YESAYA 11:16 - Susula Malalaok Hehelu Palak Ma Hehelu Beuk

¹⁶ Ba'eneu anan fo bei elak-kala, neukose hapu okofoo soaneu ala kalua leme Asyur mai, sama leo nai lelek Israel kalua neme Masir mai.

YESAYA 11:16 ပူးပေါင်းရင်းမြစ်များ

KELUARAN 14:22

Oe-a ba'eneu dua, de nai lelek hataholi Israel-la lena tasi-a, ala la'ok nai dae ma'dak lain, de oe manai boboa kii-konan, nalupa leo papala nanadamak-ka.

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 10:20

Neukose fain-na losa, fo bei ela leoina Israel-la hataholin maso'dak-kala, ala ta lamahena seluk neu leoina manakoasa, fo isabain-na ana tao namopo-namate sila, tehu lamahena neu Manetualain fo Israel Manetualain malalao-malalafun-na.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 19:23

Nai lelek ndia, neukose hapu okofoo nai Masir ma Asyur tala'da. Fo nusa ka duak-sila laun-nala, neukose leu-mai tunga enok ndia, fo ala sene-do'ok sama-sama.

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

YESAYA 49:11

Neukose Au tao enok, tunga letelepak-ka, neukose, Au tao atetetu Au akofoong-nga.

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 51:10

O nde tao mama'da tasi-a, tasi maloaina, oe mademainan-na. O tao enok, tunga tasi ndia, fo ela hataholi nanasoi-po'ik-kala, hapu lena leo selik leu.

YESAYA 57:14

Nggelok lafa'da lae, “Tao, ma sadia enok ba'eneu Au anang-ngala, soliheok basa mana mapanggenggek lala'en-na.”

YESAYA 62:10

Laun Yerusalem-ma, ala kalua tunga lelesuina, fo sadia enok, ba'eneu hataholi manafalik-kala. Tao okofoo, fo soliheni batun-nala, falak dedeo-la leu, soaneu leoinak-kala.

ZEFANYA 2:7

Neukose Yehuda laun fo laladeak-ka, langatuu-la o nusam ndia. Neukose, ala foo bana-manun-nala nai mamanak ndia, ma nai fai le'odaen-na, neukose ala sungu lai hataholi Askelon-na uman-nala. Nana, neukose Manetualain, fo sila Manetualain-na, nasulu-nahapa seluk-kasa, ma Ana fes lamasu'i-lakabete seluk.