YEREMIA 9:9 - Susula Malalaok Hehelu Palak Ma Hehelu Beuk

⁹ Tao le'e de, Au ta fe huhukuk fo nandaa, neu leoina matak leo ia-ka fa? Neukose Au balas sila tatao-nono'in; Au, fo Manetualain nde manakokolak-ka!”

YEREMIA 9:9 ပူးပေါင်းရင်းမြစ်များ

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 57:6

Da'di, emi mandaa, hele makabubua batu talimo'dis-sala leme ndia mai. Fo emi baba'em-ma nde ndia! Emi di'a angol, ma tunu-hotu gandum neu batu sila-la boe. Emi maedaenga, Au amahoko nenik basa sila-la do?

YEREMIA 12:11

Memak tete'ek-ka Au ita ala tao Au nusang-nga da'di mamanak nes nan seli. Basa-basan lala'en-na lalengulanga pikok, te ta hapu manatao falik fa.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 4:25

Au ta ita hataholi daebafak fa, manupui-la boeo, basa-basas ala laa so

YEREMIA 5:29

Tehu, Au, fo Manetualain, neukose hukus, nanahu basa ha'da-tataok sila-la; neukose Au balas leoina ia, tatao-nono'in-nala.

YEREMIA 5:9

Tao le'e de, Au ta muse huku leoina matak leondiak-ka, ma balas hata fo ala tao basan ndia fa?

HOSEA 4:3

Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

YOEL 1:19

Au oke tutulu-fafalik neu O, ou Manetualain nana moo mana'uk-kala lamatuu de mate na'un-nala, ai-la boeo, leondiak nono'kabai ha'i na'ak-kala.

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia:

AMOS 5:2

Israel fo bei matatema, ana tu'da so, neukose ana ta fo'a so'on! Nanapo'ilotak nai dae-oen lain, ta hapu esa boen tulu-falin fo napadeik fa.