YESAYA 1:9 - Susula Malalaok Hehelu Palak Ma Hehelu Beuk

⁹ Leounik-ka, Manetualain Fo Manakoasa, Ana ta fe ita hataholi de'ubee laladeak fa soona, mopo-mate basa ita, sama leo Sodom ma Gomora so.

YESAYA 1:9 ပူးပေါင်းရင်းမြစ်များ

KEJADIAN 18:26

Boema Manetualain nafa'da nae, “Leounik-ka, Au hapu hataholi sala taak limahulu, nai Sodom soona, neukose Au fe do'o do ampon neu kota ndia lala'en-na, nanahu hataholi ka limahulu sila-la.”

KEJADIAN 18:32

Mate'en-na, Abraham nae, “Manetualain, boso mamanasa, te neukose au kokolak ka'da la'iesa seluk ae. Tao leo bee, fo hapu ka'da hataholi sanahulu mesak-kana?” Boema, Manetualain nataa nae, “Metema hapu hataholi sala taak sanahulu soona, neukose Au ta tao amopo-amate kota ndia fa.”

KEJADIAN 19:24

No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu.

1RAJA-RAJA 19:18

Tehu neukose Au soi-tefa ala hataholi Israel lifun hitu, fo nde hataholi fo ala lilineka lahele neu Au, ma ala beita sene-do'ok lita Baal-la doki-dulan fa.”

2RAJA-RAJA 19:4

Manek Asyur-ra, nadenu basa, malanga solda'du manai lain esa, fo nakamumulu-nakamamaek Manetualain fo maso'dak-ka. See bubuluk, emi Aman Manetualain namanene basa nakamumulu-nakamamaek ndia, de neukose, Ana huku sila fo, manakokolak-kana! Hu ndia de, hule-haladoi leona, neu Manetualain, ba'eneu ita hataholin fo, bei maso'dak-kala.”

YESAYA 1:8

Ela ka'da Yerusalem, tehu lakahapi-la seli, de ta nakatatakak so'on, sama leo lalaak-ka nai osi angol dale, do moa nai osi titimupokok dale.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 11:16

Ba'eneu anan fo bei elak-kala, neukose hapu okofoo soaneu ala kalua leme Asyur mai, sama leo nai lelek Israel kalua neme Masir mai.

YESAYA 17:6

Sama leo ai setun-na, boan-na nanaseu basak, de ela ka'da boak de'ubee lai ndana pe'dan-nala, leondiak boe, nai Israel, neukose hataholi maso'dak ka'da lumanak. Au, Amak fo Israel Manetualain-na, nde manakokolak-ka.”

YESAYA 24:13

Manada'dik ndia nde, neukose ana da'di neu leoina esa-esak, nai basa daebafak-ka lala'en-na. Fo nde, sama leo nai faik fo ketu-seuk-ka, fo lelek, seu basa la'iesak ai setun-na boan-na, ma seu angol-la boa mate'en-nala neme huun-na mai.

YESAYA 24:6

Hu ndia de, Manetualain supa-soo basa daebafak-ka so, ma Ana huku laun-na, nanahu sila tatao-nono'in. Sila nanatao naputuk, de ka'da sila lumanak laso'da.

YESAYA 37:4

Manek Asyur-ra, nadenu basa malanga solda'du matuainan-na so, fo nakamumulu-nakamamaek Manetualain fo maso'dak-ka. See bubuluk, fafa'kama Manetualain namanene basa nakamumulu-nakamamaek ndia so, de neukose Ana huku hataholi manakokolak-ka! Hu ndia de, hule-haladoi leon neu Manetualain, soaneu ita hataholin fo bei maso'dak-kala.”

YESAYA 46:3

Mamanene Au, hai Yakob tititi-nonosin-nala, emi basa-basam fo Au anang bei elak-kala lemin. Au akaboboi emi neme lelek bongi emi mai so.

YESAYA 6:13

Nakalenak, metema nai hataholi sanahulu dalek, bei hapu hataholi esa leo nai nusak ndia soona, neukose ndia boeo nanatao namopo-namatek boe. Tehu sama leo ai keka, metema lo'o henin soona, bei ela huun-na, leondiak boe, neukose bei ela leoina ndia, fo ana da'di hataholi malalao-malalafu makasososak.”

