YESAYA 10:4 - Susula Malalaok Hehelu Palak Ma Hehelu Beuk

⁴ Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.

YESAYA 10:4 ပူးပေါင်းရင်းမြစ်များ

YESAYA 22:2

Ta nandaa, kota-kota lala'en-na feta-dote ma eeki-latadale fa. Nana emi palani tatibatum, fo mates lai natee-natatik ia dalek, ta mates hu kande natee-natatik-ka fa.

YESAYA 24:22

Neukose sila basa-basas nanatao nakabubuak sama leo hataholi bui-la lai bolok dale, ma nanataok leo bui dale leu, losa fain-na losa, soaneu nanahukuk.

YESAYA 34:3

Neukose popolan-nala, ta nananatoi-natonok fa, tehu ka'da nanapo'ilotak, fo ela pulus fo laboo. Letek-kala neukose pilas, nanahu sila daan-na, ana faa la'es.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

YESAYA 66:16

Nana Ana hapu-na, basa hataholi-la lasala, de neukose Ana hukus nenik ha'i ma tafaina, ma nanahuku nisak makadotok.

YESAYA 9:11

Leoina Siria nai dulu, ma leoina Filistin-na nai muli, de ala kalo Israel. Tehu Manetualain bei namanasa, de Ana huku nahele.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YESAYA 9:16

Leoina ndia, ana kalua neme agama dalek mai, ma nalutu ha'da-tataon, ma hala-kokolan-nala mangalauk. Hu ndia de, Manetualain ta po'ilotak ta'eanan-nala, esa naladeak boen. Ana ta sue-lai basa faluina-anamaak-kala fa. Tehu Manetualainbei namanasa, de Ana huku nahele.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YESAYA 9:20

Hataholi Manasye-la ma hataholi Efraim-mala, esa sapu-na esa, boema ala sama-sama la'ban Yehuda. Tehu Manetualain bei namanasa, de Ana huku nahele.

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 37:10

Leounik-ka emi tao makala la'iesak soloda'du Babel-lala, de nalosa elak-kala ka'da hataholi fo hina-nala matuina-la nai lala teman-na dalek, tehu ala fo'a de ala hotuheni basa kota ia.’ ”

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

ULANGAN 32:30

Hapu nai bee, hataholi esa, bisa usi hataholi lifun esa, ma hataholi dua, bisa tao-la hataholi lifun sanahulu lalai? Sila Manetualain-na, nase'oheni sila so; Manetualain fo palani tatibatu ndia, Ana la'oela sila so.