YESAYA 10:6 - Susula Malalaok Hehelu Palak Ma Hehelu Beuk

⁶ Au haitua Asyur ne'i fo ana sapu-na Au leoinang fo manafali deak-kala, ma manatao-na Au amanasa. Au adenu Asyur ne'i fo, ana bonga uma boema namanako, ma ana heheta-aa'i Au leoinang-nga sama leo afu manai enok lain-na.”

YESAYA 10:6 ပူးပေါင်းရင်းမြစ်များ

2 SEMUEL 22:43

Au tao alas beesopu, sama leo dae sopu manalapuk-ka, au sasapus, sama leo tane nai enok lain.

2RAJA-RAJA 18:25

Emi maedaenga, ami sapu-ma emi, de ami sengi emi nusam-ma, ta no Manetualain tutulu-fafalin fa do? Manetualain nde nadenu ami sapu, ma ami tao makalulutuk mamanak ia!”

YESAYA 19:17

Dae Yehuda, neukose da'di nakalupuk ba'eneu hataholi Masir-ra, nai lelek hataholi fes nasanene'dak neu Manetualain Fo Manakoasa, nakeketun la'eneus-sala.

YESAYA 22:5

Memak, Manetualain Fo Mademaina, ma Manakoasa, naketu basa faik ia, da'di leo fai sese'do-babalik, fai nakalupuk, ma fai tasi'bu nai Bafak Ninitak-ka. Kota papala nanadaman-nala, nanatao natu'uk so. Ngganggasik fo manoke tutulu-fafalik-ka, nadodolo nai pupukuk-kala lain.

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 32:6

Hataholi nggoak-ka, ana kokolak dede'a nggoak, ma ana tutu'u eno mangalauk. Ana tao su'di beek-ka, do nafa'da su'di beek-ka, nalupa nakamumulu-nakamamaek neu Manetualain. Ana beita fe nita nana'ak neu hataholi kamala'ak-ka, do neninuk neu hataholi manamaa ma'dak-ka.

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YESAYA 41:25

Au adenu basa hataholi esa neme dulu mai so: Au aloon, fo ana sapu neme kii mai. Neukose, ana heheta-aa'i basa manakoasa-la, sama leo tane-a, sama leo manatao ulek-ka, heheta-aa'i dae ulek-ka.

YESAYA 49:17

Hataholi manalafofo'a o-a, ala mai no lai-laik, ma manatao lakalulutuk o-a, neukose ala la'o.

YESAYA 49:25

Manetualain nataa nae, “Neukose, ndia nde da'di. Basa palani tatibatu-la, hataholi nanafoon-nala, neukose nanaloso falik. Hataholi fo, ana tao no ta pake ha'da hataholik-ka, bua-lo'a kakalon-nala, neukose hataholi loso-na seluk-kana. Nana Au nde, la'ban o musum-ma; neukose, Au soi-tefa o anam-mala.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 5:29

Basa solda'dun-nala langao sama leo singa fo besak-ka ana kaa nana'an-na fo nalai, de ta hapu hataholi bisa finga-na falik-kana fa.

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YESAYA 63:3

“Au mesang-nga, masok leo mamana popo'de angol-la u, nai Au anang-ngala dalek, ta hapu manatulu-fali Au fa. Au heheta-aa'i leoinak-kala, nai Au nasa-melung dale, sama leo heheta-aa'i angol boak-ka Daan-nala lasapula mai de, nakadoe Au ba'dung-nga, ana tao nanggenggeo, Au ba'dung-nga lala'en-na.

YESAYA 63:6

Nai Au nasa-melung manalua ponu-ponung-nga dalek, Au heheta-aa'i leoinak-kala; Au tao amopo-amates, de Au po'a heni daan-nala leo dae lain neu.”

YESAYA 7:17

Neukose Manetualain fe mane Asyur-ra mai, fo o ma basa o teidalem-mala, boema o laum-mala, neukose lame'da lita fai-faik fo henuk no hahae makase'ek fo lena henin, neme hata fo emi mame'da hain, ndek lelek heaba'e nusa Israel-la ma nusa Yehuda.

YESAYA 8:4

Nana ni'iana ndia beita kokolak nalelak ‘Ama’ ma Ina fa, te basa Damsyik su'i-beten lala'ena, ma basa bua kakalok Samaria-la, neukose nanaso'uk leo mane Asyur-ra neu.”

YESAYA 8:8

Neukose ala sa'e-la Yehuda, sama leo faa fo dedeman-na losa botolik, de ana lifu-na basa hata lala'ena.” Manetualain no ita! Nakapepela li'dan-na, fo nasulu-nahapa ita nusan-na.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YESAYA 9:19

Nai nusak ndia lala'en-na, hataholi-la laseti-lalaka nana'a-nininuk, ma la'a su'di beek fo bisa la'an, tehu ta lakabete fa. Nakalenak, la'a seluk nonoon-nala!

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YESKIAL 29:20

Au fe dae Masir-ra leo Mane Nebukadnezar-ra neu, da'di leo baba'ek esa neu tatao-nono'i malolen-nala, nana solda'dun-nala, ala tao-no'i soaneu Au. Au, Manetualain Fo Mademaina, nde manakokolak-ka.

YESKIAL 38:12

Neukose o mamanako, ma o kalo meni laun manaleo nai kota fo, makahulun-na ana da'di ai batu manatapasasalak ndia, hata-heton-nala. Laun fo, nanatao nakabubuak leme leoina mata-matak-kala mai, besak ia hata-heton ma bana-manun-nala makadotok, boema ala leo lai daebafak-ka polon-na.

YESKIAL 38:13

Syeba ma Dedan laun-nala, boema basa manadangan manai nusa Spanyol-la kotan-nala, neukose latane o lae leo ia, ‘Ade o mai mo basa o solda'dum-mala mai, ka'da soaneu ala kalo ma lamanako lilopilas, lilofulak, bana-manu ma hata-heto, boema soaneu kalo meni basa sila-la do?’ ”

MIKHA 7:10

Makahulun-na musu-a nakadadaek ita nenik nafa'da nae, “Manetualain, fo emi Manetualaim ndia nai bee?” Tehu besak ia, neukose lita hata fo Manetualain taon ba'eneu ita, fo neukose ala mae. Neukose ita tita matan, ita musun sila-la kala, ma nanaheheta-aa'ik sama leo tane nai enok lain.

HABAKUK 1:12

Manetualain, O nde been-na Manetualain neme makahulun eli mai. O nde been-na au Manetualaing fo malalao-malalafuk, ma manaketu basa tak. Manetualain fo au Manetualaing ma au manamasulu-mahapang; O hele leoina Babel ndia, de O fen be'i-balakaik fo ana huku ami.

ZAKHARIA 10:5

Neukose laun Yehuda-la, ala sengi, sama leo palani ta'tibatu-la, ala heheta-aa'i musu-a, sama leo tane-a nai enok lain. Neukose, lata'ti lakandoo, hu kande Au, Manetualain tulu-falis, ma solda'du musu manasa'e ndala-la, neukose ala sengi la'iesak-kasa.

MATEOS 15:7

Emi ia hataholi mana dea-dale kala! La'en la'iesa kana, hata fo Yesaya nafa'da elan soaneu emi fo nde nae,