YESAYA 65:8

Manetualain nafa'da nae, “Angol boak fo, bei maoek-ka, ta nanatapa henik fa, tehu nanataok da'di angol oek. Leondiak boe Au leoinang-nga, neukose Au tao amopo-amate la'iesak-kasa, nana nai sila dalek, ta hapu manamakatele neu Au fa.

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

YEREMIA 42:2

lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

YEREMIA 50:20

Nai fain ndia Israel ma Yehuda balisi neme sala-singok-ka mai, hu ka nde Au fes do'o do ampon neu hataholi fo Au tulu-falis-sala, Au, Manetualain de manakokolak-ka.”

RATAPAN 3:22

Manetualain susue-lalain manaketu basa tak, neme doon losa dodo-na, beita la'iesa fo basa baba'e-babatin fa,

RATAPAN 4:6

Au anang-ngala nanahuku basak so belan-na lena heni laun Sodom fo ka'da nai hatematak esa mesak-kana nakalulutuk neme Manetualain liman-na mai, te ta nenik hataholi daebafak-ka nakeketun-na fa.

YESKIAL 14:22

Leounik-ka, hapu nggelok laladeak, fo ala soi-tefa-la anan-nala, fo metema ala mai leo o mai soona, taoafik neus. Mete tatao-nono'i mangalaun-nala leo beek, soona neukose emi mamahele, mae Au nakeketung-nga nandaa, soaneu huku Yerusalem.

YESKIAL 6:8

Neukose, Au fe sila lumanak, lala kanisak ndia deak, tehu neukose sila nanatao tapasasalak nai leoina-la tala'da;

YOEL 2:32

Tehu ba'eneu see, fo ana dokodoe noke Manetualain tutulu-fafalin soona, neukose ana hapu so'dak. Manetualain nafa'da nae, “Au hele hataholi manai Yerusalem-mala, neukose laso'da.”

AMOS 4:11

Au tao amopo-amate emi nggelok, sama leo Au tao amopo-amate Sodom ma Gomora. Fo bei ela emi hataholi maso'dam-mala nde been-na, sama leo ho'i-na ha'ilutek-ka neme ha'i dale mai. Leomae leondiak boe, emi ta nau fali leo Au mai boen.

HABAKUK 3:2

Ou Manetualain, au amanene la'eneu O tatao-nono'im boema, au ame'da nai au daleng dale, henuk no malela ka. Sa'di leo been-na, O tao la'iesa seluk, tatao-nono'i matuaina ndia. Ma O mafa'dan nai ami tepo-lelem ia. Ela leo been-na, O sue-lai ami, leomae O dalem-ma namahana loo-loo.

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

MATEOS 7:14

Mafandendelek te, lelesu fo menini hataholi a leo nusa so'da ka neu a, makabi'a anak ma toto'a-sosotan ba'u na seli. Hu ndia de, ka'da hataholi lumanak nde tunga enok ndia.”

ROMA 9:27

Nabi Yesaya kokolak no halabelak la'eneu leoina Israel nae, “Leomae leoina Israe la dede'u na de'u solokaek manai tasi su'u ka, tehu ka'da lumanak mesa kana neukose laso'da;

ROMA 9:29

Yesaya nafa'da nae leoia boe, “Leo uni'ka Manetualain Fo Mana Koasa ta la'oela ita tititi-nonosin fa soona, tao leo bee o ita basa-basa tala da'di sama leo Sodom no Gamora so.”

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

2 PETRUS 2:6

Dede'a na sama no kota Sodo ma no Gamora: Manetualain hotu heni kota sila ninik ha'i, fo ela ana da'di natutu'duk la'eneu hata fo neukose ana da'di neu hataholi mangalau kala.

NINITAK 11:8

Popola nala neukose lalefule'ak nai kota matua ndia enon lain, fo nai bee sila Lamatua na nanalona-nggangek. Kota ndia na'de nakasasama na nde Sodom do Masir.