YESAYA 11:11 - Susula Malalaok Hehelu Palak Ma Hehelu Beuk

¹¹ Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 11:11 ပူးပေါင်းရင်းမြစ်များ

KEJADIAN 10:10

Nai makasososan-na, Nimrod nusan-na neni Babel, Erekh, ma Akad, fo telus lai Babilonia.

KEJADIAN 10:22

Sem anan-nala nde Elam, Asyur, Arpakhsad, Lud ma Aram.

KEJADIAN 11:2

Lelek, laleu-lalaak leo daebafak-ka boboan dulu leu boema, ala losa masadokek esa nai Babilonia, boema ala leo lahele leme ndia leona.

KEJADIAN 14:1

Manek haa, fo nde: Amrafel neme Babilonia mai, Ariokh neme Elasar mai, Kedorlaomer neme mai Elan, ma Tideal leme Goyim mai,

KEJADIAN 2:13

Lee ka dua, na'de Gihon; oen-na faa okofefeok dae Kus-sa.

2RAJA-RAJA 17:24

Fo mananggati hataholi Israel, fo nanafoo basak leo mamana ookak-ka neu ndia, de mane Asyur-ra fe hataholi leo nai kota-kota manai Samaria, de ana ho'i hataholi neme Babel, Kuta, Awa, Hamat, ma Sefarwaim. Hataholi sila, langatuu-la kota sila-la, de ala leo lahele leme ndia.

ESTER 10:1

Mane Ahasyweros-sa, nakaseti laun-na tao bela nusak, de ta la'e ka'da laun manai tasi su'uk fo nai nusan-na fa, te laun manai letek-kala boe.

MAZMUR 68:22

Tao leo bee-o, neukose Manetualain tao nakalulutuk musun-na, langan-na, ma hataholi fo, naso'da nakandoo nai sala-singok-ka dalek.

YESAYA 1:9

Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 10:20

Neukose fain-na losa, fo bei ela leoina Israel-la hataholin maso'dak-kala, ala ta lamahena seluk neu leoina manakoasa, fo isabain-na ana tao namopo-namate sila, tehu lamahena neu Manetualain fo Israel Manetualain malalao-malalafun-na.

YESAYA 10:9

Au loso-a kota Kalno, ma kota Karkemis, kota Hamat ma kota Arpad-ta. Au loso-a kota Samaria, ma kota Damsyik-ka boe.

YESAYA 11:16

Ba'eneu anan fo bei elak-kala, neukose hapu okofoo soaneu ala kalua leme Asyur mai, sama leo nai lelek Israel kalua neme Masir mai.

YESAYA 19:21

Neukose Manetualain natu'du aoinan-na neu leoina Masir-ra, fo neukose lalelak-kana, fo ala sene-do'ok neun, boema leni fen tutunu-hohotuk ma tunu-hotuk. Neukose ala tao hehelu-balataak loon, nenik sosoo-susupak, soaneu ala tao latetun.

YESAYA 19:22

Neukose Manetualain nanoli leoina Masir-ra nenik fefepa-lili'uk, tehu basa soona, neukose Ana tao nalea-nahais. Neukose ala fali ma'is leo Manetualain mai, ma neukose Ana namanene huhule-haladoin-nala, boema Ana fes lelea-hahaik.

YESAYA 21:2

Au hapu ninitak la'eneu manada'dik-kala leni bibii-namata'uk; la'eneu nalelesik ma mamate-momopok. Tutulumatak, solda'du Elam-mala lemin, fo sapu leona! Hai solda'du Madai-la lemin, makahapi-man leona! Neukose Manetualain tao nate'e basa Babel tao doidosok-kala.

YESAYA 22:6

Hataholi Siria-la, ala mai loo ndala ma kaleta musu, hataholi Elam-ma, ala ho'u kokouk ma kokouisik, hataholi Kir-rala, sadia babaa fanan-nala.

YESAYA 24:15

ma hataholi manai dulu-la, neukose ala koa-kio Manetualain. Laun manai tasi su'uk-ka, neukose namatutua-namadedema Israel Aman Manetualain.

YESAYA 37:31

Hataholi Yehuda bei maso'dak-kala, neukose so'dan-nala tetu-temak, sama leo bubu'u-palusa fo okan-na tola losa demak-ka de ana fe buna-boak.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

YESAYA 42:12

Malole lenak, ala lamatutua-lamadedema Manetualain, ma taom-ma na'den-na nananita-nalelak, nai nusa dook-kala.

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 45:14

Manetualain nafa'da Israel nae, “O soa Masir dae-oen buna-boan, ma Sudan nanalan-na. O soa hataholi Syeba fo, mata makeek-kala; ala la'ok lai o deam-ma, no nanalangek. Neukose ala sene-do'ok ma ala manaku lae, ‘te'e-te'e Manetualain nai o tala'da; ta hapu lamatua daebafak fe'ek fa, ka'da Ndia mesak-kana!

YESAYA 49:12

Au anang-ngala, mai beosu leme dook-ka mai, leme kii, muli ma Sinim fo nai kona.”

