YESAYA 12:6 - Susula Malalaok Hehelu Palak Ma Hehelu Beuk

⁶ Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 12:6 ပူးပေါင်းရင်းမြစ်များ

MAZMUR 132:14

Nafa'da nae, “Au mamana leleong-nga nai ia, losa dodoon-na Au hii paleta nai mamanak ia.

MAZMUR 135:21

Koa-kio Manetualain nai Sion, ma nai Yerusalem, fo mamana leleon-na. Koa-kio Manetualain leona!

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

MAZMUR 68:16

Lete Basan-na nde bee-na, letek fo anseli, letek fo leteanak makadotok lai poin-na.

MAZMUR 71:22

Au sanga koa-kio O nenik gambus, nana O lilineka, ou au Manetualaing-nga. Au nau akamee, nakamee kokoa-kikiok ba'eneu O, nenik kacapi, ou Israel Manetualain fo malalao-malalafuk.

MAZMUR 89:18

O fe ami sesengik matuaina, hu kande O dale malolem-ma, de ami sengi.

MAZMUR 9:11

Hataholi fo nalelak O-a, namahena neu O, ou Manetualain hataholi fo manasene-do'ok neu O-a, O ta la'oela fan.

MAZMUR 99:2

Manetualain koasan-na, ba'un-na seli nai Sion; Ndia matua-madema, lena heni leoina lala'ena.

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YESAYA 10:24

Manetualain Fo Manakoasa, nafa'da anan manaleo nai Sion-na nae, “Boso bii-mamata'u neu hataholi Asyur-ra, leomae ala tuni-ndeni ma fepa-li'u emi, sama leo makahulun-na hataholi Masir-ra tataon-na.

YESAYA 24:14

Hataholi maso'dak-kala, neukose lakamee no namahoko-seteleek. Hataholi manai muli-la, neukose ala tui-benga Manetualain matua-mademan,

YESAYA 24:23

Neukose bulak-ka makahatuk, ma le'do-a, ta nasalaa so'on, nana Manetualain Fo Manakoasa, neukose Ana paleta da'di leo manek. Neukose Ana paleta nai Yerusalem, nai Pupuku Sion-na lain, ma natu'du matua-mademan neu basa anan-nala mauli-malangan-nala.

YESAYA 30:19

Hai emi fo, manaleo manai Yerusalem-mala lemin, neukose emi ta kii makandoo fa. Manetualain madale susue-lalaik, de no lai-laik nataa emi, metema emi maloo bou-bou moke tutulu-fafalik neun.

YESAYA 33:21

Neukose, Manetualain natu'du matua-mademan neu ita. Neukose, ita taso'da nai lee maloa su'un-na fo, ofa musu-a ta tunga ndia fa.

YESAYA 33:24

Nai ita nusan-na, ta hapu hataholi esa boen neukose nahoo, hu kande namahe'di, ma basa sala-singok-kala, neukose hapu do'o do ampon.

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 54:1

Yerusalem, makahulun-na, o sama leo ina ta manabongik, fo ta bisa bongi fa. Tehu besak ia, hika-matadale leona, ma makamee no namahoko-seteleek! Nana o anam-mala, makadotok nanseli, lena heni, ina maela saok-ka, anan-nala.

YESAYA 60:16

Neukose leoinak-kala, ma mane-manek-kala, lakaboboi o, sama leo inak esa, nakaboboi anan-na. Soona besak-ka o bubuluk, mae Au Manetualain, fo o manasoi-manatefam-ma, ma o bubuluk mae Israel Manetualain, fo o Manasoi-po'im-ma, mabe'i-balakaik.

YESAYA 8:18

Au ma Manetualain fe au anak-kala nde ia. Manetualain Fo Manakoasa, paleta nai Pupuku Sion-na, nadenu au da'di ta'du-tana soaneu hataholi Israel-la.

YEREMIA 10:6

Manetualain do mandela masa'ak, ta hapu sama leo O fa, O na'dem-ma matua-madema ma henuk no koasa.

YESKIAL 35:10

Emi mafa'da, mae nau Yehuda do Israel no daen-na, esa-esak nde been-na, o hak ndia, ma o mae neukose emi manuu dae ndia, leomae Au, fo Manetualain nde been-na, sila Manetualain-na.

YESKIAL 39:7

Tehu neukose, Au afa'da Au na'de malalao-malalafung-nga nai hataholi Israel-la tala'da heon, ma Au na'deng ndia, neukose ta nanatao nanggenggeok so'on. Soona besak-ka leoina-kala, ala bubuluk lae Au nde Amak, Manetualain fo malalao-malalafuk neme Israel mai.”

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

YESKIAL 48:8

Muse uku-ma, dae ndia baba'ek esa, soaneu paluu hehelik. Nalun-na, muse kilo sanahulu dua, metel natun lima, fo neme too kii losa too kona. Too dulu ma too muli, nanalun-na, muse sama no leo-leo Israel-la, dae baba'en-nala, nanalun-na. Manetualain Uman-na, neukose napadeik nai baba'ek ndia.

HOSEA 11:9

Neukose, Au ta huku o nai Au nasa-melung dale fa, Au ta tao akalulutuk o so'on. Nana Au Manetualain, te ta hataholi daebafak fa. Au, Fo Malalao-malalafuk-ka, sama-sama o o, ma Au ta nau amanasa o so'on.”

YOEL 2:27

Boema emi bubuluk leon hai Israel, te Au nai emi tala'da heom, ma bubuluk mae, tete'ek-ka Au nde been-na, Manetualain, fo emi Manetualaim. Ta hapu fe'ek so'on, te ka'da Au mesang-nga. Neukose, ta lakamamaek Au anang-ngala so'on!”

ZEFANYA 2:5

Emi nanasoo-supak, hai hataholi Filistin fo leoina manaleo ndolo-ndolo tasi su'un-na. Manetualain naketu basa huhukuk ba'eneu emi so. Neukose Ana tao namopo-namate emi, fo ta hapu emi esa boen, naladeak fa.

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

ZAKHARIA 2:9

“Neukose Manetualain mesak-kana nde la'ban emi, ma neukose emi usi heni emi atam-mala, sila nde lamanako seluk emi. Metema, dede'ak ndia ana da'di soona, neukose emi bubuluk, mae Manetualain Fo Manakoasa, nadenu basa au so.”

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

ULANGAN 23:15

“Metema, ata esa nalai la'oela tuan-na, boema ana mai leo emi mai, fo noke nasulu aon-na soona, boso madenu falik-kana.