YESAYA 1:21 - Susula Malalaok Hehelu Palak Ma Hehelu Beuk

²¹ Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESAYA 1:21 ပူးပေါင်းရင်းမြစ်များ

2 SEMUEL 8:15

Enon-na leondiak, Dauk paleta basa Israel-lala'en-na, ma nanea, fo ela ana tao laun-na no matetun-na, ma no malole.

2TAWARIKH 19:9

Yosafat fe manamaketu-mala'dik sila la paleta nde ia nae, “Makalala'ok emi bela-ba'um no mamahele neu Manetualain. Tunga paletan-na nai basa hata lala'en fo emi taon.

NEHEMIA 11:1

Basa mauli-malangan manaleo lahele lai Yerusalem, ma laun-na tu'ubatu soaneu uma loo sanahulu, soaneu ala hele teidale-bobongik esa neme teidale-bobongik sanahulu mai, fo muse leo nai kota malalao-malalafuk Yerusalem. Bee ta nanahelek fa soona, ana bole leo nai kota fe'ek-kala.

MAZMUR 46:4

leomae tasi fo'a, fo lii-la lapoponu, ma pupukuk-kala dele, hu kande fefepa-lili'un.

MAZMUR 48:1

Teidalek Korah kokoa-kikion-na.

MAZMUR 48:8

sama leo ofak fo nakalulutuk nai ani-sangu dale.

YESAYA 1:22

Yerusalem, makahulun-na o sama leo lilofulak-ka, tehu besak ia, o belim ta so. Makahulun-na o sama leo angol mala'da hiik-ka, tehu besak ia, o ka'da oe mesak-kana.

YESAYA 26:10

Leomae tao hataholi mangalauk-ka no malole boe, ana ta nau nanoli hata fo ndoos-sa boen. Neukose ana ta tao tunga ndoos ma matetuk-ka, nai nusaina fo hoholo-lalanek-ka nai ndia, ma ana ta nau manaku Manetualain koasan-na fa.

YESAYA 48:2

Leomae leondiak boe, o manaku no dalen-namatuak, mae kota malalao-malalafuk-ka, laun o; ma o masala'da neu Israel Manetualain fo loken lae Manetualain Fo Manakoasa

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 59:14

Hoholo-lalane ndoos ma matetuk-ka, nanasi'u henik so, ma ndoos ma matetuk-ka, nanataok leo dook-ka neu. Dale ndoos-sa, nanaheheta-aa'ik nai lea matan, ma dale mangale'dok-ka, nanataoafi tak.

YESAYA 59:15

Ta hapu hataholi dale ndoos so'on, ma see kande, nadook aoinan-na neme tao-nono'i mangalauk-ka mai soona, ndia nde da'di tatao-nono'i mangalauk-ka, paa nana'an-na.” Manetualain nita basan so, de Ana ta namahoko, nae ta hapu ndoos ma matetuk so'on.

YESAYA 59:3

Emi masala, nanahu masapepeko-masandandalik-ka, ma emi tao hata, ta tunga ndoos ma matetuk-ka fa, nanahu emi tao-no'i tatao-nono'i laka-nakasetik, ma kanisak-ka.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

HABAKUK 1:4

Ala heheta-aa'i hoholo-lalanek, ndoos ma matetuk-ka ta nanaho'un-nahelek la'iesa boen. Hataholi mangalauk-ka sengi hataholi manatao tunga ndoon-na, de ala puta-pai ndoos ma matetuk-ka.

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.

LUKAS 13:34

Yerusalem, Yerusalem! O lau mala taomisa basa nabi la, ma Manetualain hataholi nadedenu nala, tapas minik batu, losa mates. La'i de'u bee so, Au hii holu basa o lau mala, sama leo manu ina nasaluluku ana nala nai li'dan dale, tehu o ta nau fa!

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

IBRANI 12:22

Nasafali na, emi mai leo Pupuku Sio na mai, ma Manetualain kotan fo maso'da ka, fo nde Yerusalem manai nusa so'da ka no ata nusa so'da lifu-lifu nala.

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.

NINITAK 11:8

Popola nala neukose lalefule'ak nai kota matua ndia enon lain, fo nai bee sila Lamatua na nanalona-nggangek. Kota ndia na'de nakasasama na nde Sodom do Masir.

NINITAK 17:1

Basa ndia boema, hataholi esa neme ata nusa so'da kahituk mana ho'u nggalaa susa-soe kahituk sila la, ana mai de nafa'da au nae, “Mai, fo au atu'du o, tao leo beek fo manasosoa piao matuaina ndia nanahukuk. Kota ndia nde kota matuaina fo manadekak no lee la ndia.