YESAYA 12:1 - Susula Malalaok Hehelu Palak Ma Hehelu Beuk

¹ Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

YESAYA 12:1 ပူးပေါင်းရင်းမြစ်များ

NEHEMIA 8:10

Besak ia, fali me'um-ma leona; mi'a-minu no namahokok. Fe emi nana'a-nininum ma emi angol-la seli leo hataholi manato'a-taak-ka. Faik ia, fai hehelik ba'eneu ita Manetualain-na, da'di boso dale he'di. Namahokok fo Manetualain fen neu emi-a, neukose natetea-nahehele emi.”

AYUB 11:16

nakalenak, o ta mafandele seluk o doidosom so'on; fo hataholi-a nafandele henin, sama leo faa le'e.

AYUB 13:16

Fafa'kama, hu kande au napalaning ndia, de au aso'da, nana, hataholi mangalauk-ka, neukose ta napalani, nasasalematak no Manetualain fa!

MAZMUR 30:5

Makamee nakamee kokoa-kikiok ba'eneu Manetualain, hai Manetualain anan fo manalilinekak-kala lemin, ma moke makasi neu Ndia Fo Malalao-malalafuk nanseli.

MAZMUR 71:21

Neukose O taom-ma au nanafe ha'da-holomata lena seluk ma O kokoe-nanasi au seluk.

MAZMUR 85:4

O ta mamanasas so'on; O hela falik, O nasa-melum matuainam-ma.

MAZMUR 86:17

Ou Manetualain, fe au O dale malolem-ma ta'du-tanan, fo ela hataholi manamakamuu-makadau au-a, ala mae, metema lita O tulu-fali, ma kokoe-nanasi au.

MAZMUR 9:1

Soaneu mauli-malanga nakameek-ka. Tunga Mut-Laben nakameen-na. Dauk kokoa-kikiok.

YESAYA 10:25

Nai fai keke'uanak esa mesan, Au nasa-melung neu emi-a nate'e, boema neukose Au tao amopo-amates.

YESAYA 10:4

Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.

YESAYA 11:16

Ba'eneu anan fo bei elak-kala, neukose hapu okofoo soaneu ala kalua leme Asyur mai, sama leo nai lelek Israel kalua neme Masir mai.

YESAYA 14:3

Neukose Manetualain soi-po'i hataholi Israel-la leme he'di-laus ma tuni-ndeni-na mai, ma ue-le'di mabelaina, fo lakasetis ala taon.

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 49:13

Hai lalai, makamee leona, hao daebafak, mamahoko-setelee leona, hai letek-kala, eki no mamahoko-seteleek leona! Nana Manetualain mai kokoe-nanasi anan-nala, Ana sue-lai anan fo nanatuni-ndenik-ka.

YESAYA 51:3

Yerusalem, neukose Au kokoe-nanasi o, ma basa manaleo manai o ai-batu mana tapasasalam-ma. Au tao o moo tokotim-mala, da'di osi, sama leo Eden, fo Au osing maoe-maising-nga. Nai ndia, neukose hataholi-a namahoko-setelee, ma noke makasi nenik nakameek-kala.

YESAYA 54:7

“Au la'oela o, dodoon-na, ka'da hatematak esa; Au ho'i falik o, no susue-lalaik matuaina.

YESAYA 54:8

Au heok asadea o, ka'da ba'ihanak mesan, nanahu Au nasa-melung lua ponu-ponu. Tehu Au sue-lai o, nenik susue-lalai manaketu basa taak-ka.” Manetualain, fo o Manasoi-manatefam-ma, nafa'da nae leondia.

YESAYA 54:9

“Au aheluk, sama leo nai Noh tepo lelen-na, ae faa tuak-ka, neukose ana ta luu-na daebafak-ka so'on, leondiak boe, besak ia, Au aheluk ae neukose, Au ta amanasa, do Au fe nasanene'da mahelek neu emi so'on.

YESAYA 60:10

Manetualain nafa'da Yerusalem nae, “Hataholi nusa dea-la, neukose lafofo'a falik o papala nanadamam-ma, ma mane-manek-kala, neukose lalalau-laoono o. Makahulun-na, Au huku o, nai Au nasa-melung dale, tehu besak ia, Au nau sue-lai o

YESAYA 61:10

Yerusalem nafa'da nae, “Au amahoko-setelee nanahu Manetualain, au daleng-nga namahoko, nanahu Manetualain. Sama leo manaka'bing touk-ka no inak-ka, ala pake lilo-henu mana'ahiik mesa-mesan, leondiak boe Manetualain fe au pake ba'du so'da-molek, ma ba'du sesengik-ka.

YESAYA 64:5

O soluk hataholi dale ndoos, fo naso'da tunga O hihii-nanaum. O mamanasa ami, tehu ami masala-masingo mahele, memak neme makahulun-na mai, ami masala.

YESAYA 65:18

Mamahoko-setelee, ma hika-matadale losa dodoon-na, nanahu hata fo, Au akadada'dik-kana. Au akadada'dik Yerusalem beuk, fo henuk no namahoko-seteleek-ka, ma laun-nala, hika-latadale.

YESAYA 66:13

Neukose Au kokoe-nanasi emi nai Yerusalem, sama leo inak esa, ana kokoe-nanasi anan-na.

YEREMIA 30:19

Ndia laun-nala neukose ala koa-kio Au nenik nakamek, ma ala eeki-latadale nenik namahokok. Au taon nana fe ha'da-holomata, te ta nananakadaek so'on, ma sila dede'un-nala boe tai lamaba'uk-ka.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

ZAKHARIA 1:16

Besak ia, Au fali leo Yerusalem u, fo Au fe do'o do ampon neu kota ndia. Neukose Au Umang-nga nananafofo'a falik, ma neukose kota Yerusalem-ma, nanatao nahiik seluk.”

ZAKHARIA 14:20

Nai faik ndia, kileik-kileik manai ndala-la bua papaken-na, neukose nanadoki-dulak nenik dede'ak-ka nae, “Nanafe hehelik soaneu Manetualain.” Kete-kete manai Manetualain Uman-na, neukose nanafe ha'da-holomata, sama leo mango-mango manai mei tunu-hotuk-ka matan-na.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

ZAKHARIA 8:11

Tehu besak ia, Au ha'da-tataong soaneu leoina ia hataholin bei maso'dan-nala, ta sama leo makahulun-na so'on.

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

ROMA 11:15

Hu ka nde Manetualain ta sipo kasa fa, de daebafa ka tututi-nanaton lo Manetualai na malole falik. Lena-lenak metema Manetualain sipo kasa! Tao leo bee o, dede'ak ndia sama na leo hataholi manamate kala laso'da falik!