YESAYA 10:17 - Susula Malalaok Hehelu Palak Ma Hehelu Beuk

¹⁷ Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 10:17 ပူးပေါင်းရင်းမြစ်များ

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

NINITAK 22:5

Neukose ala ta paluu banuk do le'do haa na fa, nana le'odaek ta so, ma Amak Manetualain mesa kana nde nasala nalas. Neukose ala paleta da'dileo mane ka losa dodoo na.

NAHUM 1:10

Neukose o nanahotuk sama leo ha'deai tuuk-ka sama leo dila-nggauk fo lafefeoao.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 4:4

Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

BILANGAN 16:35

Boema Manetualain fe ha'i mai, de na'a naputu la'iesak hataholi ka natun dua limahuluk fo, manatunu-hotu boomenik sila-la.

NINITAK 21:23

Kota ndia ta paluu hapu mangale'dok neme le'do haa na do bula ka mai fa, nana Manetualain ndela-sa'an, nandela-nasa'a nan ma Bi'ilopo Ana ndia nde bee na kota ndia banu na.

IBRANI 12:29

Nana ita Manetualain ndia, sama leo ha'i fo manahotu naputu ka.

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

YESAYA 66:24

Lelek ala la'o, neukose lita hataholi manalena-la'ban Au-a, popolan-nala. Neukose, ta mate ulek fo mana'a hataholi sila-la, popolan-na fa, ma neukose ta mate ha'i fo, mana'as-sala fa; naniluk esa, neni bibii-namatau matuaina, ba'eneu basa hataholi-la.”

YESAYA 60:19

Ta paluu le'do mahaak-ka, la'e o nai fai lele'don-na fa, ma ta paluu bulak-ka, nasalaa la'e o, nai fai le'odaen-na. Nana Au fo Manetualain nde da'di mangale'do manaketu basa tak, ba'eneu o, Au asala ala o, nenik Au matua-mademang.

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

MAZMUR 97:3

Ha'i-a pila nasalolo'de nai matan-na, fo ana hotu naputu musu manai boboa-kaisun-na.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

MAZMUR 50:3

Ita Manetualain-na, Ana mai te Ana ta pe'dak lima-ein fa, Ha'i manapila masalolo'dek-ka, ana mai nakahuluk-kana, ma ani-sangu matuaina, okofefeo-nan.

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

MAZMUR 21:9

Neukose Ana foo la'iesak musun-nala, ma Ana ho'u-na basa hataholi fo lakamuu-lakadau neu.

MAZMUR 18:8

Boema daebafak-ka nanggengo, ma ana dele, ma letek-kala huun-nala dele, ma laleuk, hu kande Manetualain nasa-melun.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 27:7

Manetualain huku anan-nala, ta bela-ba'u Ana huku leoina fo, manamusu loos-sala fa. Ana ta taonisa anan-nala fa, sama leo Ana taonisa musun-na fa.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 33:12

Emi sama leo batupiak fo nanahotuk, soaneu taon da'di ha'o; sama leo makatema dila-nggauk fo nanatati henik, ma nanahotu henik nai ha'i dale.

YESAYA 47:14

Mitak, sila sama leo ha'deaik fo, ha'i na'an; ala ta hapu soi-tefa-la sila aoinan-nala mesak-kana fa! Ha'i ndia, pilan-na, nahaa nanseli ba'eneu sila ta nde ha'i mato'bik fo dala fa.

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

ULANGAN 4:24

nana emi Manetualain-ma sama leo ha'i manana'a naputuk-ka. Ana ta nau emi makasasamak-kana no hata esa boen.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.