YESAYA 11:4 - Susula Malalaok Hehelu Palak Ma Hehelu Beuk

⁴ Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 11:4 ပူးပေါင်းရင်းမြစ်များ

2 SEMUEL 8:15

Enon-na leondiak, Dauk paleta basa Israel-lala'en-na, ma nanea, fo ela ana tao laun-na no matetun-na, ma no malole.

AYUB 15:30

Neukose, ta nala makiu-makahatuk-ka deak fa; neukose ha'i na'a heni buku beun-nala. Neukose, mopok-kana, hu kande Manetualain ani hahaen-na.

AYUB 4:9

Nono'kabai, ani-sangu-a, leondiak boe Manetualain nasa-melun, tao namopo-namates, losa mopos!

MAZMUR 110:2

Neme Sion mai, neukose Manetualain tao namaloa o nusam-ma; koasa o musum-mala leona!

MAZMUR 18:8

Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

MAZMUR 2:9

Neukose o helu la'dis nenik aitete'e besi ma o tao ba'en, sama leo uledae-a.’ ”

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 13:11

Manetualain nafa'da nae, “Neukose, Au huku daebafak-ka nanahu tatao-nono'i mangalaun-na, ma hataholi tatao-nono'i mangauk-kala nanahu sala-singon-nala. Neukose, Au akadadaek basa hataholi manakoao-ndaeaok-kala, ma neukose Au huku hataholi fo namatutua-namadedema aoinan-na, ma hataholi fo ha'da hataholi taak-ka.

YESAYA 14:30

Neukose la'a-ndoes matuaina, la'e emi, ma bei ela hataholi-la, neukose nanatao nisak. Nasafalin-na, Manetualain anan fo, nuu taa-hata taak nanseli, neukose ana hapu nana'a-nininuk, ma hataholi tapandoes-sa, neukose naso'da no nee-nee lino-linok, ma so'da-molek.

YESAYA 16:5

Basa soona, hataholi esa neme Dauk tititi-nonosin mai, neukose ana da'di manek, ma neukose ana paleta leoinan no susue-lalaik ma lilinekak. Neukose napadedeik natetu ndoos ma matetuk-ka, ma no lai-laik, ana tao hata fo ndoos-sa.)

YESAYA 2:4

Neukose naketu-nala'di nai leoina-la tala'da, ma naketu dede'ak nai leo-leo ma leoina-la tala'da. Neukose tafaina nanatutuk da'di tata'tis, ma tee-a taon da'di dope keke'di na'u. Leoina-la, esa ta sapu-na esa so'on, boeo ta laheheleao sanga latee-lata'ti fa.

YESAYA 26:6

Hataholi nuu taa-hata taak-ka, ma hataholi mana doidosok-ka, neukose ala heheta-aa'in.”

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 3:14

Manetualain ho'i nakeketuk da'di leo manakee-manafula soaneu basa manamauli-malanga anan-nala. Manetualain kalaan soaneu sila nde ia: “Emi nde mamanako osi angol-la buna-boan-nala; emi umam-ma henuk no bua-lo'as fo emi kalo menis neme hataholi nuu-taa hata-taak-kala mai.

YESAYA 30:28

Ana nadenu anin-na mai nakahuluk-kana, sama leo faa losa botoliik, de neni basa hata lala'en-na. Ana tao namate-namopo leoinak-kala, ma Ana taon-na hataholi mangalauk-ka, dale tutu'un-na ta da'di fa.

YESAYA 30:31

Hataholi Asyur-rala, neukose lakalupu, metema lamanene Manetualain halan-na, ma lame'da lita, huhuku mabelainan-na.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 32:1

Mete leona, te neukose fain-na losa, manek esa, ana paleta no ndoos ma matetuk, ma leoina mauli-malangan-nala, lakalala'ok ndoos ma matetuk-ka.

YESAYA 32:7

Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESAYA 40:7

Na'u-a namatuu, ma bunga ana male, metema Manetualain fuu ani mato'bik-ka neun. Tete'ek-ka, leoina ndia, sama leo na'u-a.

YESAYA 49:2

Ana taon-na, au dede'a-kokolang tanen-na, sama leo tafaina tanen-na nenik liman-na mesak-kana Ana nasulu-nahapa au. Ana taon-na au da'di, sama leo kokouisi matane, de Ana pe'dan nai mamana pepe'da kokouisik dale.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YESAYA 9:7

Manetualain naketu basa nusa Israel-la, huhukun-na so.

YEREMIA 33:15

Neu faik ndia te, Au hele hataholi esa fo ndos ma matetuk neme Dauk tititi-nonosin neukose ana da'di manek. Manek ndia neukose ana tao hata fo ndos ma matetuk ma tete'ek-ka nai basa nusak-ka lala'en-na.

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

HOSEA 6:5

Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

MALEAKHI 4:6

Neukose ana tao-na amak-kala ma anak-kala dalek esa, fo ela Au boso mai tao amopo-amate emi nusam-ma.”

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

MATEOS 5:5

Maua-manalek neu hataholi fo mana makaloe-makadae ao ka; nanahu neukose Manetualain tao natetu hala hehelu na, neu hataholi sila la!

HATAHOLI 9:1

Ndia te Saulus hii ka'da nakabibiik nakandoo ma ana taonisa hataholi mana tunga Lamatuak Yesus ala. Neu leo imam matua ina neu,

2 KORINTUS 10:1

Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

GALATIA 5:23

lanuu dale nakaloe-nakadaek, ma ala paleta labe'i ao ina nala tataas esa. Ta hapu agama esa boen, fo hoholo-lalanen ana kena-ka'i dede'ak leo sila kala fa.

2 TESALONIKA 2:8

besa ka Hataholi Mangalauk ndia nananitak. Tehu metema Lamatuak Yesus mai soona, Ana taonisa Hataholi Mangalauk ndia, ninik ani hahae na. Ma neukose nanatao nakalulutuk ninik Lamatua ka mamai mandela-masa'a na.

TITUS 3:2

Mafa'das fo ala boso tao langgenggeo hataholi na'den, do lasipo bafak lo su'di see a, te ela leo been-na, ala tao malole neu basa hataholi lala'ena.

YAKOBIS 3:13

Metema nai emi dalek, hapu hataholi manatee tenok ma hataholi malelak soona, ela leo bee na natu'dun ninik so'da malole na ninik, ana tao-no'i tatao-nono'i malole sama-sama no dale nakaloloe-nakadae ka, ma manatee teno ka.

NINITAK 1:16

Lima kona ho'u nduuk hitu, ma tafaina matane kaduak esa kalua neme bafa na mai. Mata panan nahaa sama leo le'do nai le'dohana nees.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

NINITAK 19:15

Tafaina matane esa kalua neme bafa na mai, ma ninik tafaina ndia de neukose Ana sengi leoina la ma neukose Ana paletas ninik ai tete'e besi. Ana ka'bi ango la nai Manetualain Fo Mana Koasa kaka'bi angol nasa-melu na dalek.

NINITAK 2:16

Hu ndia de, tukatei-saledale meme emi sala-singo mala mai leona! Metema ta soona, ba'ihanak seluk fa bai te neukose Au mai neu emi, soaneu Au atati o hataholi sila la ninik tafaina manai Au bafa nga.