YESAYA 13:2 - Susula Malalaok Hehelu Palak Ma Hehelu Beuk

² Masa'e dedeo natee-natatik-kala neu pupuku na'u tak-kala poin-na! Maloo bou-bou neu basa solda'du-la, ma so'uk emi limam-mala, fo ela ala sapu-la kota manakoao-ndaeaok ndia lelesuinan-nala.

YESAYA 13:2 ပူးပေါင်းရင်းမြစ်များ

MAZMUR 60:4

O taom-ma daebafak-ka nanggengo, nalosa natandala; tao mahii matandalak-kala, nana daebafak-ka nanggengo.

YESAYA 10:32

Faik ia, musunok-ka nai kota Nob-pa, de nai naa, ala kukumu liman-nala lasale leo Pupuku Sion-na, ma leo kota Yerusalem-ma neu.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

YESAYA 18:3

Hai, emi fo manaleo daebafak-ka lemin! Taoafik leona, metema dedeo-la nananasa'ek lai letek-kala poin-na! Mamanene leona, metema pupuk-kala nanapuuk!

YESAYA 19:16

Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YESAYA 5:26

Neukose Manetualain naloo leoina manai dook-kala, fo neukose ala mai no lai-laik!

YEREMIA 50:2

“Tao ta'du-tana ma mafa'da basa nggileom-mala mae Babel tu'da so! Boso mafuni dede'ak ndia! Merodakh sila lamatuan-na nakalulutuk so, ma tao naba'e dodoki-dudulak hohongek-kala, no basa sosongok-tatangok nananakadadaek-ka.

YEREMIA 50:41

Leoina mahelek esa ana nakababale neme nusa dook fo manai kii. Ala mai sama-sama no manek ba'uk-kala fo ala tao musu.

YEREMIA 51:12

Tao ta'du-tana neu papala-nanadamak Babel. Manea mahele. Pe'da manamanea. Nahani hohouk.!” Manetualain tao basa hata fo Ana sanga tao neu hataholi Babel.

YEREMIA 51:25

Hei Babel, o sama leo letek fo ana tao nakalulutuk basa daebafak. Tehu Au, Manetualain neukose la'ban o, Au hele loloso ma loli o leo ha'i fo ela ha'i na'a heni o da'di afu.

YEREMIA 51:58

Papala-nanadamak mahelek manai Babel-la neukose Au tao akalulutuk-kana fo ala bela leu dae. Basa lelesu ina madema-nala neukose Au de'de henis. Leoina-la sosota-mamangun sosoa-ndandaan ta, hu ka nde neukose ha'i na'a henis. Au, Manetualain Fo Manakoasa de manakokolak.”