YESAYA 1:18 - Susula Malalaok Hehelu Palak Ma Hehelu Beuk

¹⁸ Manetualain nafa'da nae, “Mai fo ata taketu-tala'di dede'ak ia. Leomae emi sala-singom pilas sama leo kaisuma, te neukose Au safe-a emi da'di fulak sama leo abas-sa. Leomae emi sala-singom makadotok ma belak-ka, te neukose Au fe do'o do ampon neu emi.

YESAYA 1:18 ပူးပေါင်းရင်းမြစ်များ

AYUB 9:33

Tehu, ta hapu manake-manafula nai ami tala'da fa, fo naketu ami dua fa.

MAZMUR 51:7

Tete'ek-ka, au hataholi mangalauk neme lelek bongi au-a, ma au inang nailu au-a nai sala-singok-ka dalek.

MAZMUR 51:9

Malalao-malalafu au, soona neukose au balisi; Safe-saa au, soona neukose au fulak lena heni a'bas-sa.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 3:13

Manetualain naheheleaon basa, soaneu Ana kalaak ma naketu-nala'di anan-nala.

YESAYA 41:1

Manetualain nae, “Bedenge leon fo mamanene Au, hai laun manai nusa dook-kala lemin. Maheheleaom, fo meu leo manakee-manafula meu tutulumatak fo, kalaak emi dede'am-ma. Mai fo, ata takabubua tala halak esa, soaneu taketu-tala'di, see ndoos ma see sala.

YESAYA 41:21

Manetualain, fo Israel manen-na, nafa'da lamatua daebafak-kala nae, “Kalaak emi dede'am-ma, ma mafa'da emi buti-butim-mala!

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

YESAYA 50:8

Nana Manetualain deka, Ana nafa'da nae, au salang ta. See nau nale'a no au? Mai fo, ata tutulumatak sama-sama. See kande la'ban au? Madenun fo, ana mai deka no au.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YEREMIA 2:5

Manetualain nafa'da nae, “O bei-ba'i kaim-mala, hapu sala beek nai Au-a, nalosa ala ke'di-ndiu Au? Ala usi ka'da sosongo-tatangok eli taak-ka de mate'en-na, lakadadaek seluk aoinan-nala.

YESKIAL 18:27

Tehu metema, hataholi manatao tatao-nono'i mangalauk-ka, ana ta tao sala-singok so'on, te ana mulai tao tatao-nono'i ndoos ma malole soona, neukose samanen-na naso'da.

YESKIAL 33:16

Neukose Au ta afandele, ana tao sala-singok-kala so'on, de neukose naso'da, hu kande ana tao hata fo ndoos ma malole.

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

HATAHOLI 17:2

Boema Paulus neu leo uma mamasok ndia neu sama leo tatao mandoo fai na, metema hapu hataholi Yahudi la uma mamason esa soona, neu fo natukaaafik no hataholi manai sila la, la'eneu Susula Malalao ka isi-liin. Ana tao leondiak iko-iko fai Sabat telu dale na.

HATAHOLI 18:4

Tehu tunga-tunga fai Saba ta soona, Paulus neu kola-kola nai uma mamasok dale, de nalosa nau hataholi Yahudi do hataholi Yunani boeo lamahele Yesus.

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

ROMA 5:20

Manetualain nde fe agama Yahudi hoholo-lalanen sila la. Tehu nai lelek fo hataholi daebafa ka boetai sanga enok fo tunga hoholo-lalanek sila, ala boetai la'olena hoholo-lalanek sila ma ala boetai lasala-lasingo. Leomae hataholi daebafa ka boetai tao sala-singok, tehu Manetualain boeo, boetai sue-lais.

NINITAK 7:14

Au ataa ae, “Au ta bubuluk fa Tuan, Tuan mesa kana nde bubulu ka.” Boema nafa'da au nae, “Hataholi sila la nde hataholi fo no so'da-molek ala la'ok seli le'dofai fefepa lili'u matuaina so. Ala safe basa ba'du manalu nala ma ala tao las da'di fulak ninik Bi'ilopo Ana ndia daa na.

SEMUEL SUSULAK-KA ESAN-NA 12:7

Besak ia, boso la'o dei. Neukose au kalaak emi nai Manetualain matan. Mafandendelek leon neu Manetualain dale malolen lala'en fo natu'dun neu emi, ma neu emi bei-ba'i kaim-mala so.