YESAYA 1:17 - Susula Malalaok Hehelu Palak Ma Hehelu Beuk

¹⁷ fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 1:17 ပူးပေါင်းရင်းမြစ်များ

MAZMUR 34:14

Boso kokolak dede'a-kokolak mangalauk, ma boso nau ke'di-ndiuk-ka.

KELUARAN 22:21

Boso tuni-ndeni, do ta tao tunga ndoos ma matetuk soaneu hataholi manamai-a; mafandendelek te makahulun-na, emi hataholi manamai nai Masir boe.

AMSAL 15:25

Neukose Manetualain tao natu'u, hataholi manakoao-ndaeaok-ka uman-na, tehu Ana nasulu-nahapa inafalu esa dae pusakan-na.

AMSAL 21:3

Tatao-nono'i ndoos ma matetuk-ka, nandaa no Manetualain dalen-na, lena heni tunu-hotuk-ka

AMSAL 31:9

Matee-mata'ti soaneus, ma da'di manakee-manafula ndoos ma matetuk. Masulu-mahapa hataholi nuu-taa hata-taak-ka, ma hataholi nanatuni-ndenik-ka, hak-ka.”

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

YESAYA 10:2

No enok ndia, emi kena-ka'i hataholi nuu-taa hata-taak-ka soaneu ana hapu sila haak-ka ma ala hapu ndoos ma matetuk-ka, ma emi loso-ma faluina-anamaak-ka hata-heton-nala.

YESAYA 56:1

Manetualain nafa'da anan-nala nae, “Tao hata fo ndoos, ma matetuk ma nandaa no Au hoholo-lalaneng. Nana, ba'ihanak seluk bai te, Au mai soi-tefa emi ma Au ndo matetung nananafa'dak.

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

YESKIAL 45:9

Manetualain Fo Mademaina, nafa'da nae, “Hai manakoasa Israel-la lemin, emi sala-singom-mala dai so. Hahae tuni-ndeni laun-na leona. Tao-no'i hata fo, ndoos ma tunga matetun-na. Boso boe usiheni Au anang-ngala, leme sila daen dale mai. Au, Manetualain Fo Mademaina, fe paleta ndia neu emi.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

ZEFANYA 2:3

Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

ULANGAN 14:29

Fe nana'a-nininuk sila-la, leo hataholi Lewi-la neu, nanahu sila dae-oen ta, ma fe hataholi nusa dea-la, faluina anamaak fo, manaleo manai emi kotam-mala dalek. Sila bole mai ho'i basa sila paluun lala'en-na. Metema emi taon leondiak, soona emi Manetualaim-ma, neukose Ana ba'e-pala emi ue-le'dim lala'en-na.”

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.