YESAYA 13:18 - Susula Malalaok Hehelu Palak Ma Hehelu Beuk

¹⁸ Neukose, ala kou lisa hataholi muli-soluk-kala nenik sila kokoun-na. Ala ta sue ni'iana bongi beuk-kala, ma dalen-nala ta sue-lai neu ni'iana-la fa.

YESAYA 13:18 ပူးပေါင်းရင်းမြစ်များ

2RAJA-RAJA 8:12

Hazael natane nae, “Tao le'e de, Tuan kii?” Boema, Elisa nae, “Nana au bubuluk, tatao-nono'i mangalauk fo, neukose o taon soaneu hataholi Israel-la. Neukose, o hotu heni kota-kota makota musun-nala, o taomisa hataholi muli-solu neulaun-nala, ma o ki'dumisa, ni'iana bongi beuanan-nala, boema o saika'di, inak-kailun-nala te'in-nala.”

2TAWARIKH 36:17

Manetualain nakababale manek Babel-la dalen-na fo ela ana sapu-nalas. Manek ndia taonisa hataholi Yehuda fo muli-solu-kala, ma sila fo manai Manetualain Uman dale boe. Ana ta sue-lai neu hataholi esa boen, nau lasik do mulik, touk do inak, kamahe'dik do so'da-la'dak boe. Manetualain fe basa-basas leo manek Babel-la neu.

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

YESAYA 13:16

Neukose lita matan, ni'iana bongi beun-nala nanalulumu-eesek, nakodaa-la bonga uman-nala, ma ala sungu loo saoinan-nala.”

YESAYA 47:9

Tehu, ka'da hatematak esa, fo nai faik esa dalen-na, dede'a ka duak sila-la, ala da'di landaa. Leomae, o pake suangi, ma mo'do-akidook, o saom-ma, ma o anam-mala nanaloso nenik boe.

YESAYA 5:28

Kokou isin-nala matane, ma kokoun-na nanahela memak. Ndalan-na eifangan-na, tean-na sama leo batuaik-ka, ma kaleta-na ein-na ana loli sama leo sangu-a.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 5:16

ma hataholi manaho'u kokoun-nala, ao makadelek ma palani; ala lanisa, no ta pake ha'da hataholik fa.

YEREMIA 50:30

Neukose nai faik ndia ta'e ana-nala mates lai kota ndia enon-nala, ma basa soloda'dun-nala nanatao nisak, Au Manetualain de manakokolak-ka.

YEREMIA 50:42

Ala leni kokouk ma tee; sila mangalaun-nanseli ta lalelak do'o do ampon fa sama leo tasi fo'a, ndala-la lakadi, fo sila nde fes leu tao musu no Babel.

YEREMIA 51:22

O nanapake fo tao misa touk ma inak, lasik do mulik, ana fe'o anak ma ta'e anak.

YEREMIA 6:23

Tafa-sisilon-nala nde kokouk ma tee; hataholi sila manalaun-na seli, ma ta lalelak do'o do ampon fa. Sama leo lii mapoponuk-ka ngguun-na, leondia boe, sila ndalan-nala ei ndu'un-na, nai lelek fo leu sapu-la Yerusalem-ma.”

YESKIAL 9:10

Neukose, Au ta sue-lai fas. Hata fo sila taon neu hataholi fe'ek-kala, neukose, Au taon neu sila boe.”

DANIAL 7:5

Bana ka dua, lupan-na sama leo beruang-nga. Napadeik nenik ei buin-na, ma ana kaa neni kaisu duik 3 nai nisin-nala tala'da. Au amanene halak-ka nafa'dan nae, “Ayo, mu'a paa su'di bebe'ik-ka leona!”

NAHUM 2:1

Hai Niniwe, mamanene leona! Hataholi fo ana nau tao nalutu o-a, ana mai so! Manea o kota musu mala! Manea enok-kala! Maheheleaom fo matee-mata'ti. (

NAHUM 3:10

Leomae leondiak boe, laun Tebe-la, nanafook de los leo mamana tu'u-tapak neu. Anan-nala nanafepa-popokok losa mates, nai basa eno kaba'ek-kala. Hataholi matua-mademan-nala nanalangek, de ala baba'es neu hataholi manaho'u nalas-sala.