YESAYA 12:5 - Susula Malalaok Hehelu Palak Ma Hehelu Beuk

⁵ Makamee ba'eneu Manetualain, nana Ana tao manada'di beuk makadotok. Nemen-na fo daebafak-ka lala'en-na, lamanene la'eneu tatao-nono'in.

YESAYA 12:5 ပူးပေါင်းရင်းမြစ်များ

MAZMUR 105:2

Makamee koa-kio ba'eneu Manetualain, tui-benga basa tatao-nono'in fo dodoo doak-kana.

MAZMUR 72:19

Kokoa-kikiok ba'eneu na'den fo matua-madema losa dodoon-na; ela leo been-na, daebafak-ka lalaena, henuk no mandela-masa'an! Da'di leondiak leona. Amin! (Tete'ek-ka)

MAZMUR 98:1

Kokoa-kikiok. Makamee nakamee beuk ba'eneu Manetualain, nanahu tatao-nono'i matua-mademan! No koasa ma be'i-balakain mesak-kana, de Ana hapu sesengik so.

KELUARAN 15:1

Boema Musa no hataholi Israel-la lakamee nakameek-ka nde ia, soaneu ala koa-kio Manetualain nae, “Au nau akamee soaneu Manetualain, nana Ana sengi no namahoko-setelek so. Ana tapa basa ndala-la loo hataholi manasa'en-nala, leo tasi dale leu.

KELUARAN 15:21

Miryam nakamee soaneus nae, “Makamee ba'eneu Manetualain, Nana Ana sengi no malole nanseli. Ana tapa basa ndala-la loo hataholi manasa'ek-kala leo tasi dale leu.”

YESAYA 24:14

Hataholi maso'dak-kala, neukose lakamee no namahoko-seteleek. Hataholi manai muli-la, neukose ala tui-benga Manetualain matua-mademan,

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

YESAYA 42:11

Ela leo been-na, moo solokaek-ka, ma kotan-nala koa-kio Manetualain, malole lenak, Kedar laun-nala koa-kion leona! Ela leo been-na, kota Sela, laun-nala eeki-latadale ma laloo bou-bou leme letek-ka poin-na mai!

YESAYA 44:23

Hai lalai, mamahoko-setelee leona, hai dabafak-ka buin-na, mamahoko-setelee leona! Hai letek-kala lemin, mamahoko-setelee leona! Ma basa ai manai dalek-kala! Nana Manetualain natu'du basa matua-mademan nenik Ana soi-tefa-na anan Israel so.

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!