YESAYA 11:10 - Susula Malalaok Hehelu Palak Ma Hehelu Beuk

¹⁰ Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

YESAYA 11:10 ပူးပေါင်းရင်းမြစ်များ

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

1 TAWARIKH 2:12

Obed Isai.

MAZMUR 116:7

Au daleng-nga tesa-tama, nana Manetualain malole neu au.

MAZMUR 145:11

Neukose, ala lamatutua-lamadedema O koasam-ma, da'di leo Manek, ma ala tui O palanim-ma,

MAZMUR 149:5

Nemen-na fo, Manetualain anan-nala lamahoko, nanahu mandela-masa'an-na, ma lakamee no namahokok, le'odae katemak esa dalen-na.

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

MAZMUR 91:4

Neukose Ana nalu'e-na o nenik li'dan-na, nalosa o nee-nee lino-lino nai nasulu-nahapan dale; lilinekan sama leo babaa fanak, fo nasulu-nahapa o.

YESAYA 11:1

Mane Dauk-ka, tititi-nonosin sama leo ai nanalo'o henik-ka so. Tehu sama leo ai nanalo'o henik ndia huun-na nape'du beu, leondiak boe, neukose manek esa ana to'da mai neme Dauk tititi-nonosin mai.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

YESAYA 14:3

Neukose Manetualain soi-po'i hataholi Israel-la leme he'di-laus ma tuni-ndeni-na mai, ma ue-le'di mabelaina, fo lakasetis ala taon.

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 2:2

Nai fai-fai manamaik-ka pupukuk fo Manetualain Uma mamanan-na tapasosola namadema ma napadeik natetu nai letek-kala ma pupukuk-kala lain. Leoina lala'en-na, beenongo leo naa leu,

YESAYA 2:3

basa-basas lafa'da lae, “Mai fo, ata kae leo Manetualain Pupukun lain teu, leo Israel Manetualain Uman-na teu. Neukose nanoli ita hata fo ita muse taon. Neukose ita tunga enon-na, nana Manetualain nanolin-na, ana mai neme Yerusalem mai, Ana kokolak neme Sion mai.”

YESAYA 28:12

Manetualain fe emi basa-basam-mala, mamana hahaeaok, tehu emi ta nau mamanene fan.

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 49:22

Manetualain Fo Mademaina, nafa'da anan-nala nae, “Neukose Au fe leoinak-kala, ta'du-tana, fo neukose, ala fe falik o anam-mala; neukose ala ko'ok o anatoum-mala, ma o anainam-mala, nananasaak, nai aluk lain.

YESAYA 59:19

Neukose basa hataholi-la, leme dulu losa muli, ala bii-lamata'u neu koasa ma matua-mademan. Neukose, Ana mai sama leo lee, fo oen-na naneni, fo Manetualain ani hahaen-na, nde taon-nan naneni ndia.

YESAYA 60:3

Leoina-kala, ala faa beosu, mai leo o mangale'dom-ma mai, masa'ak fo ana tii nai o lain-na, ana taon-na manek-kala, dalen-nala lahiik-kana

YESAYA 60:5

O mete-mita ndia boema, o dodoo doak-kana ma o mata-panam napena; o nggenge ma o dalem-ma namatua. Leoina-kala, leni hata-heton leo o mai, o hapu su'i-betes manasasi kao-kaok-ka, neme tasi selik mai.

YESAYA 62:10

Laun Yerusalem-ma, ala kalua tunga lelesuina, fo sadia enok, ba'eneu hataholi manafalik-kala. Tao okofoo, fo soliheni batun-nala, falak dedeo-la leu, soaneu leoinak-kala.

YESAYA 66:19

Neukose Au pe'da ta'du esa neu sila tala'da heon. Neukose Au soi-tefa-ala sila lumanak, nai sila dalek. Neukose Au adenus leu leo leoina manai nusa dook, fo beita lamanene lita, la'eneu Au, ma lita Au matua-mademang ma Au koasang-nga: leo Spanyol, Libia, ma Lidia no manakou malelan-nala leo Tubal ma Yunani leu. Neukose ala tui-benga Au matua-mademang nai leoina sila-la tala'da.

YEREMIA 6:16

Manetualain nafa'da anan-nala nae, “Mapadeik meu eno kaba'ek-kala, fo taoafik matalolole! Matane eno-enok makahulun eli-la, fo enok sila-la, beek-ka nde malole. Soona tunga enok ndia leona, fo ela emi maso'da no nee-nee lino-linok.” Tehu lafa'da lae, “Ta, ami ta nau tunga enok ndia fa!”

HAGAI 2:9

Neukose Au Uma beung-nga lole-napun, lena heni makahulun-na, fo nai mamanak ia nde, neukose Au fe mole-dame ma su'i-betes neu Au leoina nga.” Manetualain Fo Manakoasa nde manakokolak-ka.

ZAKHARIA 6:13

Neukose, ndia nde nafofo'a falik Au Umang-nga ma ana sipo ha'da-holomata, sama leo manek esa, de neukose ana paleta laun-na. Neukose imam esa non, fo lalau-laoono leuesa no mole-dame.’

BILANGAN 10:33

Leoina Israel-la la'oela basa Sinai, fo Manetualain lete leleon-na boema, ala la'ok faik telu dalen-na. Leni Manetualain Peti Hehelu-balataan, fo nakahuluk sila tataas esa, soaneu ana sanga fes mamana ofu.

MATEOS 12:21

Neukose basa leoina lala'ena, tao namahehena nala neun.”

MATEOS 8:11

Tete'e ka! Neukose hataholi ba'u ka ala mai leme dulu ma muli mai, fo lamahoko sama-sama lo Abraham, Isak ma Yakob nai Manetualain Daebafa Beun dale.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YOHANIS 12:32

Tehu Au ia, metema Au nananamatutua-namadedema basak nai daebafa ka soona, neukose Au hela uni basa hataholi la leo Au mai.”

HATAHOLI 11:18

Lamanene Petrus kokolan dede'ak ndia boema ta lase'i so'on. Boema ala koa-kio Manetualain leona. Lafa'da lae, “Metema leondiak soona, hataholi ta Yahudi la boeo, Manetualain fes fai loak soaneu ala tukatei-saledale leme sala-singo nala mai, ma ala hapu lame'da lita so'da matetu ka!”

HATAHOLI 28:28

Mate'e na boema Paulus nafa'das nae, “Tolanoo kala muse bubuluk te, besak ia halak la'eneu maso'dak maneme Manetualain mai a, nanatui-benga basak neu leoina fe'ek fo hataholi ta Yahudi la, de ala tungan so!”

IBRANI 4:1

Naa, Manetualain hala-hehelu na bei paken, de neukose ita nanafe mamana hahae aok fo Ana helu ka. Da'di ela leo bee na ita tanea, fo ela boso hapu hataholi esa boen nai emi dalek, ana ta hapu masok leo mamana hahae aok fo nanahelu basak ndia dalek neu fa.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

NINITAK 22:16

“Au, Yesus, haitua basa Au ata nusa so'da nga le'i, fo ela lafa'da dede'ak ia la soaneu salani kala paluu na. Au ia Dauk tititi-nonosin. Au nde nduu timu fo mangale'dok ndia.”

NINITAK 5:5

Boema hataholi esa neme lasi-lasik sila la nafa'da au nae, “Boso kii! Mitak, Singa maneme leoina Yehuda fo Dauk tititi-nonosi matuaina na, ana sengi so! Ana sii nabe'i segel kahituk sila la de Ana buka susulak ndia.”