YESAYA 10:8 - Susula Malalaok Hehelu Palak Ma Hehelu Beuk

⁸ Namatutua-namadedema aoinan-na nae, “Au malanga solda'du manai laing-ngala, manek mesan-mesan!

YESAYA 10:8 ပူးပေါင်းရင်းမြစ်များ

2RAJA-RAJA 18:24

Soaneu la'ban ami malanga solda'du manai daeanak-kala boeo, emi ta bisa sengi fas. Tehu, emi mamahena Masir tulu-fali emi, nenik ana haitua fe emi kaleta musu ma solda'du manasa'e ndala boe!

2RAJA-RAJA 19:10

Susulak ndia liin-na nae leo ia, “Boso nalosak, o Manetualaim, fo o mamahenak ndia, hehelu-balataan ke'di-ndiu nala o, nae neukose, o ta tu'da leo au limang dale mai fa.

AYUB 24:23

Manetualain fen naso'da no mole-dame, tehu Ana ta hahae nanea fan.

YESAYA 10:7

Tehu mane Asyur-ra, nanuu dale tutu'u mesan. Naketu basa nai dalen dale soaneu ana pake balakaik fo ana tao namopo-namate leoina makadotok.

YESAYA 10:9

Au loso-a kota Kalno, ma kota Karkemis, kota Hamat ma kota Arpad-ta. Au loso-a kota Samaria, ma kota Damsyik-ka boe.

YESAYA 36:8

Besak ia, no mane Asyur-ra na'den-na, au apalani ape'dak, ae metema fe emi ndala lifun dua soona, tao leo bee-o emi hataholim-mala, ta de'u basa ndia, fo ala sa'e basa ndala sila-la fa.

YEREMIA 9:23

Manetualain nafa'da nae, “Hataholi manatee-tenok-ka, ta bole namatutua-namadedema aoinan-na fa, hu kande manatee-tenon-na, hataholi mabe'i-balakaik-ka, hu kande be'i-balakain-na, ma hataholi kamasu'i-makabetek-ka, hu kande su'i-beten-na.

YESKIAL 26:7

Manetualain Fo Mademaina, nafa'da nae, “Hai Tirus, neukose Au o Mane Nebukadnezar-ra neme Babel mai, fo ana sapu-na o. Manek fo be'i-balakain ba'un-na seli ndia, neukose ana mai neme kii mai, fo no solda'du bubuaina esa loo ndala makadotok, ma kaleta musu-la, boema solda'du manasa'e ndala-la.

YESKIAL 31:5

Hu ndia de ana moli, boema dema lena heni basa ai manai mook-ka lala'en-na; ndanan-nala boetai lamaba'uk-ka, ba'en-nala lamanalu, nanahu oe makadotok faa leo huun-na neu.

DANIAL 2:37

Ama Manek fo mandela-masa'ak-ka nde been-na, manek neme basa manek lala'en-na mai. Ama Manek nde manakoasa matuaina. Manetualain manai nusa so'dak-ka fe basa Ama Manek nusak ia, koasa, be'i-balakaik ma matua-madema so.

HOSEA 8:10

Leomae leondiak boe, neukose Au tao akabubuas, fo Au hukus. Ta dook-ka so'on te, metema mane Asyur-ra tuni-ndenis soona, lahoo he'dis.