuik, manupui onta-la, ala leo lai dalek.

YESAYA 34:14

Neukose bana makaak-kala henu dalek; ko'donaok-kala esa koko'do esa, ma ko'donao le'odaek-ka lai dalek ana sanga mamana hahaeaok.

YESAYA 35:7

Solokae mato'bik-ka, neukose ana da'di lifu, dae tuuk-ka, ana da'di oemata. Mamanak fo makahulun-na, busa fuik-ka leok-ka, neukose fii ma henak-ka, moli lan.

YESAYA 43:20

Bana fuik-kala, neukose lamatutua-lamadedema Au; busa fuik ma manupui onta, neukose ala koa-kio Au nana Au fe oe-a, ana faa nai moo solokaek-ka, ma lee-la, lai moo maloa soaneu Au fe Au ana heheleng-ngala linu.

YEREMIA 48:16

Mamate momopok soaneu Moab nai lelesua bafana so, tadoka so'on te ana nakalulutuk.

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

RATAPAN 4:3

Te busa fui ina nasu'u anan-na, tehu Au anang-ngala ta lalelak susue-lalaik, sama leo manupui onta nai mook-ka.

MIKHA 1:8

Hu ndia de Au, Mikha, daleng-nga he'dis-sa, ma haladoi. Neukose au la'ok no makaholak ma ta pake ta'bueis fa, soaneu atu'du ae, au daleng-nga he'dis-sa nanseli. Neukose au nggo sama leo busa fui-a, ma dola sama leo manupui onta.

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

ZEFANYA 2:14

Bana bubuak-kala, ma bana mata-matak-kala lai ndia, de neukose ala lu'u ma ala hahaeaon-nala. Neukose ko'donaok-kala, landunu nai ai batu madodouk sila lain, ma ala nggasi leme batu-la lelan-nala mai. Neukose manupui kaa-la, ala nggasi lai lelesu-la bafan-na. Neukose ala bonga heni, kota ndia uman fo nanataok neme ai kaiou-a mai.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.