YESAYA 10:16 - Susula Malalaok Hehelu Palak Ma Hehelu Beuk

¹⁶ Hu kande hataholi Asyur-ra, lamatutua-lamadedema aoinan-nala so, de neukose Manetualain Fo Manakoasa, neukose Ana fe he'di-laus-sa mai, soaneu huku malanga solda'du ao makadelek sila-la. Neukose ala hapu he'di sumaik manalope-lopek-ka, sama leo ha'ipilak-ka, nakandondoo henin.

YESAYA 10:16 ပူးပေါင်းရင်းမြစ်များ

2TAWARIKH 32:21

Boema Manetualain haitua ata nusa so'dak esa neu fo taonisa Asyur solda'dun-nala ma malanga solda'du matuaina-nala. Manek Asyur-ra fali ne'un leo nusa-na neu no bibii-mamaek nanseli. Nai faik esa, fo lelek bei nai lamatua daebafa-na uman dale, te anan de'ubee mai de ala taolisan nenik tafaina.

MAZMUR 106:15

Ala loke beek soona, Ana fe, tehu he'di-laus-sa, sapu-nalas boe.

MAZMUR 78:31

Manetualain namanasa, de Ana la'ban-nasa; Ana taonisa hataholi Israel muli-soluk fo, ao makadelek-kala.

YESAYA 10:18

Nula matuaina-la ma tina-osi maoe-maisik manai nusa Asyur-ra, neukose nanatao nakalulutuk la'iesak-kasa, sama leo hataholi kamahe'dis fo ana doi-doso losa mate.

YESAYA 17:4

Manetualain nafa'da nae, “Neukose fain-na losa, fo Israel mandela-masa'an nate'e, ma tetu-teman mopok-kana.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 31:9

Sila manen-na, neukose nalai no bibii-namata'uk, ma basa malanga solda'du matuainan-nala, ala nggenge lanseli, nalosa ala la'oela dedeo musu-la.” Manetualain kokolak basa so, Manetualain fo nanasene-do'ok, ma nanafe ha'da-holomata nenik tutunu-hohotu nanatunuk nai Yerusalem.

YESAYA 37:29

ma Au amanene basa, la'eneu o nasa-melum, ma o koao-ndaeaom ndia so. Besak ia, Au tao ai kakaik neu o panam-ma, ma lapa neu o bafam-ma, fo ela Au hela falik o, tunga lelek o mai fo, o tunga enok-ka.”

YESAYA 37:36

Le'odaek ndia boe, Manetualain ata nusa so'dan-na, ana mai leo hataholi Asyur-rala ofun-na neu, de ana taonisa solda'du lifun natun esa faluhulu lima. Balahaa fafaianak te, popolan-nala lalefu-le'ak.

YESAYA 5:17

Neukose bi'ihiiana ma bi'ilopoana, la'a na'u nai kota manandefan-na, fo ala ta to'a-taa nana'ak fa.

YESAYA 8:7

Hu ndia de, Au fo Manetualain, neukose adenu mane Asyur-ra mai no solda'dun-nala lala'ena, fo ala sapu-la Yehuda. Neukose ala tutulumatak sama leo Lee Efrat fo oen-na lua ponu-ponu fo ana faa leo felak-kala neu.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

YESAYA 9:5

Ni'iana esa, nanabongi basak ba'eneu ita so; ni'iana touanak esa, nanaba'e-batik ba'eneu ita. Neukose ana da'di ita mauli-malangan. Ni'iana ndia nanafoik na'de: “Manamanoli-mafa'da Manatee-tenok”, “Manetualain Makadelek”, “Ama Manaketu basa tak”, “Manek Mole-dame!”.

YEREMIA 21:14

tehu neukose Au huku o nanahu o tatao-nono'im. Neukose au hotu heni o mamana manem-ma ma basa hata lala'en-na fo manai boboa-kaisun-nala neukose au hotu heni beo, Au, Manetualain, nde manakokolak-ka.”

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

NAHUM 1:12

Boema Manetualain nafa'da anan Israel nae, “Leomae hataholi Asyur sila-la mabe'i-balakaik, boema dede'un-na makadotok, tehu neukose sila nanatao nakalulutuk fo mopok-kasa. Hai Au leoinang-ngala lemin, Au tao doi-doso emi so, tehu neukose, Au ta tao leondiak so'on.

ZEFANYA 2:13

Basa ndia soona, neukose Manetualain Ana pake koasan-na, fo Ana tao nakalulutuk Asyur. Neukose Ana tao kota Niniwe da'di nee-nee lino-linok, ma moo na'u tak.

ZAKHARIA 7:4

Manetualain hala-hehelun neu au-a nde ia,

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.