YESAYA 10:2 - Susula Malalaok Hehelu Palak Ma Hehelu Beuk

² No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESAYA 10:2 ပူးပေါင်းရင်းမြစ်များ

AYUB 31:16

Beita la'i esa fo, au ta nau tulu-fali hataholi matasi'da-matasaek-ka, do po'ilotak faluina-la, laso'da nai ketu namahehenak-ka dalek fa.

MAZMUR 94:6

Ala taolisa faluina anamaak-kala, ma ala tuni-ndeni hataholi nusa dea fo, manaleo nai nusak ia.

KELUARAN 23:6

Tao hataholi nuu-taa hata-taak-ka no ndoos ma matetuk, metema ana kalaak dede'an-na leo manakee-manafula neu.

AMSAL 22:22

Boso tao makatutu'dak hataholi nuu-taa hata-taak-ka, nanahu hataholi nuu-taa hata-taak-ka tapandoes; ma boso heheta-aa'i hataholi fo, manatulu-manafalin ta, hak-ka nai manakee-manafula matan.

AMSAL 30:14

Hapu hataholi nggelok sanga so'dan-na, nenik tatao-nono'ik, fo dale hataholin ta; hataholi sila, mangalaun-na seli, ma lakatutu'dak hataholi nuu-taa hata-taak-ka, ma hataholi tapandoes-sa.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 29:21

hataholi fo, ana hii tao nanggenggeo hataholi fe'ek na'den-na, hataholi fo, ana sanga enok soaneu napanggengge, fo ela boso huku hataholi mangalauk-ka, ma hataholi fo, ana tui-benga tutui pepekok, fo ela hataholi manatao ndoos-sa, boso hapu ndoos ma matetuk-ka.

YESAYA 3:14

Manetualain ho'i nakeketuk da'di leo manakee-manafula soaneu basa manamauli-malanga anan-nala. Manetualain kalaan soaneu sila nde ia: “Emi nde mamanako osi angol-la buna-boan-nala; emi umam-ma henuk no bua-lo'as fo emi kalo menis neme hataholi nuu-taa hata-taak-kala mai.

YESAYA 3:15

Tao le'e de, emi tuni-ndeni Au anang-ngala, ma emi lumu-ese hataholi nuu-taa hata-taak-ka? Au, Manetualain Fo Mademaina, ma Manakoasa, nde manakokolak-ka.”

YESAYA 32:6

Hataholi nggoak-ka, ana kokolak dede'a nggoak, ma ana tutu'u eno mangalauk. Ana tao su'di beek-ka, do nafa'da su'di beek-ka, nalupa nakamumulu-nakamamaek neu Manetualain. Ana beita fe nita nana'ak neu hataholi kamala'ak-ka, do neninuk neu hataholi manamaa ma'dak-ka.

YESAYA 5:23

Tehu ka'da soaneu hapu doi sosolo dalek-ka, de emi po'i hataholi masalak-ka, ma emi kena-ka'i hataholi sala tak-ka, fo ana boso hapu ndoos ma matetuk-ka.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

YEREMIA 7:6

Boso boe tuni-ndeni hataholi nusa dea, ni'iana kisa-anamaak ma faluina-la. Boso taomisa hataholi sala taak-ka, nai nusak ia. Boso sene-do'ok neu lamatua daebafak fe'ek-kala, nana dede'ak ndia, neukose tao namopo-namate emi.

RATAPAN 3:35

metema mopo Manetualain fe ita hak-ka,

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

AMOS 2:6

Manetualain nafa'da nae, “Hataholi Israe la lasala-lasingo tataas esa so, hu ndia de, neukose Au hukus. Hataholi manatao tunga ndoon-na, tehu ana ta hapu nggati falik hata totona-na fa, lase'o henin fo ana da'di ata. Leondiak boe, sila ha'da-tataon neu hataholi nuu-taa hata-taak fo ana ta hapu bae hutan-na, leomae hutan ndia belin-na ka'da ta'bueis pasan esa.

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

AMOS 5:19

Heo-hilun sama leo hataholi fo nalai neme singa mai, tehu natongo no meoasu-a. Do sama leo, hataholi fo ne'un leo uma neu, de ana to'ba liman-na neu uma papala nanadaman-na, boema menge kaan!

MIKHA 3:1

Mamanene leon hai emi fo manakoasa Israel-la lemin! Tunga ndoon-na, emi bubuluk ndoos ma matetuk-ka,

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [