YEREMIA 9:8 - Susula Malalaok Hehelu Palak Ma Hehelu Beuk

⁸ Dede'a-kokolan-nala, mangalauk nanseli, nanisa, sama leo kokouisi malasok-ka. Hala-kokolan-nala, ka'da masapepeko-masandandalik mesan. Dede'a-kokolan-nala leo mina noo-a, tehu tunga ndoon-na, lakahihi'ik hataholi ndia.

YEREMIA 9:8 ပူးပေါင်းရင်းမြစ်များ

2 SEMUEL 3:27

Abner losa Hebron tutik-ka, Yoab lelekon leo boboak neu, deka no lelesuina, nono'kabai, ana sanga kokolak non dede'a nafufunik esa. No kaiboik, Yoab pau tafainan-na neu Abner tein-na, de maten. Yoab taonisa Abner, soaneu ana balas nape'da dalen-na neu Abner, nana ana taonisa fa'din Asael so.

MAZMUR 12:2

Ou Manetualain, tulu-fali ami, nana ta hapu hataholi ndoos so'on, hataholi manalilinekak neu O-a, mopok-kasa so.

MAZMUR 12:3

Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

MAZMUR 120:3

Hai manake'di-ndiuk-konei, neukose Manetualain tao o le'e? Neukose Ana huku o nenik beek?

MAZMUR 28:3

Boso tao mamopo-mamate au sama-sama no hataholi malelesik-ka, sama-sama no hataholi manatao tatao-nono'i mangalauk-ka. Metema ala kokolak no hala mangana'uk, tehu dalen-nala soona henuk no kaboo-kabalik

MAZMUR 35:20

Sila hala-kokolan ta mangana'uk fa; ala tutu'u eno ke'di-ndiuk soaneu hataholi fo, so'dan-na mole-dame.

MAZMUR 55:21

Au tia-lai makahulung-nga, sapu-na tia-lain-nala, nalelesi hehelu-balataan.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

MAZMUR 62:5

Emi ka'da tutu'u enok, fo tao matu'dan neme nangatutuu mademan-na mai. Emi hii ka'da masapepeko-masandandali; emi fe baba'e-papalak menik emi bafam-ma, tehu supa-soo-a nai emi dalem dale.

MAZMUR 64:8

Tehu Manetualain kou, kokou isin-na neus, de nggenge te, lakahina so.

AMSAL 25:18

Kalaa pepekok-ka, bisa neni mamates, sama leo tafaina, ai papaluk do kokou isi matane.

YEREMIA 5:26

Hai Au anang-ngala lemin, hapu hataholi mangalauk, nai emi dalek. Sama leo hataholi-a nanea hihi'ik fo nanalonak, soaneu nala manupui, leondiak boe, sila lona hihi'ik, fo nala hataholi daebafak-ka.

YEREMIA 5:9

Tao le'e de, Au ta muse huku leoina matak leondiak-ka, ma balas hata fo ala tao basan ndia fa?

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

YEREMIA 9:4

Hataholi-a esa-esak, muse nanea besa-besa soaneu nonon-na, ma tolano bongik-ka boeo, ta hapu nananamahelek fa. Nana, sila boeo, sama leo Yakob, de sila esa-esak ke'di-ndiu seluk tolanon-na. Hataholi-a esa-esak, la'ok su'di leo bee neu, fo kokolak nanggenggeo hataholi na'den, ma kokolak dede'a masapepeko-masandandalik.

YEREMIA 9:5

Basa-basas, lake'di-landiuao, ta hapu hataholi kokolak ndoos fa; Bafan-nala, biasa lasapepeko-lasandandali so, ala ta tuka tei-sale dale labe'i sala-singon-nala fa. Tatao-nono'ik ha'da hataholi taak-ka, latutungao, ke'di-ndiuk-ka, latutungao, ala taon lakandondoo henin ala ta sipok Manetualain makandondook fa.

MIKHA 6:12

Hataholi kamasu'ik manai emi kotam-ma, ala tuni-ndeni hataholi nuu-taa hata-taak-ka, ma emi basa-basam-mala masapepeko-masandandalik.