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YEREMIA 31:10

Manetualain nafa'da n, “Mamanene leona hai leoina-la lemin! Manduku-malosak Au hala-haituang-nga lo tasi selik neu: neu Au anang-ngala fo Au tao tapasalak-kala neukose Au tao akabubuas ma Au akaboboi matalololes sama leo manafoo-a nanea bi'ilopon.

YEREMIA 44:1

Manetualain kokolak neu au la'eneu basa hataholi Israel fo manale'ok manai Masir-ra, fo nde manai kota Migdol, Tahpanhes, Memfis, ma nggolo-ta'duk manai kona-la.

YEREMIA 49:23

Manetualain nafa'da nae leo ia neu Damsyik. “Laun manai kota Hamat ma Arpad-tala bii lanseli hu ka nde lamanene hala mangalauk. Dalen-nala he'dis ma nalena langa pikok sama leo lii nai tasi lain.

YESKIAL 27:6

O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

YESKIAL 29:14

Neukose Au o falik emi, fo Au adenu emi meu leo nai Masir boboan kona, fo emi dae fua-funi ndalu-sitam-ma. Neukose, emi da'di nusa anak esa nai naa,

YESKIAL 30:14

Neukose Au tao Masir kona, da'di nusa louk, ma neukose Au hotuheni kota Soan-na, fo nai kii. Neukose Au hotuheni Tebe, fo kotaina ndia,

YESKIAL 32:24

Elam maten de latoi nai naa, de solda'dun-nala laten-na okofefeo-lan. Sila basa-basas mate lai natee-natatik-ka dale, tehu nanasunat bei tak-kala, boema ala kona leo hataholi manamatek-kala, mamanan-na leu. Lelek bei laso'da, leni bibii-namata'uk, tehu besak ia, mates so, de muse ala lu'a-lepa mamaek-ka, sama-sama loo hataholi manamatek manai natee-natatik dale-la.

YESKIAL 38:8

Bei teuk de'ubee seluk bai soona, neukose Au paletan fo, neu sapu-na nusak esa no laun fo, nanatao nakabubua falik leme leoina makadotok tala'da mai, fo basa boema, ala leo lai nusak ndia, no nee-nee lino-linok. Neukose Gog nangatuu-na Israel leten-nala, fo nee-nee lino-linok dook-ka so, ma henuk no ai batu manatapasasalak-kala, tehu besak ia, laun fo bei maso'dak-kala, ala leon no nee-nee lino-linok.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

DANIAL 11:18

Basa ndia boema, neukose neu sapu-na leoina manai tasi su'uk-kala, de ana sengi ba'uk-ka. Tehu mauli-malanga nusa fe'ek esa, neukose ana tao nakamate nakamumulu-nakamamaek fo ana taon ndia, nakalenak neukose ana balas-sana nenik nakamumulu-nakamamaek ndia seluk.

DANIAL 8:2

Nai ninitak ndia dalek, au ita au nai propensi Elam, nai Sudan fo nusa Persia polon-na. Au apadeik deka Lee Ulai

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

HOSEA 11:11

Neukose, ala mai no lai-laik, sama leo manupui-a neme Masir mai, ma leme Asyur mai, sama leo manupui kalua bubuak-kala. Boema, neukose Au o falik-kasa, leo sila uman na leu. Au, fo Manetualain, nde manakokolak-ka.”

MIKHA 7:12

Emi hataholim-mala, neukose ala fali ma'is leme su'di bee-bee mai emi – leme Asyur fo nai boboak dulu, leme Masir fo nai boboak kona, leme nusak manai Lee Efrat-ta, leme tasi maloaina selik mai, ma leme lete-letek manai dae dook-kala mai.

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

ZAKHARIA 5:11

Boema, nataa nae, “Lenin leo Babel neu, fo ala sanga tao fen uma sosongok nai naa. Metema ala tao basa uma sosongok ndia soona, neukose ala pe'da sapai ndia neu ndia, fo ala sene-do'ok-kana.”

ZAKHARIA 8:7

Neukose Au soi-tefa ala, Au anang-ngala leme nusa-nusak fo mamanak, ala foo lenis-sala,

ZAKHARIA 9:2

Hamat fo nakatoo no Hadrakh boeo, Ndia nuun leondiak boe, kota-kota Tirus ma Sidon, no basa laun malelainan-nala lala'en-na.

ROMA 11:15

Hu ka nde Manetualain ta sipo kasa fa, de daebafa ka tututi-nanaton lo Manetualai na malole falik. Lena-lenak metema Manetualain sipo kasa! Tao leo bee o, dede'ak ndia sama na leo hataholi manamate kala laso'da falik!

ROMA 11:26

No enok ndia, basa hataholi Yahudi la neukose laso'da. Nana nai Susula Malalaok dale nanasulak nae leo ia, “Neukose, mane Manasoi-Tefa ka, Ana mai neme Sion mai; Neukose Ana kokaheni basa Yakob tititi-nonosin sala-singo nala.

2 KORINTUS 3:16

Tehu metema hataholi esa ana mai nasasalematak no Manetualain mai soona, tema bibia ni'is ndia nanabukak neme hataholi ndia mata-panan mai.

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”