YESAYA 13:13 - Susula Malalaok Hehelu Palak Ma Hehelu Beuk

¹³ Neukose, Au tao-a lalai-a dele, ma daebafak-ka keko neme mamanan-na, nai faik fo Au, Manetualain Fo Manakoasa, atu'du Au nasa-melung.

YESAYA 13:13 ပူးပေါင်းရင်းမြစ်များ

AYUB 9:6

Manetualain tao dae manggengok-ka, losa daebafak-ka naleulilok, ma dii manato'ba daebafak-ka laleuk.

MAZMUR 18:7

Lelek au nai toto'a-tataak-ka dalek, au aloo bou-bou neu Manetualain, au aloo neu au Manetualaing-nga, fo au oke tutulu-fafalik. Ana namanene au halang-nga, neme Uman dale mai, ma ana tao afik neu au dokodoeng-nga.

MAZMUR 88:16

Au doi-doso, ma mamates-sa maku au, neme au anang mai au sota-mangu no lu'a-lepa O huhukum-ma.

YESAYA 2:19

Nai hatematak fo Manetualain fo'a, fo nanggenggengok daebafak-ka soona, neukose hataholi-la masok leo lea-luak manai pupuku mabatu piak-kala dalek leu, do ala kali bolok nai dae dale, fo ela ala boso hapu Manetualain nasa-melun, ma neme koasan fo mandela-masa'an-na mai. Metema faik ndia losa soona, ala tao-la sosongo-tatango lilofulak ma lilopilas fo ala sene-do'ok-ka, neukose nanala'oelak leondiak mesak-kana, soaneu fo lafo-la lo bauk-kala soan.

YESAYA 21:1

Hala heheluk la'eneu Babel nde ia: Sama leo kutus-sa nakamiu tunga moo maloa, leondiak boe, soe mamain-na neme nusak fo maneni bibii-namata'uk-ka mai.

YESAYA 23:11

Manetualain nakapepela liman-na neu tasi lain, de ana loliheni nusa-nusak-kala. Ana fe paleta, fo ela tao nakalulutuk Fenisia kota musun-nala.

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YESAYA 24:18

Hataholi fo, nalai neme tasibu-a mai, neukose ana tu'da leo meo besik dale neu, ma hataholi fo nala meo besik-ka deak, neukose hihi'ik-ka nalan. Neukose u'daina, ana po'a neme lalai mai, ma daebafak-ka buin-na nanggengo.

YESAYA 24:19

Daebafak-ka natandala, nakalulutuk ma nanggengo,

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YESAYA 51:6

Mete lalai ma mete daebafak-ka; neukose lalai mopok-kana, sama leo ha'imasuk-ka, ma daebafak-ka, neukose ana palaa, sama leo ba'du palaak dooinak-ka, neukose mate basa laun-na, sama leo ninik-ka. Tehu Au fe so'da-molek-ka, nahele losa dodoon-na, ma Au sesenging-nga, neukose ta nate'e fa.

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 51:1

Manetualain nafa'da nae, “Neukose Au haitua ani mangalauk fo mana fuu nasale leo Babel no laun-nala.

RATAPAN 1:12

“Hai hataholi manala'ok tunga enok-ka lemin, mete leon ma taoafik! Ade fefepa-lili'uk baba'un-na sama no besak ia au doidosok-ka, fefepa-lili'uk fo Manetualain tunin neu au, nanahu nasa-melun manapila lo'a-lo'an ndia do?

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

NINITAK 20:11

Basa ndia boema, au ita kandela manek dula fula matua esa ma Ndia fo manamangatuuk manai lai na. Lalai no daebafa ka mopo kasa neme mata na mai, nalosa ta nananitak so'on.