YESAYA 10:13 - Susula Malalaok Hehelu Palak Ma Hehelu Beuk

¹³ Mane Asyur-a kokolak bafa maloa nae, “Au tao basa sila-la nenik au koasa mesang-nga. Au manatee-tenok ma malelak. Au koka heni basa dae too fo manata'da leoina no leoina, ma au loso-a basa hata fo ala sadiak-kala. Au sama leo banteng-nga, fo au heheta-aa'i manapaletak-kala.

YESAYA 10:13 ပူးပေါင်းရင်းမြစ်များ

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

2RAJA-RAJA 16:8

Ahas ho'i lilopilas, ma lilofulak neme Manetualain Uman dale mai, ma neme uma manek-ka hata-heton mai, de ana fe palsen-nana neu mane Siria ndia.

2RAJA-RAJA 17:24

Fo mananggati hataholi Israel, fo nanafoo basak leo mamana ookak-ka neu ndia, de mane Asyur-ra fe hataholi leo nai kota-kota manai Samaria, de ana ho'i hataholi neme Babel, Kuta, Awa, Hamat, ma Sefarwaim. Hataholi sila, langatuu-la kota sila-la, de ala leo lahele leme ndia.

2RAJA-RAJA 17:6

– fo nai lelek Hosea paleta teuk 9 so – boema Salmaneser natona-na Samaria. Boema, ana foo nini hataholi Israel-la, da'di leo hataholi nanafook leo Asyur leu. Ala fe hataholi Israel nanafook sila-la seli, ala leo lai kota Halah, seli leo deka Lee Habor-ra, nai nusa Gozan-na, ma seli seluk, ala leo lai kota-kota manai nusak Madai-a.

2RAJA-RAJA 18:11

Basa boema, manek Asyur-ra, foo hataholi Israel-la, da'di leo hataholi nanafook leo Asyur neu; ana hataholi Israel-la seli, leo nai kota Halah, ma seli leo deka no Lee Habor-ra, nai nusak Gozan-na, ma seli seluk, leo lai kota-kota manai nusa Madai-a.

2RAJA-RAJA 18:15

Hu ndia de, Hizkia haitua la'iesak lilofulak manai Manetualain Uman dale, ma manai uma manek-ka peti pepe'da doin dale, leo Sanherib neu.

2RAJA-RAJA 18:32

losa au lali heok emi leo nusak esa meu, fo nusak ndia, hii-hii nae sama leo emi nusam-ma boe. Nai naa, hapu osi angol, fo ana fe o buna-boak, ma tina gandum, fo ana fe buna-boa ha'de sopuk, soaneu emi nana'am-ma. Nai nusak ndia, hapu ai setun makadotok, mina setun, ma fanioe. Metema, emi tunga hata fo au paletan neu emi soona, neukose emi maso'da, te ta mate fa. Boso mamanene Hizkia! Ndia ka'da ke'di-ndiu emi nenik nafa'da nae, neukose Manetualain soi-tefa-na emi.

1 TAWARIKH 5:26

Hu ndia de, Manetualain nakababale Pul, fo manek Asyur-ra dalen-na, boema neu sapu-na nusak ndia. Pul boeo lalelak-kana da'di leo Tiglat-Pileser. Boema leo Ruben, Gad ma leo Manasye fo manai Yarden boboan dulu, nanafook da'di leo hataholi nanafook, de ala tu'us leo Halah, Habor, Hara ma mamanak esa deka no Lee Gozan na. Ala leo lahele lai naa losa faik ia.

AMSAL 28:11

Hataholi kamasu'i-makabetek-ka, name'da aoinan-na manatee-tenok, tehu, hataholi nuu-taa hata taak fo, dale malole-a, bubuluk see ndia.

YESAYA 10:8

Namatutua-namadedema aoinan-na nae, “Au malanga solda'du manai laing-ngala, manek mesan-mesan!

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

YEREMIA 46:8

Ndia nde Masir fo namaloa sama leo lee Nil-la, ma oen-na napoponu sama leo lee-la. Ana nafa'da nae; ‘Au nau amaloa fo tatana ketu daebafak-ka, tao amopo-amate kotan-na no lun-nala.

YEREMIA 48:14

Touk Moab-pala lapalani lafa'da lae lo be, ‘Ami matee-matatik, soloda'du palani tati batu fo nanaso'ba-su'di basak nai natee-natatik-ka dalek so?’

YESKIAL 25:3

Madenu leoina ndia, fo namanene hata fo Au, Manetualain Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

YESKIAL 26:2

“Hai hataholi daebafak fo, manasapu-manalalok-konei, Tirus laun-nala ala eki, boema lafa'da lae, ‘Yerusalem nakalulutuk so! Ana ta dangan so'on, nanahu ana tu'da so! Ana ta da'di musu nai ita dangan dale so'on!’ ”

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

YESKIAL 35:13

Hai leoina Edom-mala lemin, emi bafa maloa, ma emi koao-ndaeao neu Au. Au amanene basa sila-la so.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

AMOS 5:27

nai lelek Au tu'u-tapa emi leo nusak esa, doo lena neme Damsyik mai. Au Manetualain fo na'de Manetualain Fo Manakoasa, nde manakokolak-ka.”

AMOS 6:13

Emi tui tutui me'i-afek mae, emi sengi Lodebar so. Emi boeo mafa'da mae, “Emi balakaim-ma dai soaneu ho'i falik Karnaim.”

HABAKUK 1:11

Boema, hataholi fo ala koao-ndaeao lenik be'i-balakain sila-la, ala la'o no lalaik sama leo anin-na.”

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.

HABAKUK 2:6

Tehu natona-na basa leoina sila-la, neukose lakamuun, ma ala hakinonolin. Neukose lafa'da lae, “O nanasoo-supak nana o pe'da madoudou buas fo ta o nuum fa! Losa fai hi'da, o tao mamasu'i o aoinam-ma nenik o laka hataholi manamahutak neu o-a, fo ana bae hutan-na?”

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

HAKIM-HAKIM 7:2

Boema, Manetualain nafa'da Gideon nae, “O solda'dum-mala makadotok nanseli. De Au ta nau fes ala sengi hataholi Midian-nala fa, nana mahani te, neukose ala dodoo lae, sila sengi nanahu sila be'i-balakain mesan-nala, nalosa ala ta koa-kio Au fa.