YESAYA 10:3 - Susula Malalaok Hehelu Palak Ma Hehelu Beuk

³ Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 10:3 ပူးပေါင်းရင်းမြစ်များ

KEJADIAN 31:1

Yakob namanene Laban anan-nala kokolak lae leo ia, “Yakob ho'i-na basa ita aman hata-heton lala'en-na so. Basa su'i-beten sila-la, da'di neme ita aman hata-heton mai.”

2RAJA-RAJA 7:15

Ala la'o de, ala losa Lee Yarden-na. Nai eno manalu ndia dalek, lita bua papakek, ma taka-besi besenggela-besenggali. Hataholi Siria-la, ala tu'u-tapa heni basa bua-lo'as sila-la leondiak mesan, ndek lelek lalai-a. Hataholi nananadenuk sila-la, ala fali ma'is, de lafa'da manada'dik ndia, neu manek-ka. La'e nai faik ndia, manek-ka manamanean-na, ana hapu bela-ba'uk, fo taoafik neu kota lelesuinan-na.

AYUB 31:14

Metema ta soona, tao leo beek, fo au muse asasalematak o au Manetualaing-nga? Nai lelek, Ana mai naketu-nala'di au, soona au ataa ae le'e?

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 17:4

Manetualain nafa'da nae, “Neukose fain-na losa, fo Israel mandela-masa'an nate'e, ma tetu-teman mopok-kana.

YESAYA 20:6

Nai lelek ndia, hataholi manaleo nai tasi su'uk-kala, neukose lafa'da lae, ‘Mitak hata fo ana da'di neu leoina fo, ita tasalai ita dean-na neun, fo nasulu-nahapa ita neme mane Asyur-ra mai. Masa bole ita taso'da?’ ”

YESAYA 26:14

Mates so, de neukose ala ta laso'da so'on, neukose samanen-nala ta fo'a falik fa. Nana O tao mamate-mamopo la'iesak-kasa so ma O ta mafandeles so'on.

YESAYA 26:21

Neukose Manetualain kona neme mamana leleon-na, nai nusa so'dak-ka, fo Ana huku laun manai daebafak-ka, nanahu sila sala-singon-nala. Kanisak fo, ala taon no nafufunik-ka, neukose nanabubuluk. Dae-a ta poti ketu hataholi nanatao nisak-ka so'on.

YESAYA 28:20

Emi sama leo hataholi fo, ana nau nangape'uk nai pepe'uk keke'uanak, fo nakandoo ein-na. Emi lafa nalu'en-na, ta maloa fa.

YESAYA 29:6

Manetualain Fo Manakoasa, neukose soi-po'i kota ndia nenik ani matuaina ma daebafak-ka nanggengo matuainan-nanseli. Neukose Ana fe sangu, ma ha'i-a mai, fo na'a-henin.

YESAYA 30:16

Nakalenak emi sanga enok fo malai meme musu-a, nenik emi sa'e ndala, fo malai no lai-laik. Malole so! Memak, mahani te, emi muse malai! Emi maedaenga, emi ndalam ndia, nalain-na seli, te se'kona, manausik-kala, nalain-nala lai-laik lena nanseli.

YESAYA 30:5

neukose basa hataholi-lala'en-na, ala mae, nanahu lamatutua dalen-nala neu leoina fo, sosoa-ndandaan ta, ba'eneu sila. Fo ala hapuk-ka, ta nde nanalak do tutulu-fafalik fa, tehu ka'da nakamumulu-nakamamaek-ka.”

YESAYA 30:7

Masir tutulu-fafalin, palsuma la'iesak-kana. Hu ndia de Au foi Masir na'de, ‘Buta fo ta neni soe fa’.”

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YESAYA 39:3

Basa boema, Nabi Yesaya, neu leo Hizkia neu, de natane nae, “Hataholi sila-la leme bee mai? Lafa'da lae le'e?” Boema Hizkia nataa nae, “Hataholi sila leme Babel, fo nusa dook mai.”

YESAYA 5:14

Mamates-sa bafan ka'u-ka'u, soaneu ana ko'do heni hataholi nananita-nalelak manai Yerusalem-mala, sama-sama loo laun fo ala feta-dote sama-sama.

YESAYA 5:26

Neukose Manetualain naloo leoina manai dook-kala, fo neukose ala mai no lai-laik!

YEREMIA 22:7

Neukose Au haita hataholi soaneu tao nakalulutuk. Neukose ala leni taka, fo ala lo'o labu diin-na fo mana'ahiik sila-la fo nanataok neme ai kaiyou Libanon. Boema neukose ala tapas leo ha'i dale neu.

YEREMIA 4:30

Hai Yerusalem, o nanalaoelak so, de o ta hapu tao hata-hata esa so boen! Sosoak hata, pake ba'du pilas ma balias aoinam-ma nenik lilopilas, lilofulak, boema lose badaak neu o mata lou laim-ma? Palsuma la'iesak-kana, o balias o aoinam-ma, nana basa o susue tou-ta'em ina-anafe'om-mala ta litu o so'on, nakalenak, ala nau taolisa o

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 9:9

Tao le'e de, Au ta fe huhukuk fo nandaa, neu leoina matak leo ia-ka fa? Neukose Au balas sila tatao-nono'in; Au, fo Manetualain nde manakokolak-ka!”

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

HOSEA 9:5

Nai lelek emi tao agama fai malolen-nala, emi ta hapu tao hata esa boen, soaneu fe ha'da-holomata neu Manetualain fa.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

AMOS 5:19

Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!

MIKHA 7:4

Hata fo malole nanseli, ma manatao tunga ndoon-na nanseli boeo, sama leo dila-nggauk, fo sosoa-ndandaan ta. Fain-na losa so, fo Manetualain huku anan-nala, sama leo hata fo Ana paleta basan soaneus, tunga nabin-nala. Besak ia, tasibu-a da'di nai sila tala'da so

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

LUKAS 19:44

Neukose ala tao lakalulutuk o sama-sama mo basa o lau mala lala'ena, ma ta hapu batu esa boen, neukose ala po'ilota kana nananakatoto'do nahelek neme mamanana fa, nana o ta taoafik neu faik fo lelek Manetualain mai soaneu Ana soi-tefa nala o fa!”

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.