YESAYA 1:29 - Susula Malalaok Hehelu Palak Ma Hehelu Beuk

²⁹ Neukose ala hapu mamaek, nanahu ala sene-do'ok neu ai ina-la, ma ala fe hehelik lamatua daebafak-kala osi-lutu.

YESAYA 1:29 ပူးပေါင်းရင်းမြစ်များ

YESAYA 66:17

Manetualain nafa'da nae, “Basa hataholi fo manatao lalao-lalafu aoinan-nala, fo leu leo lamatua daebafak-kala osin-nala leu ma sene-do'ok neus-sala, neukose mopok-kasa sama-sama lo hataholi mana'a paa bafi, ma paa lafo, boema nana'a nanamalua fe'ek-kala.

YESAYA 65:3

Ala tao-la Au, amanasa akandondoo henin, nanahu ala tunu-hotu tutunu-hohotuk fe lamatua daebafak-kala, nai osi-la dalek ma ala tunu boomenik nai mei tunu-hotun-nala lain.

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.

HOSEA 4:13

Emi tunu-hotu tutunu-hohotuk nai mamana sosongo-tatangok manai pupukuk-kala, ma letek-kala poin-na, ma emi tunu boomenik nai ai matuaina manaleloakak manai naa-la huun-na, nanahu mamanak ndia sa'on-na malole. Tehu, mate'en-na beek da'di? Emi anafe'oanam-mala, ala da'di manasosoa-piaok, ma emi manafeu inam-mala hohonge!

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

YESKIAL 6:13

Neukose hataholi manamatek-kala, lalefu-le'ak lai sosongo-tatangok-kala tala'da, ma lai mei tunu-hotuk-kala boboa-kaisun, beelenga basa pupukuk mademaina-la poin-na, ma lai basa letek-kala poin-na, lai ai doo manaleloakak-kala huun-na, ma lai basa ai matuaina-la huun-na; dede'a keke'un-na, su'di nai mamanak bee, fo ala tunu tutunu-hohotuk fe sila sosongo-tatangon soona, hapu mamates nai ndia. Soona besak-ka basa hataholi-la, ala bubuluk lae Au nde Manetualain-na.

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YESAYA 45:16

Basa hataholi manatao dodoki-dudula sosongo-tatangok-kala; neukose nananakamamaek ma nananakadadaek

YESAYA 31:7

Neukose fain-na losa, soaneu emi tu'u-tapaheni, dodoki-dudula sosongo-tatangok fo nanataok neme lilofulak ma lilopilas, fo emi tao aom, fo henuk no sala-singok-ka.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESAYA 42:17

Hataholi fo, namahele neu dodoki-dudulak sosongo-tatangok-ka, ma ana manakun da'di leo lamatua daebafak soona, neukose nananakadadaek, ma nananakamumulu-nakamamaek.”

HOSEA 4:19

Hu ndia de, neukose ala sapu-lalo, sama leo anin-na fuu nenis. Neukose ala hapu mamaek, hu kande tutunu-hohotuk fo ala tunu-hotun neu lamatua daebafak-kala.