YESAYA 10:12 - Susula Malalaok Hehelu Palak Ma Hehelu Beuk

¹² Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 10:12 ပူးပေါင်းရင်းမြစ်များ

2RAJA-RAJA 19:31

Nai Yerusalem, ma nai Lete Sion-na lain, neukose hapu hataholi-la laso'da, nanahu Manetualain naketu basa, nae neukose, dede'ak ndia, ana da'di.

MAZMUR 18:27

Ba'eneu hataholi malalao-malalafuk-ka, O matu'du O aoina malalao-malalafum-ma, tehu O musu moo hataholi mangalauk-ka.

MAZMUR 21:10

Ana mai sama leo ha'i manapila lo'a-lo'ak-ka, fo ana tao namopo-namates. Neukose Manetualain nasa-melun tao namopo-namates, ma hu kande ha'i mana'a maputuk-ka.

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

MAZMUR 76:5

Tete'ek-ka, O matua-madema, ma mandela-masa'ak, lena heni lete-letek makahulun eli.

AMSAL 21:4

Hataholi mangalauk ndia, nasala-nasingo, hu kande namatutua-namadedema aoinan-na, ma koao-ndaeaon-na.

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 24:21

Nai lelek ndia, neukose Manetualain huku basa manakoasa lalai maloa, ma mane-manek manai daebafak-kala.

YESAYA 27:7

Manetualain huku anan-nala, ta bela-ba'u Ana huku leoina fo, manamusu loos-sala fa. Ana ta taonisa anan-nala fa, sama leo Ana taonisa musun-na fa.

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

YESAYA 37:29

ma Au amanene basa, la'eneu o nasa-melum, ma o koao-ndaeaom ndia so. Besak ia, Au tao ai kakaik neu o panam-ma, ma lapa neu o bafam-ma, fo ela Au hela falik o, tunga lelek o mai fo, o tunga enok-ka.”

YESAYA 5:15

Basa hataholi-la, neukose nananakamamaek, ma hataholi manakoao-ndaeaok-ka, nananakadadaek.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

YESAYA 65:7

nanahu sila sala-singon, ma sila bei-ba'i kain-nala sala-singon. Ala lakadadaek Au, nenik ala tunu fe lamatua daebafak-kala boomenik, nai mamana sosongo-tatangok-ka nai pupukuk lain. Neukose Au balas sila, nandaa no sila tatao-nono'in, nai tepo lelek maneuk-ka.”

YESAYA 9:9

“Uma matuaina fo papala nanadamak batu cetak-kala tu'u leu so, tehu neukose, ami tao uma batu beuk neme batu-a mai. Ai kaak-kala nanalo'o basak so, tehu neukose ami nggatis nenik ai kaiou Libanon neulauk.”

YEREMIA 25:29

Neukose Au tao makasososa nakalulutuk ndia nai Au kotang-nga. Boso nalosak sila laedaenga neukose ata hapu huhukuk fa. Ta bole nae ta sila nanahuhuk nanahu neukose Au uni natee-natatik neu basa leoina daebafak ia poin. Au, Manetualain Fo Manakoasa nde manakokolak-ka.

YEREMIA 50:18

Hu ndia Au, Manetualain Fo Manakoasa, neukose Israel Manetualain-na ana huku manek Nebukadnezar ma nusan-na, sama leo manek Asyur-a huhukun-na.

YEREMIA 50:32

O leoina fo madale-madema ndia neukose nakatunu de ana tu'da, ta hapu esa tulu-fali boen fa. Neukose o mapadedeik Au de'de heni o kotam-mala ma basa manadekak nai ndia nanatao nakalulutuk.”

YESKIAL 31:10

Hu ndia de Au, Manetualain Fo Mademaina, afada o hata fo, neukose ana da'di neu ai fo pe'dan-na losa ko'as-sa ndia. Nana ana boetai namademak-ka, ana boetai koao-ndaeao.

YESKIAL 31:14

Basa sila-la ala da'di, fo ela nai hatematak ia, neukose ta hapu seluk ai fo, ana moli dedemak ndia so'on; ta hapu seluk ai fo, pe'dan-na losa ko'as-sa, leomae ana moli nai oe-a tala'da boe. Basa-basas manamatek mesa-mesan, sama leo hataholi daebafak fo, manasapu-manalalok-ka, fo leu lakabubua loo hataholi manamatek-kala, nai hataholi manamatek-kala mamanan-nala.”

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”

MATEOS 12:33

“Ai huu na nalole soona, neukose naboa boa malole. Metema ai huu na ta nalole fa soona, neukose boa na boeo ta malole a fa. Ita bubuluk ai esa nalole do ta nalole, neme ai ndia boa na mai.

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

ULANGAN 32:27

Tehu Au ta nau Israel musun-nala, lamatutua-lamadedema aoinan-nala fa; fafa'kama, ala dudu'a-dodoo sala, fo lafa'da lae sila sengi Au anang-ngala,’ te se'kona, Au nde tao basa ia-la.

1 PETRUS 4:17

Fai na losa, soaneu Manetualain naketu-nala'di daebafa ka so. De neukose Manetualain hataholi kamahehele nala nde, nananaketu-nala'di nakahulu ka. Naa, metema Manetualain mulai naketu-nala'di losa ita soona, neukose da'di tao leo beek neu hataholi fo, ala ta lamahele Manetualain Hala Malolen ndia fa?